Morgunblaðið - 01.07.2009, Blaðsíða 24

Bjóðum upp á margar gerðir og verðflokka af vönduðum heyrnartækjum
frá Oticon. Þú getur fengið heyrnartæki sem eru nánast því ósýnileg bak
við eyru eða lítil og nett heyrnartæki inn í eyra.
Pantaðu tíma hjá okkur í fría heyrnarmælingu og upplifðu hvað nýjasta
heyrnartæknin getur gert fyrir þig. Auk daglegrar þjónustu í Reykjavík þá
bjóðum við einnig upp á heyrnarmælingar víðs vegar á landsbyggðinni.
G l æ s i b æ | Á l f h e i m u m 7 4 | 1 0 4 R e y k j a v í k | w w w . h e y r n a r t a e k n i . i s
Nánari upplýsingar og tímapantanir
í síma 568 6880 eða á www.heyrnartækni.is
Heyrðu betur
með vönduðu
heyrnartæki
24 Umræðan
BRÉF TIL BLAÐSINS
MORGUNBLAÐIÐ MIÐVIKUDAGUR 1. JÚLÍ 2009
BORGARYFIRVÖLD hafa nú til
meðferðar tillögu um að minnka Ing-
ólfstorg verulega til að hægt sé að
koma risastórri hótelbyggingu fyrir
við torgið.
Ekki þarf að efast um að þeir sem
ætla sér að hagnast á byggingu og
rekstri hótels á þessum stað séu
áhugasamir um framgang tillögunnar
en spurningin er hvers vegna fulltrú-
ar borgarbúa ljái máls á því að ganga
þannig á opið almenningssvæði í mið-
borginni? Hagsmunir borgarbúa af
því að fá eitt hótel enn í miðborgina
eru öngvir. Þörf fyrir gistirými í
borginni mun verða fullnægt þótt
þetta torg fái að vera í friði.
Það eru ekki hagsmunir Reykvík-
inga að Ingólfstorg sé skorið niður.
Hvorki okkar sem nú lifum – né kom-
andi kynslóða. Þá hagsmuni eiga
borgarfulltrúar að hafa að leiðarljósi
– og aðra ekki.
BJÖRN B. BJÖRNSSON,
Reykjavík.
Skemmdarverk
á Ingólfstorgi
Frá Birni B. Björnssyni
Mannréttinda-
yfirlýsing Sameinuðu
þjóðanna kveður á um
rétt manna til að leita
og njóta griðlands er-
lendis.
Áætlað er að 42
milljónir manna séu á
vergangi en meirihlut-
inn kemur frá ríkjum
Afríku og Asíu og eru
um 80% konur og börn. Ástæður
flótta geta verið af ýmsum toga, t.d.
stríðsátök, náttúruhamfarir eða of-
sóknir stjórnvalda. Þorri flóttafólks
leitar ásjár í nágrannaríkjum sem
oftast nær eru mjög fátæk og hafa
enga burði til að taka á móti því.
Ísland hefur frá árinu 1956 tekið
á móti 480 flóttamönnum sem kom-
ið hafa á vegum Flóttamannastofn-
unar SÞ, sk. kvótaflóttamönnum.
Stærsti hópurinn kom frá Ung-
verjalandi árið 1956, 52 ein-
staklingar en flestir hafa komið frá
löndum gömlu Júgóslavíu, 32 árið
1959 en alls 277 á árabilinu 1996-
2008. Á árunum 1979, 1990 og 1991
komu alls 94 manns frá Víetnam.
Árið 1982 komu 26 frá Póllandi og
árið 2005 komu 24 konur og börn
frá Kólumbíu og sjö manna fjöl-
skylda frá Kosovó. Í fyrra tók Ís-
land á móti átta palestínskum
flóttakonum og 21 barni.
Einstaklingur er fær stöðu flótta-
manns nýtur verndar og tiltekinna
réttinda í hælislandinu. Þeir flótta-
mannahópar sem boðið er hingað fá
ýmsa aðstoð til að verða virkir þátt-
takendur í íslensku samfélagi. Á
síðustu fimm árum hafa hins vegar
320 einstaklingar sótt um hæli hér
á landi „á eigin vegum“. Margir
hælisleitendanna hverfa af landi
brott áður en umsókn þeirra er af-
greidd en flestum er vísað úr landi
á grundvelli svonefndrar Dyflinnar-
reglugerðar. Í undantekning-
artilfellum er þeim veitt dvalarleyfi
af mannúðarástæðum en fjórtán
slík leyfi voru veitt á árunum 2006
til 2008. Það er athyglisvert að frá
árinu 1991 til ársins 2007 fékk að-
eins einn maður sem sótt hafði um
hæli viðurkenningu á stöðu sinni
sem flóttamaður. Í fyrra fengu þó
fjórir slíka viðurkenningu og var
um fjölskyldu að ræða í því tilviki.
