Morgunblaðið - 06.03.2009, Blaðsíða 13
Fréttir 13INNLENT
MORGUNBLAÐIÐ FÖSTUDAGUR 6. MARS 2009
SKARFAR standa gjarnan uppréttir og baða
vængjum, „messa“, segir á vef Skotveiðifélags Ís-
lands. Þessi skarfur í Hafnarfirði virðist einmitt á
þeim buxunum þar sem hann baðar út vængjum
sínum og teygir álkuna, eins og til að ná athygli
félaga sinna. Skarfar eru „svartir, svipljótir og
daunillir“. Þeir mynda sérstaka ætt fugla, Phala-
crocoracidae, en það orð er af gríska orðinu fyrir
skarf, og þýðir eiginlega sköllóttur hrafn.
Morgunblaðið/Ómar
Sköllóttur hrafninn messar í Hafnarfirði
Á FYRSTU
tveimur mán-
uðum ársins
lagði lögreglan
á höfuðborg-
arsvæðinu hald
á nærri 1.400
kannabis-
plöntur. Tvöfalt
meira en á öllu
síðasta ári. Að sögn Karls Steinars
Valssonar, yfirmanns fíkniefnadeild-
ar lögreglu höfuðborgarsvæðisins,
heldur lögreglan átaki sínu ótrauð
áfram.
Átak lögreglu bar enn ávöxt á
miðvikudag. Þá var kannabisræktun
stöðvuð í Kópavogi. Lagt var hald á
um fimmtíu plöntur en þær voru
flestar á lokastigi ræktunar og því
stutt í að afurðin færi í sölu.
Karlmaður á fimmtugsaldri var
yfirheyrður vegna málsins og játaði
hann að eiga plönturnar. Jafnframt
var lagt hald á nokkra gróð-
urhúsalampa. andri@mbl.is
Fundu fimm-
tíu plöntur
FRÉTTASKÝRING
Eftir Magnús Halldórsson
magnush@mbl.is
FINN Østrup, prófessor í lögfræði
við Copenhagen Buisness School
(CBS), telur lán Roskilde Bank til
kaupa á hlutabréfum í bankanum
sjálfum vera lögbrot. Þetta kom
fram í sjónvarpsþættinum Bankrot
(gjaldþrot) sem sýndur var í danska
ríkissjónvarpinu 4. mars síðastlið-
inn.
Í þættinum var rakinn aðdragandi
þess að Roskilde Bank, sem lengi
hafði verið einn virtasti banki Dan-
merkur, varð gjaldþrota.
Í þættinum var greint frá því að
bankinn hefði lagt hart að við-
skiptavinum sínum að kaupa bréf í
bankanum á árunum 2006 og 2007.
Þá var danska fjármáleftirlitið búið
að gera athugasemdir við eiginfjár-
stöðu bankans, sem þótti ekki nægi-
lega góð.
Í samtali við Morgunblaðið segist
Østrup líta svo á að fyrrnefnd lán
fari gegn danski löggjöf. „Ég hef
ekki enn séð þáttinn þannig að ég
get ekki tjáð mig um hvernig farið er
með það sem ég sagði við frétta-
menn DR [danska ríkisútvarpsins
innsk. blm.]. En aðalatriðið í mínum
huga varðandi lánin, er að mér
finnst það fara gegn góðum starfs-
háttum banka auk þess sem að það
kann að varða lög um markaðs-
misnotkun. Það fer þó eftir hverju
tilfelli fyrir sig,“ sagði Østrup í sam-
tali við Morgunblaðið í gær.
Hópmálsókn er nú í undirbúningi
vegna lána bankans fyrir kaupum í
bankanum sjálfum. Viðskiptavin-
irnir sem tóku lánin og keyptu segja
starfsmenn Roskilde Banka hafa
beitt þá þrýstingi, auk þess sem að
málsóknin byggist á því að lánin hafi
verið ólögmæt og falið í sér fölsun á
raunverulegu markaðsvirði bank-
ans.
