Morgunblaðið - 26.03.2009, Blaðsíða 29

Minningar 29
MORGUNBLAÐIÐ FIMMTUDAGUR 26. MARS 2009
leigubílstjóri með fullri smíðavinnu,
ég fór nokkra túra á togara og var að
koma úr siglingu klyfjaður af varningi
sem var ekki leyfilegur þá. Ég tók
leigubíl úr Akraborginni og það var
hann sem keyrði okkur, ég held að
honum hafi ekki litist á piltinn.
Þegar við Habba fórum að huga að
því að búa saman var lítið um leigu-
húsnæði, engin lán að hafa fyrir fólk
18 og 19 ára. Þá sagði hann: Sækið
bara um lóð, ég lána ykkur mót og
byrjið að byggja hús. Við byggðum
hús með hans hjálp; það var ekki auð-
velt en okkar besta ákvörðun þá.
Þannig var hann alltaf hvetjandi.
Hann var alltaf tilbúinn að fara í
ferðalag og fórum við margar ferð-
irnar saman, fjallaferðir á jeppunum
okkar, útilegur með fellihýsið og síð-
ustu ferðina fórum við síðastliðið
sumar þegar við fórum hringinn,
hann og Lóa á húsbílnum og við
Habba á Fordinum, skoðuðum stífl-
una við Kárahnjúka ofl.
Ég var stundum að spyrja hvort
hann væri ekki þreyttur; nei, hann
gat keyrt endalaust. Hann kom oft í
vélsmiðjuna, fékk kaffi og við spjöll-
uðum. Hann var gæddur þeirri gáfu
að segja skemmtilega frá og sagði
margar sögurnar frá árum áður. Var
mjög minnugur. Síðustu ferðina í vél-
smiðjuna kom hann á leiðinni heim
frá sjúkrahúsinu, varð að sjá kerruna
sem Valdi var að smíða. Þannig er
honum vel lýst; fylgjast með öllu sem
hans fólk var að starfa.
Takk fyrir samfylgdina.
Guð blessi þig.
Ólafur R. Guðjónsson.
Elsku Geir, það er komið að
kveðjustund, fjölskyldan vissi í hvað
stefndi.
Þú háðir hetjulega baráttu við
krabbameinið fram á síðustu stundu,
þú kvartaðir ekki, þú hafðir það ágætt
ef þú varst spurður hvernig þér liði.
Sandabraut 10 er búin að vera eins og
umferðarmiðstöð sl. daga, fjölskyldan
er stór og margir að kíkja inn. Lóa,
konan þín, hefur staðið eins og klettur
og hugsað um þig heima allt til enda,
því heima vildir þú vera. Þú varst
mikill fjölskyldumaður og varst dug-
legur að fylgjast með börnum og
barnabörnum, hvernig þau hefðu það
og hvað þau væru að gera. Sælkeri
varstu mikill og naust þess vel að
borða pönnukökur með sultu hjá mér
og teygðir úr þér í sófanum á eftir. Ég
veit að þú heldur áfram að fylgjast
með þínu fólki og verður örugglega
þriðji maður um borð á grásleppunni í
vor með Gísla og Valda. Sjómennskan
var þér mikils virði og var bryggj-
urúntur fastur liður í þínu lífi. Í vetur
þegar ég sótti þig á spítalann ásamt
Lóu var það fyrsta sem þú sagðir þeg-
ar þú komst inn í bílinn: „Sæl Magga
mín, eigum við ekki að taka rúnt?“
Þig langaði að sjá út á sjóinn og var
það bara minnsta mál.
Minningin um þig lifir með okkur í
fjölskyldunni. Takk fyrir allt Geir
minn. Hvíldu í friði. Þín tengdadóttir
Margrét.
Elsku afi.