Sé litið til allra hælisumsókna frá
1991 er því ljóst að afar fáir fá
stöðu flóttamanns hér á landi og er
hlutfallið hér umtalsvert lægra en í
nágrannalöndum okkar.
Flóttamannastofnun SÞ hefur
beint þeim tilmælum til ríkja að
endursenda ekki hælisleitendur til
Grikklands á grundvelli Dyflinnar-
reglugerðarinnar þar sem meðferð
og aðbúnaður þar stenst ekki lág-
markskröfur. Hér á landi dveljast
nú fimm hælisleitendur sem eiga
endursendingu til Grikklands á
hættu. Brottvísun þeirra hefur ver-
ið frestað en Mannréttinda-
skrifstofa Íslands hvetur til þess að
Íslendingar styðjist við þá meg-
inreglu að endursenda ekki fólk til
landa þar sem ljóst er að hæl-
isumsóknir þeirra verða ekki teknar
til faglegrar meðferðar og þeim
verður gert að búa við ómann-
úðlegar aðstæður.
Þrátt fyrir þær þrengingar sem
íslenska þjóðin gengur nú í gegnum
er Ísland enn meðal ríkustu landa
heims. Við skulum halda áfram að
veita hópum kvótaflóttamanna at-
hvarf og við höfum ávallt efni á því
að tryggja fólki mannúðleg kjör og
réttláta málsmeðferð þegar það
óskar hælis á Íslandi eftir að hafa
yfirgefið ættjörð sína og fjölskyldu
og þolað ómældar þjáningar í leit
að öruggu skjóli.
Eftir Guðrúnu
Dögg Guðmunds-
dóttur og Kolbrúnu
Birnu Árdal
» Við skulum halda
áfram að veita hóp-
um kvótaflóttamanna
athvarf …
Kolbrún Birna
Árdal
Höfundar starfa á Mannréttinda-
skrifstofu Íslands.
Guðrún Dögg
Guðmundsdóttir
Sýnum mannúð!
MIG langar að
styðja þá tillögu
Tryggva Þórs
Herbertssonar
og Sjálfstæð-
isflokks um að
skattleggja líf-
eyrissjóðsgjöld
strax (þó að ég sé
Samfylkingar-
maður) með
þeirri breytingu
að aðeins verði skattlagt um sem
nemur prósentu fjármagnstekju-
skatts strax! Allt eins getur skatt-
prósentan verið orðin lægri þegar á
að borga út greiðslurnar og kannski
ekki sniðugt þess vegna að ofskatta
strax! Eins gætum við verið orðin
olíurík þjóð með smá-heppni! Svo er
spurning hvort ríkið vill ná skatt-
tekjunum strax (fyrir næsta hrun)
eða treysta á góða ávöxtun lífeyris-
jóðanna og geyma peningana okkar
þar!
JÓN HELGI GUÐMUNDSSON,
Jaðarsbraut 41, Akranesi.
Frá Jóni Helga Guðmundssyni
Jón Helgi
Guðmundsson
Skattlagning
lífeyrissparnaðar
Í KJÖLFAR nýliðinna atburða er
ljóst að ríkisstjórnin þarf að draga
úr útgjöldum. Flestir ættu að geta
samþykkt að þörf sé á slíku en
jafnframt hljóta flestir að sam-
þykkja að forgangsraða þurfi til
að skaðinn verði sem minnstur til
frambúðar.
Skýrsla unnin fyrir ríkisstjórn-
ina af sérfræðingum á sviði
menntamála (Education, Research
and Innovation policy – A new di-
rection for Iceland; maí 09) setti
fram fimm meginpunkta til að fara
eftir. Einn þessara punkta var að
„viðhalda fjárfestingu í menntun á
öllum stigum“ (e. „Maintain in-
vestments in education at all le-
vels“). Reynsla Finnlands, þar
sem fjármagn var aukið til
mennta- og vísindamála á kreppu-
tímum, er að slíkt dragi úr áhrif-
um kreppu. Við teljum að góð
menntun sé forsenda fyrir end-
urreisn Íslands og því mikilvægt
að gæðum menntunar verði haldið
uppi.
Íslenskt heilbrigðiskerfi byggir
sinn trausta grunn á vel menntuðu
og hæfu starfsfólki. Hæft starfs-
fólk í heilbrigðisþjónustu er tak-
mörkuð auðlind, ekki aðeins á Ís-
landi heldur um allan heim.
Íslendingar hafa lengi menntað
hæfa starfsmenn í heilbrigðisþjón-
ustu þar sem Háskóli Íslands spil-
ar aðalhlutverkið í nánu samstarfi
við heilbrigðisstofnanir landsins.
