Morgunblaðið - 26.03.2009, Blaðsíða 20

Eftir Draupni Rúnar Draupnisson,
nema í fjölmiðlun
Aðaldánarorsök á Íslandi erkransæðasjúkdómar. Ár-lega deyja 1.800 Íslend-ingar, þar af um 700 eða
40%, úr hjarta- og æðasjúkdómum.
Að meðaltali deyr einn karl á dag og
tæplega ein kona. Verulegur hluti
þessara hjartadauðsfalla er óvæntur
og hefði mátt fyrirbyggja mörg
þeirra. Greining hjartasjúkdóms á
byrjunarstigi er vel möguleg auk
þess sem árangursrík meðferð er til
bæði við hjartasjúkdómum og mörg-
um áhættuþáttum. Uppgötvist
hjarta- og æðasjúkdómur eða
áhættuþættir tímanlega er hægt að
breyta gangi sjúkdómsins og bjarga
mannslífum.
Landssöfnun Hjartaheilla
Hjartaheill, landssamtök hjarta-
sjúklinga, standa fyrir landssöfnun
til styrktar hjartalækningadeild
Landspítala – háskólasjúkrahúss.
Landssöfnunin er á laugardaginn,
28. mars, og verður ríflega tveggja
klukkustunda löng söfnunar- og
skemmtidagskrá í beinni útsendingu
og opinni dagskrá á Stöð 2. Fram
koma valinkunnnir tónlistarmenn og
grínarar, s.s. Páll Óskar, Jóhanna
Guðrún, Milljónamæringarnir og
Bogomil Font, Pétur Jóhann, Jón
Gnarr, Ilmur Kristjánsdóttir, Jói og
Gói, Brynhildur Guðjónsdóttir,
Auddi og Sveppi og margir fleiri.
Kynnar verða Heimir Karlsson og
Kolbrún Björnsdóttir úr Íslandi í
bítið á Bylgjunni. Rauði þráðurinn
verður ástin, rómantíkin og allt það
sem okkur er hjartfólgnast.
Fjármunir sem safnast munu á
skemmti- og söfnunarkvöldinu
renna til kaupa á nýju þræðingar-
tæki, sem mun nýtast mörgum. Á
hjartarannsóknastofu Landspítal-
ans eru til tvö tæki, annað átta ára
gamalt og hitt 12 ára. Yngra tækið
hefur verið fullnýtt til meðferðar á
hjartsláttartruflunum. Eldra tækið
hefur einkum verið notað til mynda-
töku á kransæðum, til kransæða-
víkkana og við að opna lokaðar
kransæðar í bráðakransæðastíflu.
Einnig er eldra tækið notað til
þræðinga á börnum með meðfædda
hjartagalla.
Þessi tvö tæki eru þau einu á land-
inu og duga ekki lengur til að veita
Íslendingum bestu þjónustu og með-
ferð við bráðum hjartasjúkdómum.
Tækin hafa dugað vel en tafir vegna
bilana eru vaxandi vandamál og búa
þau ekki yfir nýjustu tækni.
Hjarta- og æðasjúkdómar 40% dauðsfalla
Morgunblaðið/Sverrir
Þrætt Kristján Eyjólfsson yfirlæknir með sjúkling í hjartaþræðingu.
Landssöfnun
Hjartaheilla
á laugardag
Í HNOTSKURN
»Kransæðasjúkdómar erulangalgengasta dán-
arorsök kvenna.
»Árið 2005 dóu 360 karlarog 330 konur úr hjarta-
og æðasjúkdómum. Til sam-
anburðar dóu 19 manns í
umferðarslysum.
20 Daglegt líf
MORGUNBLAÐIÐ FIMMTUDAGUR 26. MARS 2009
Hilmir Jóhannesson áSauðárkróki yrkir um
Drangey:
Öll eru skrefin upp í móti,
yfir gjótur rekaspýtur.
Fótur lítils næðis nýtur,
nærist gras á beittu grjóti.
Djúpt í klettum kettur búa,
köld var dvölin bræðrum tveimur,
í morgunsárið hvarf þeim heimur.
Heiðnum sögum vil ég trúa.
Fátt er breytt og hafið hér
hlein og stein með öldu strýkur,
björt er ennþá barnsins þrá.
Görpum hvatning eyjan er
ég vil skarðið, fyrr en lýkur
klífa, hæsta klettinn á.
Rúnar Kristjánsson orti:
Líf sem byggir ljósi á
lausnar geisla fær að sjá,
þar sem opnast inn á við
allt sem gefur sannan frið.
Honum varð hugsað til Gandhis:
Gandhi var maður góður,
gekk hann við aukinn hróður,
veginn sinn virtur,
var síðan myrtur,
oft drepur bróðir bróður!
VÍSNAHORN pebl@mbl.is
Af Drangey
og Gandhi
Eftir Ylfu Kristínu K. Árnadóttur
ylfa@mbl.is
E
kki er aðeins ljóst að fá-
ir velja að segja upp
kortunum í líkamsrækt-
inni í sparnaðarskyni
eða fækka sundferð-
unum, heldur að þeir sem misst hafa
vinnuna hanga ekki svartsýnir og
daprir heima heldur drífa sig út og
hreyfa sig í hinum fjölmörgu lík-
amsræktarstöðvum landsins. Enda
ekki að undra þar sem endorfín
verður til í heilanum við líkams-
þjálfun sem veldur vellíðan og sælu-
tilfinningu.
Fjölgun gesta er ekki síst að
þakka því átaki stéttarfélaga og
sveitarfélaga að létta atvinnulausum
lífið með ýmsu móti, þ.á m. með því
að ýmist niðurgreiða mánaðar-
gjöldin eða borga þau að fullu í
ákveðinn tíma.