Okkur systkinin langar til að minn-
ast þín með nokkrum orðum. Við er-
um ofboðslega þakklát fyrir allar þær
stundir sem við áttum með þér og
eiga þær ávallt stað í hjarta okkar. Þú
ert maður sem hægt er að líta upp til
og það er okkur mikill heiður að hafa
fengið að kynnast svona einstakri
manneskju. Okkur er minnisstætt
ferðalagið, eina verslunarmannahelg-
inna, sem við fórum með þér og
ömmu. Þá var þvílík hitabylgja og
vorum við systkinin að grillast í aft-
ursætinu; vorum byrjuð að fækka föt-
um til þess að skyggja fyrir sólina og
auðvitað varst þú á fjölskylduhraðan-
um. Þú keyrðir hægt en öruggt. Þú
varst einstaklega heppinn með heils-
una fram að níræðisaldri og eru ekki
allir svo heppnir. Þú naust þess að
borða sætindi og fékkst að grugga í
nammipokana okkar. Elsku afi, þú
varst búinn að vera mikið lasinn síð-
ustu vikurnar og vonum við að þér líði
betur núna. Megi Guð geyma þig og
við vitum að þú ert nú þarna uppi að
fylgjast með okkur og hjálpa okkur í
gegnum súrt og sætt.
Kærar kveðjur og stórt knús…
Þín barnabörn,
Lóa Guðrún og Gísli Þór.
Elsku afi.
Þá er þú farinn á nýjan stað. Þar
sem þú eflaust tekur í nefið og segir
sögur af fólki sem voru þér samferða í
þessu lífi. Og eflaust ertu búinn að
hitta gamla vini og ert að spjalli við
þá.
Við minnumst þín sem afar góðum
afa, hugulsamur, næmur, æðrulaus,
með skemmtilegan húmor og alltaf
með hugann við hvernig aðrir hefðu
það. Okkur þykir vænt um þig og vilj-
um þakka þér samveruna í þessu lífi
og allar þær ómetanlegu stundir sem
við deildum saman.
Við biðjum algóðan guð að vera
með þér.
Þegar sól til viðar hnígur
eftir fallegan og bjartan dag
á öðrum stað þá upp hún stígur
og syngur þar nýtt lífsins lag,
(Höf. ók.)
Geir, Harpa og Hrafnhildur.
Nú er minn kæri afi dáinn. Farinn
til guðs og orðinn engill sem lítur til
með okkur ofan frá himnum. Elsku
afi, takk fyrir allar stundirnar sem við
áttum saman í gegnum árin. Allar
heimsóknirnar á Sandabrautina til
þín og ömmu, öll fjölskylduboðin og
tímann okkar saman á ferðalögum.
Ég mun varðveita þessar stundir og
minningar vel. Í hjarta mínu munt þú
ávallt eiga vísan stað.
Ég vil kveðja elsku afa minn með
kvöldbæninni minni.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Þín
Edda.
Er við kveðjum vin okkar Geir
Valdimarsson koma upp í huga okkar
margar og góðar minningar. Hann
var með létta lund, sagði skemmtilega
frá og naut þess að vera með fjöl-
skyldu sinni. Alltaf sagði maður Lóa
og Geir, en þau voru sérstaklega sam-
rýmd hjón. Ferðuðust þau mikið sam-
an, bæði innanlands og utan. Við
þökkum fyrir allar góðu stundirnar,
bæði frá Akranesi og Vatnsleysu-
ströndinni.
Blessuð sé minning Geirs Valdi-
marssonar.
Guðný Dóra, Gunnar
og fjölskylda.
Þarna er afa svo rétt lýst. Alltaf tilbú-
inn að aðstoða aðra. Aldrei sagði hann
nei ef hann var beðinn um aðstoð. En
Elli kerling bankaði upp á hjá afa,
sem okkur þótti öllum svo vænt um,
eins og hjá svo mörgum öðrum. Það
er með söknuði sem ég kveð þig afi, en
samgleðst með þér að vera laus héð-
an.
Vésteinn (Steini).
Elsku afi Bessi.
