Morgunblaðið - 01.07.2009, Blaðsíða 2

2 FréttirINNLENT
MORGUNBLAÐIÐ MIÐVIKUDAGUR 1. JÚLÍ 2009
Í vinnuna
H
V
ÍT
A
H
Ú
S
IÐ
/
S
ÍA
-
0
9
-0
3
6
3
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SUMARIÐ er tíminn þegar börn og unglingar
sækja útilífsnámskeið af miklu kappi. Þessi börn
sigla á kanóum á Rauðavatni og í hlýindunum
þykir þeim gaman að vaða í vatninu. Börnin eru
8-12 ára gömul og sækja útilífsskóla Seguls,
Skátafélags Breiðholtsbúa og Árbúa, sem er
skátafélagið í Árbænum. Margt fleira er til gam-
ans gert í útilífsskólanum og börnin njóta hvers
góðviðrisdags út í ystu æsar.
RÓA Á RAUÐAVATNI Í GÓÐA VEÐRINU
Morgunblaðið/Jakob Fannar
ÚLFUR Árna-
son, prófessor
emeritus við eina
af náttúruvís-
indastofnunum
Háskólans í
Lundi, fékk 10
daga frest til þess
að tæma skrif-
stofuna sína eftir
að hann hafði
gagnrýnt hvernig staðið var að upp-
sögnum fjögurra kennara stofnunar-
innar.
„Að ráði deildarforseta var fjög-
urra manna starfshópi frá tveimur
einingum stofnunarinnar af fimm
falið verkefnið. Að sjálfsögðu var
sagt upp starfsmönnum eininganna
þriggja sem ekki áttu fulltrúa í
starfshópnum. Ég færði rök fyrir því
að þetta stangaðist á við allt rétt-
læti,“ segir Úlfur sem í gær tæmdi
skrifstofuna sína.
„Ég sýndi einnig fram á með
dæmum hvernig þessir aðilar hefðu
hegðað sér í fyrri tíð. Það hefur allt
verið í ólestri vegna vanstjórnar. Ég
vitnaði í skýrslu Vísindaráðs frá 2003
þar sem alþjóðlegir sérfræðingar
gagnrýna rannsóknir yfirmanns
fimm eininga deildarinnar og ég
sagði hann ekki hæfan til að dæma
aðra. Þetta hljóp í skapið á deildar-
forseta,“ bætir Úlfur við.
Í síðustu viku var haldinn fundur í
háskólanum um málið og að honum
loknum kvaðst deildarforsetinn
reiðubúinn að endurskoða ákvörðun
sína um að reka Úlf ef hann gerði
greinarmun á persónulegum árásum
og málefnalegum flutningi.
„Deildarforsetinn hefur ekki sagt
á hverju ég eigi að biðjast afsökunar.
Það er algjörlega óskilgreint,“ segir
Úlfur.
Nokkrum dögum eftir að hann
fékk bréf um uppsögnina var lokað
fyrir símann á skrifstofu hans og fyr-
ir tölvupóst. „Þýsk kona hér líkti
þessu við það sem gerðist í Þýska-
landi upp úr 1933 þegar háskóla-
borgarar, sem reyndu að mótmæla
yfirgangi, voru lagðir í einelti.“
Fjölmiðlar á Skáni hafa fjallað
mikið um málið og það hefur einnig
vakið athygli víðar í Svíþjóð, einkum
í Uppsölum, að sögn Úlfs. „Þar voru
háskólakennarar sem sýndu fram á
ranglæti sakaðir um að koma af stað
illdeilum,“ segir hann.
Vísindaritið Nature hefur fjallað
um málið. ingibjorg@mbl.is
Íslenskur prófessor var
rekinn vegna gagnrýni
Lokað fyrir símann á skrifstofu hans og tölvupóstsendingar
Úlfur Árnason
GRÍÐARLEG
vonbrigði eru
meðal lögreglu-
manna vegna
ákvörðunar
dómsmálaráðu-
neytisins um að
fella niður fimm-
tán þúsund
króna álags-
greiðslur. Þetta
segir Snorri Magnússon, formaður
Landsambands lögreglumanna.