Lögin um hlutfélög, einkahluta-
félög og verðbréfaviðskipti, sem
varða lánafyrirgreiðslu af fyrr-
nefndu tagi, eru ekki alveg skýr um
þessi mál hér á landi, frekar en í
Danmörku.
Mörg dæmi eru um það í gömlu
bönkunum, Glitni, Kaupþingi og
Landsbankanum, að lánað hafi verið
fyrir kaupum á bréfum í bönkunum
sjálfum. Í sumum tilfellum, varð það
gert án annarra veða en bréfanna
sjálfra.
Ólöglegt að lána fyrir
bréfum í bankanum?
Segir lán fyrir kaupum á bréfum í lánveitanda lögbrot
FYRIRHUGAÐ er að loka Sundhöll
Reykjavíkur tímabundið í sumar til
þess að sinna viðhaldi. „Hún verður
lokuð í einhvern tíma, en það er
ekki búið að ganga endanlega frá
því,“ sagði Steinþór Einarsson,
skrifstofustjóri íþróttamála hjá
Íþrótta- og tómstundaráði Reykja-
víkur. Hann reiknar þó með að
henni verði lokað tímabundið í júlí,
en aðsókn í laugina er minnst yfir
sumarmánuðina. Aðspurður hvort
að lokun Sundhallarinnar væri í
sparnaðarskyni sagði hann: „Við
sjáum þarna ákveðið tækifæri,
þetta er innilaug, hún þarfnast við-
halds og því er skynsamlegast að
loka henni á þessum árstíma.“
Sundhöllin
lokuð í sumar
REGLULEG laun voru að meðaltali
0,4% hærri á fjórða ársfjórðungi
2008 en ársfjórðungnum á undan,
samkvæmt tölum frá Hagstofu Ís-
lands. Á sama tíma lækkuðu laun á
almennum vinnumarkaði um 0,5%
að meðaltali en laun opinberra
starfsmanna hækkuðu um 2,7%.
Frá fyrri ársfjórðungi hækkuðu
laun verkafólks mest eða um 1% en
laun stjórnenda lækkuðu á sama
tímabili um 2,6%. Milli ársfjórðunga
mældist mesta launalækkunin í fjár-
málaþjónustu, lífeyrissjóðum og vá-
tryggingum, eða 3%.
Opinberir starfsmenn margir
Spurður hvernig skýra megi
launahækkun opinberra starfs-
manna í lok árs segir Gunnar
Björnsson, skrifstofustjóri starfs-
mannaskrifstofu fjármálaráðuneyt-
isins, að kjarasamningar á almenn-
um vinnumarkaði hafi tekið gildi
fyrripart árs en kjarasamningar
launanefndar sveitarfélaga tóku
ekki gildi fyrr en 1. nóvember. Sú
launahækkun kom því að öllu leyti
inn á síðasta ársfjórðunginn. „Ef allt
árið væri skoðað liti myndin öðruvísi
út,“ segir hann. „Starfsmenn sveit-
arfélaga eru 5-6.000 talsins. Þetta er
stór hópur sem er ekki með há
grunnlaun og með því að fá krónu-
töluhækkun [20.300 kr.] verður pró-
sentuhækkunin meiri.“ ylfa@mbl.is
Fengu 2,7%
launahækk-
un í lok 2008
Samtímis lækkuðu laun
á almennum markaði
Rau›arárstígur 14, sími 551 0400 · www.myndlist.is Gallerí Fold · þekkt fyrir trausta þjónustu
Karólína Lárusdóttir
Lísbet Sveinsdóttir
Bilson
Á uppboðinu er úrval góðra verka,
meðal annars fjölmörg verk gömlu meistaranna
Listmunauppboð
í Galleríi Fold
fer fram mánudaginn 9. mars, kl. 18.15
í Galleríi Fold, á Rauðarárstíg
Verkin verða sýnd:
föstudag kl. 10–18, laugardag kl. 11–17
sunnudag kl.12–17, mánudag kl. 10–17
Einnig er hægt að skoða uppboðsskrána á www.myndlist.is
Sæ
m
undur Valdem
arsson