Tíminn okkar saman í þessu lífi er
liðinn og ég viðurkenni að það hefur
myndast visst tómarúm í hjartanu
mínu. Þú og amma Fríða hafið kennt
mér svo margt sem verður mér gott
veganesti í mínu lífi. Það eru ýmsar
hugljúfar minningar sem rifjast upp
þegar ég hugsa til baka. Þær eftir-
minnilegustu eru þó þær sem við átt-
um við eldhúsborðið á Bústaðavegin-
um. Þú sitjandi í þínum stól í þínu
horni og amma að snúast í kringum
okkur berandi fram ilmandi bakkelsi.
Þar áttum við margar góðar samræð-
ur um daginn og veginn.
Mér verður hugsað til útskriftar-
gjafar minnar frá þér sem þú gafst
mér þegar ég útskrifaðist frá háskól-
anum. Það er lítið kærleiksegg og á
því stendur „tíminn líður en andar-
takið lifir að eilífu“, það á svo vissu-
lega við þig, afi minn. Ég mun halda
fast í þessar góðu minningar sem við
áttum saman og er að eilífu þakklát
fyrir þær. Ég veit að þú ert kominn á
þann stað sem þú varst farinn að óska
þér eftir, sameinaður henni Fríðu
þinni. Þó svo söknur minn sé mikill þá
er ég líka ánægð fyrir þína hönd að sú
bið er á enda.
Ég var svo lánsöm að eignast drop-
ann sem þú bjóst til úr keramíki í
handavinnunni í Seljahlíð sem er unn-
inn út frá ljóðinu Rigning eftir Einar
Benediktsson. Mig langar að kveðja
þig með því ljóði elsku afi minn.
Hver, sem veit, nær daggir drjúpa,
hvar dafnar fræ, sem ná skal hæst.
Hver er, sem veit, nær knéin krjúpa
við kirkjuskör, hvað guði er næst.
Fyrst jafnt skal rigna yfir alla,
jafnt akurland sem grýtta jörð, –
skal nokkurt tár þá tapað falla,
skal týna sauði nokkur hjörð?
Hver er að dómi æðsta góður –
hver er hér smár og hver er stór?
Í hverju strái er himingróður,
í hverjum dropa er reginsjór.
Þín
Sólrún Húnfjörð Káradóttir.
Elsku afi Bessi.
Þó að sorg mín og missir séu mikil
býr samt gleði innra með mér yfir því
að þú sért loksins búinn að öðlast ró
og frið. Eftir skildir þó óteljandi góð-
ar minningar sem geta hlýjað mínu
hjarta þegar sorgin fyllir það og
þakka ég þér fyrir það. Flestar minn-
ingar mínar eru um ykkur ömmu og
Bústaðaveginn, hve yndislegt það var
að koma í heimsókn til ykkar í
hlýjuna. Það var farið með mig eins
og drottningu og helst þurfti ég að
koma svöng til ykkar því ekki kom til
mála að borða ekki neitt hjá ykkur.
Ég hlakkaði alltaf til að opna jóla-
pakkann frá ykkur þar sem ég fékk
oftast prjónaða ullarsokka eftir
ömmu eða fallegan lampa eða skál
sem þú smíðaðir handa mér. Þessir
gripir eru mér sem gull í dag og verða
þeir vel varðveittir. Ég mun sakna
þín elsku afi og ég bið að heilsa
ömmu.
Ég lít í anda liðna tíð,
er leynt í hjarta geymi.
Sú ljúfa minning – létt og hljótt
hún læðist til mín dag og nótt,
svo aldrei, aldrei gleymi …
(Halla Eyjólfsdóttir.)
Elsku Kári (pabbi), Auður, Rakel,
Gréta, Haukur, Siggi og Steini, hugur
minn er hjá ykkur og megi Guð
styrkja ykkur í sorg ykkar.
Ó, svo dapur er dagur vaknar,
dægurþrasið svo fjarri er.
Mundu þegar þú sárast saknar og sólin
skín hvergi nálægt þér
að í bæn er falinn máttur er þig magnar
þúsundfalt
því með bæninni kemur ljósið og í ljósinu
lagast allt.
(Páll Óskar/Brynhildur Björnsdóttir.)
Ástarkveðjur,
Eyrún Húnfjörð.
En komin eru leiðarlok
og lífsins kerti brunnið
og þín er liðin æviönn
á enda skeiðið runnið.