„Það er ljóst að við hefjum
samningalotuna okkar með launa-
lækkunum,“ segir Snorri, en kjara-
samningar lögreglumanna losnuðu
um síðustu mánaðamót. „Álagið
hefur verið greitt frá því í október
2007 og var komið á vegna þess
flótta sem var úr stéttinni. Öllum
sem komu að því máli var það ljóst
að tilgangurinn var að leiðrétta
launin sem mikil óánægja hefur
verið með.“
Snorri á ekki von á að margir
lögreglumenn hætti sjálfviljugir í
núverandi árferði. Hins vegar sé
viðbúið að álag aukist á lögreglu,
einmitt við þessar aðstæður.
Snorri sagði lögreglumönnum frá
niðurstöðu ráðuneytisins í bréfi
sem hann sendi á mánudag. Þar
kemur einnig fram að viðbúið sé að
Lögreglan á höfuðborgarsvæðinu
þurfi að skera niður um 57 millj-
ónir á þessu ári og 320 milljónir á
því næsta, eftir því sem næst verð-
ur komist. halldorath@mbl.is
Álags-
greiðslur
slegnar af
Snorri Magnússon
Samningalotan hefst
með launalækkunum
FISKISTOFA hafði gefið út 299
leyfi til strandveiða í gærkvöldi.
Mikið annríki hefur verið hjá Fiski-
stofu að afgreiða umsóknir um leyfi
til frjálsra handfæraveiða, eða
strandveiða eins og þær eru nefnd-
ar. Rúmlega 400 umsóknir hafa bor-
ist stofnuninni. Opnað var fyrir um-
sóknir um leyfi til veiðanna á
föstudag og fyrsta daginn bárust
rúmlega 200 umsóknir. Ekki má
hefja veiðar fyrr en leyfið er komið
um borð í bátinn. haa@mbl.is
400 hafa sótt
um veiðileyfi
Eftir Ómar Friðriksson
omfr@mbl.is
HÆKKANIR launa sem samið var
um frá og með 1. júlí við endurnýjun
kjarasamninga á almenna vinnu-
markaðinum í seinustu viku, koma
ekki í vasa launþega, sem eiga rétt á
þeim, fyrr en samkomulagið hefur
verið afgreitt í aðildarfélögum ASÍ og
í framhaldinu af samninganefnd ASÍ
og jafnframt af stjórn Samtaka at-
vinnulífsins. Ekki er við því að búast
að niðurstöður liggi fyrir fyrr en eftir
einhverja daga.
Að sögn Vilhjálms Egilssonar,
framkvæmdastjóra Samtaka at-
vinnulífsins, eru flestir sem eiga að fá
hækkunina á eftirá greiddum launum
og þetta breytir því engu fyrir þá um
þessi mánaðamót. En launamenn sem
eru á fyrirfram greiddum launum fái
leiðréttingu við næstu útborgun eftir
að samkomulagið hefur verið afgreitt.
Samninganefndir staðfesta í
flestum ASÍ-félögum
Aðildarfélögin ráða því sjálf hvort
þau láta fara fram atkvæðagreiðslu
um samkomulagið eða láta nægja að
samninganefndir félaganna staðfesti
það.
Kristján Gunnarsson, formaður
Starfsgreinasambandsins, segist ekki
hafa heyrt af neinu félagi sem ætli að
leggja samkomulagið undir atkvæði.
Er reiknað með að í allflestum fé-
lögum verði það tekið fyrir til stað-
festingar eða synjunar í samninga-
nefndum. Í samkomulagi SA og
samninganefndar ASÍ segir að það
skuli borið upp í samninganefnd ASÍ
og hjá SA til samþykktar eða synj-
unar og niðurstaða eigi að liggja fyrir
ekki síðar en 13. júlí. Verði það ekki
staðfest hafi báðir aðilar heimild til og
með 17. júlí til að ákveða að fram-
lengja ekki samningana. Sam-
komulagið fól í sér 6.750 kr. hækkun
almennra kauptaxta frá 1. júlí.
Hækkunin ekki greidd strax út
Búast má við að afgreiðslu samkomu-
lagsins í félögum og samninganefndum
verði ekki lokið fyrr en liðið er á júlí
Morgunblaðið/Eggert
Launasátt Samkomulag náðist um stöðugleikasáttmála og breytingar á
kjarasamningum 25. júní en launahækkunin verður ekki greidd út í dag.