Nýstofnað heilbrigðisvísindasvið
Háskóla Íslands inniheldur þær
deildir sem munu mennta heil-
brigðisstarfsfólk framtíðarinnar,
einstaklinga sem munu koma að
umönnun sjúklinga innan fárra
ára og sinna því starfi til marga
áratuga. Þessir einstaklingar
munu sinna miklu ábyrgð-
arhlutverki og þurfa til þess
menntun við hæfi. Skerðing á
gæðum menntunar þessara ein-
staklinga mun koma niður á hæfni
þeirra til að sinna þessu ábyrgð-
arhlutverki en slíkt má ekki að líð-
ast. Reikna má með að minnkuð
fjárframlög til heilbrigðisvís-
indasviðs muni koma niður á gæð-
um námsins, sérstaklega verklegri
kennslu sem er gjarnan kostn-
aðarsöm.
Á komandi skólaári stefnir í að
aukin aðsókn verði í nám á heil-
brigðisvísindasviði. Það er því
þeim mun mikilvægara að við-
halda gæðum, útskrifa hæfa heil-
brigðisstarfsmenn og nýta þessa
auknu aðsókn til góðs. Raunveru-
legur skortur er á heilbrigð-
isstarfsfólki í landinu og er þess
vegna mikilvægt að grípa þetta
tækifæri til að bregðast við þeim
vanda.
Þegar skórinn kreppir að skul-
um við hugsa okkur vel um.
Hugsa um hvernig við viljum for-
gangsraða okkar takmörkuðu fjár-
munum. Við teljum fjármunum
vera vel varið í heilsu og menntun,
það muni margborga sig.
DAGUR INGI JÓNSSON,
HANNE KRAGE CARLSEN,
HANNA MARÍA
GUÐBJARTSDÓTTIR,
INGA HRUND
KJARTANSDÓTTIR,
ÍRIS GUNNARSDÓTTIR,
RUT SIGURJÓNSDÓTTIR,
SIGNÝ HERSISDÓTTIR
STEFÁN PÁLMASON,
TELMA BJÖRG
KRISTINSDÓTTIR,
GUÐRÚN
GUNNLAUGSDÓTTIR.
Opið bréf til mennta- og
heilbrigðismálaráðherra
og stjórnenda HÍ
Frá formönnum nemendafélaga
Heilbrigðisvísindasviðs Háskóla Ís-
lands.
SÍÐASTLIÐINN laugardag, 27.
júní birtist grein Tryggva Þórs
Herbertssonar um úrtölumenn í
Morgunblaðinu. Svarar hann þar
gagnrýni minni sem og gagnrýni
Þórarins V. Þórarinssonar á tillögu
sjálfstæðismanna um innheimtu
skatts af iðgjöldum til lífeyrissjóða.
Í grein sinni 27. júní sl. segir
Tryggvi Þór, prófessor í hagfræði
og alþingismaður: „Önnur leið væri
að við tilfærslu í nýtt kerfi þá
myndi ríkið einfaldlega taka til sín
allar framtíðarskattgreiðslur og frá
fyrsta degi yrðu allar útgreiðslur
skattfrjálsar. Ríkið á þessar fram-
tíðar-skattgreiðslur og er því ekki
að ganga á hlut neins. Það myndi þá
strax leysa til sín allt að 600 millj-
arða peningalegar eignir – ríkið
yrði skuldlaust á ný ef horft væri til
nettóskulda. Ekki þyrfti að selja
eignir sjóðanna til að framkvæma
breytinguna. Ríkið væri einfaldlega
stærsti sjóðfélaginn. Þetta væri
gríðarlega jákvætt fyrir ríkissjóð og
myndi flýta mjög fyrir uppbyggingu
Íslands. Þetta myndi engin bein
áhrif hafa á ráðstöfunartekjur laun-
þega og eftirlaunaþega en óbeinu
áhrifin yrðu að kaupmáttur myndi
aukast fyrr en ella.“ Ef fullyrðing
prófessorsins er rétt er ekki eftir
neinu að bíða með að hrinda hug-
mynd hans í framkvæmd. En ágæt-
ir þingmenn Sjálfstæðisflokksins,
væri ekki hyggilegt að fá álit fleiri
prófessora í hagfræði um þessa
hugmynd sem „ – léttir 600 millj-
arða kvöðum af skattgreiðendum í
framtíðinni“ svo vitnað sé í grein
Tryggva Þórs?
Er hugmyndin tær snilld eða er
ef til vill um að ræða skýjaborga-
smíð?!
Ég tel ekki þörf á að svara um-
fjöllun hans um 4. liðinn í svari hans
að sinni en gagnrýni mín beindist
einmitt að mismunun sköttunar í
framtíðinni, en mundi fagna því að
útreikningar sem hann byggir svar
sitt á verði gerðir aðgengilegir, t.d.
á vef Sjálfstæðisflokksins. Ef fleiri
prófessorar í hagfræði taka undir
sjónarmið Tryggva Þórs mun ég
svara athugasemdum hans efn-
islega.
BJARNI ÞÓRÐARSON,
tryggingastærðfræðingur.
Tær snilld eða skýjaborgir
Frá Bjarna Þórðarsyni