Í hugann kemur minning mörg,
og myndir horfinna daga,
frá liðnum stundum læðist fram
mörg ljúf og falleg saga.
(Höf. ók.)
Með þessum orðum kveð ég afa
minn Bessa Guðlaugsson, sannkallað-
an heiðursmann og þakka honum fyr-
ir samfylgdina.
Friðþjófur Jóhannesson.
Meira: mbl.is/minningar
✝
Okkar elskulega dóttir, fósturdóttir, systir, afa- og
ömmustelpa,
EYDÍS EDDA SIGMUNDSDÓTTIR,
Hólmasundi 2,
Reykjavík,
lést á heimili sínu að morgni mánudagsins
23. mars.
Jarðarförin verður auglýst síðar.
Bára Aðalsteinsdóttir,
Elín Sveinsdóttir, Sigmundur Ernir Rúnarsson,
Oddur, Birta, Rúnar, Ernir og Auður,
Kristín Hólm, Aðalsteinn Gíslason,
Helga Sigfúsdóttir, Rúnar H. Sigmundsson,
Auður Vésteinsdóttir, Sveinn Viðar Jónsson.
✝
Frænka okkar,
STEINUNN ÓLÍNA SIGURÐARDÓTTIR,
Skógarbæ,
áður til heimilis
Kleppsvegi 118,
er látin.
Útförin fór fram í kyrrþey mánudaginn 23. mars.
Steinunn Karlsdóttir,
Jóhann Karlsson,
Þorbjörg Karlsdóttir.
✝
Elskulegur eiginmaður minn, faðir, tengdafaðir, afi
og langafi,
GUNNLAUGUR GARÐAR BRAGASON,
Stillholti 19,
Akranesi,
lést á Sjúkrahúsi Akraness sunnudaginn 22. mars.
Útförin fer fram frá Akraneskirkju þriðjudaginn
31. mars kl. 14.00.
Þeim sem vilja minnast hans er bent á Sjúkrahús Akraness.
Ásdís Magnúsdóttir,
Helga Ragnheiður Gunnlaugsdóttir, Gunnar Larsen,
Magnús Bragi Gunnlaugsson, Margrét Ýr Valgarðsdóttir,
Gautur Garðar Gunnlaugsson, Sigríður Ása Sigurðardóttir,
Jóhann Bjarki Gunnlaugsson
og afabörn.
✝
Ástkær eiginmaður minn, faðir okkar, tengdafaðir
og afi,
SÉRA BRAGI BENEDIKTSSON,
Kirkjuvöllum 7,
Hafnarfirði,
lést þriðjudaginn 24. mars.
Útför hans fer fram frá Hafnarfjarðarkirkju
fimmtudaginn 2. apríl kl. 15.00.
Blóm og kransar eru vinsamlegast afþakkaðir en þeim sem vildu
minnast hans er bent á Barnaspítala Hringsins.
Bergljót Sveinsdóttir,
Sveinn Magnús Bragason, Björk Gunnarsdóttir,
Soffía Emelía Bragadóttir,
Lilja Bragadóttir, Michael Sigþórsson,
Guðrún Björg Bragadóttir,
Benedikt Bragason,
Trausti Bragason,
Sveinn Ómar, Bragi, Sigþór Gellir,
Hrólfur og Benóný Orri.
ÍSLENSKAR
LÍKKISTUR
Góð þjónusta - Gott verð
Starmýri 2, 108 Reykjavík
553 3032
Opið 11-16 virka daga
✝
Konan mín, móðir okkar, tengdamóðir og amma,
HILDUR THEÓDÓRSDÓTTIR,
Flétturima 20,
Reykjavík,
andaðist miðvikudaginn 11. mars.
Útförin hefur farið fram í kyrrþey að ósk hinnar
látnu.
Sigþór Pétur Svavarsson,
Fannar Freyr,
Árni Rúnar Ingason, Laufey Vilmundardóttir,
Skúli Theódór Ingason, Hólmfríður Dögg Einarsdóttir,
Erling Valur Ingason
og barnabörn.