„Það er rosaleg aukning, við erum
að slá aðsóknarmet á hverjum degi,
segir Ingibjörg Reynisdóttir, sölu-
stjóri í Hreyfingu. „Bæði er fólk að
nýta kortin sín betur og síðan er
mikil aukning í kortasölu.“ Hún seg-
ist telja að fólk þurfi á einhverju já-
kvæðu að halda auk þess að halda
fullum styrk. „Fólk sækir í fé-
lagsskap, góða heilsurækt og góða
andlega og líkamlega vellíðan.“
Ingibjörg segir að heldur hafi
dregið úr aðsókn í einkaþjálfun hjá
Hreyfingu en á móti komi að fleiri
sæki í hóptíma. Hún segir álagið
hafa dreifst þó álagspunktarnir séu
enn snemma á morgnana, í hádeg-
inu og síðdegis.
Fólk hefur meiri tíma
Björn Leifsson, eigandi World
Class, segir fleiri sækja World
Class-stöðvarnar en í fyrra. Þá er
nýtingin einnig betri en fyrir ára-
mót mættu að meðaltali 25% kort-
hafanna hvern dag en nú hefur hlut-
fallið hækkað upp í 30%. „Ég held
að fjölgunin sé aðallega vegna þess
að fólk hefur meiri tíma og er minna
erlendis en vill líka hitta fleira fólk
og halda sér jákvæðu.“ Í janúar var
slegið aðsóknarmet þegar 7.500
manns mættu í stöðvarnar á einum
degi en venjulega mæta daglega
6.600-6.800 manns.
Björn segir að dregið hafi úr
einkaþjálfun innan World Class-
stöðvanna. „Það er áberandi að fólk
hefur minni pening milli handanna
og reynir að spara,“ segir hann og
bætir við að beiðnum um afslátt af
mánaðargjöldum eða ókeypis að-
gang hafi fjölgað. Þá hefur aðsóknin
breyst á þann veg að hún er jafnari
Stóraukinn áhugi á líkamsrækt
Morgunblaðið/Árni Sæberg
Í áskrift Áskrift notenda að líkamsræktarstöðvunum virðist nú mun betur nýtt en áður en kreppan skall á. Áskrifendur eru ekki lengur óvirkir notendur.
Síðan efnahagur lands-
ins tók skarpa dýfu í
haust eru flestir farnir að
hugsa betur um í hvað
þeir eyða peningunum.
Svo virðist þó sem fólk
hiki við að spara þegar
kemur að heilsunni og
hefur áhugi á hvers kyns
líkamsrækt og hreyfingu
sjaldan verið meiri.
yfir allan daginn. „Það eru ekki eins
mikil læti milli kl. 18 og 20. Álags-
kúrfurnar eru ekki eins áberandi í
dag.“
Hjá Sporthúsinu fengust þær
upplýsingar að aukningin í korta-
sölu væri engu lík. „Aukningin er
gígantísk,“ segir Þröstur Jón Sig-
urðsson framkvæmdastjóri. Hann
segir ástæðuna vera bæði mikla
endurnýjun á öllum aðbúnaði stöðv-
arinnar og vitundarvakningu í þjóð-
félaginu. Aðspurður segir hann að
þvert á það sem hann bjóst við hafi
ásókn í einkaþjálfun aukist. „Ég er
með fleiri þjálfara nú en fyrir ári.
Ég hugsa að það séu a.m.k. helmingi
fleiri í einkaþjálfun en á sama tíma
fyrir ári.“
Steinþór Einarsson, skrif-
stofustjóri íþróttasviðs ÍTR, segir
töluverða aukningu vera í aðsókn að
sundlaugum Reykjavíkur. Um 60
þúsund fleiri fóru í sund í janúar og
febrúar en í sömu mánuðum árið áð-
ur. „Það eru fleiri ný andlit en að
auki kemur fólk oftar. Það virðist
hafa meiri tíma nú en áður.“
Björn Þór Sigurbjörnsson er einkaþjálfari í Sporthús-
inu í Kópavogi. Hann segist vera bókaður lengra fram
í tímann en áður og er eftirspurnin mun meiri en á
sama tíma í fyrra. „Maður átti von á að fólk myndi
halda að sér höndum miðað við ástandið í þjóðfélag-
inu en þetta varð til þess að einkaþjálfunin hefur rok-
ið upp,“ segir Björn og bætir við að sér virðist sem
eldra fólk sæki meira í einkaþjálfunina en áður.
Hann segist vera kominn með biðlista af fólki sem
vilji komast í einkaþjálfun en eftirspurnina megi að
einhverju leyti rekja til þess að færri þjálfarar séu að störfum í líkams-
ræktarstöðvunum en áður þó að þeim hafi fjölgað í Sporthúsinu. Þá vilji
fólk ekki skera niður á heilsusviðinu heldur frekar draga úr eða sleppa al-
gerlega annarri neyslu.
Kópavogsbær gerði í vetur samning við líkamsræktarstöðvar í bæjar-
félaginu um að veita þeim 1.300 atvinnulausu einstaklingum sem þar búa
ókeypis aðgang. Þó að ólíklegt sé að sá hópur standi fyrir aukningu í
einkaþjálfuninni gefur Björn þá einföldu útskýringu á aukningunni að það
ríki ekki kreppa hjá öllum. „Ég held að fólk sé að vissu leyti búið að ganga
í gegnum það versta. Það er að birta yfir fólki, maður tekur eftir því. Ég
þakka mínum sæla fyrir að vinna í þessari stöð, mér finnst ég verndaður
fyrir þeirri hræðsluumræðu sem hefur verið undanfarna mánuði því hér
kemur fólk til að taka á því og gleyma því sem er að gerast fyrir utan.“
„Einkaþjálfunin hefur rokið upp“