Morgunblaðið - 30.07.2009, Blaðsíða 4
4 FréttirINNLENT
MORGUNBLAÐIÐ FIMMTUDAGUR 30. JÚLÍ 2009
ÚTSALA
ÚTSALAN Í
FULLUM GANGI
Eftir Sigrúnu Rósu Björnsdóttur
sigrunrosa@mbl.is
„ÉG held að öllum eigi að vera heild-
arsamhengi hlutanna nokkuð ljóst.
Það sem er víst er það, að af okkar
hálfu hefur tekist að ná öllu fram og
gera allt það sem til var ætlast af
okkur. Ég held að ég geti fullyrt
það, að það er samkomulag milli
okkar og Alþjóðagjaldeyrissjóðsins
að við höfum náð að koma öllum
hlutum á þann stað sem ætlast var
til og hugsað var sem forsendur þess
að endurskoðun gæti farið fram,“
segir Steingrímur J. Sigfússon fjár-
málaráðherra, inntur eftir því hvort
það, að ekki sé búið að afgreiða Ice-
save á Alþingi, tefji afgreiðslu lána
hjá Alþjóðagjaldeyrissjóðnum
(IMF).
Fulltrúi sjóðsins hér á landi, Fra-
nek Rozwadowski var ekki tilbúinn
til að staðfesta neitt í gær og segir
niðurstöðu vonandi að vænta síðar í
vikunni. Haft var eftir honum í
Fréttablaðinu síðastliðinn laugardag
að málið hangi á því að gengið sé frá
lánsloforðum Norðurlandanna.
„Í lánasamningnum sjálfum við
Norðurlönd eru ekki ákvæði sem
tengjast Icesave en hins vegar lögðu
samningamenn Norðurlanda ríka
áherslu á það frá upphafi að þeir
teldu mikils um vert að Íslendingar
virtu sínar alþjóðlegu skuldbind-
ingar, einkum gagnvart innstæðu-
tryggingum,“ segir Jón Sigurðsson,
formaður samninganefndar Íslands
gagnvart Norðurlöndunum. Sama
svar fékkst hjá norsku og sænsku
fjármálaráðuneytunum.
Norrænu lánasamningarnir
Þegar samið var við Alþjóðagjald-
eyrissjóðinn var gert samkomulag
við Norðurlönd, Rússland og Pól-
land um lánsfjármögnun. Skrifað
var undir lánasamninga milli Íslands
og Danmerkur, Finnlands og Sví-
þjóðar og milli Seðlabanka Íslands
og Seðlabanka Noregs hinn 1. júlí sl.
Nemur lánsfjárhæðin samanlagt
tæpum 1,8 milljörðum evra. Voru
lánin sögð veitt í tengslum við og til
þess að styðja samstarf Íslands og
IMF í efnahagsumbótum og til að
styrkja gjaldeyrisvarasjóð Íslands.
Lánin hafa enn ekki verið borguð
út en samið var um að þau yrðu
borguð út í fjórum jöfnum hlutum,
sem haldast í hendur við að IMF
samþykki fjórar fyrstu endurskoð-
anir á efnahagshagsáætlun Íslands.
Má nú telja ólíklegt að endurskoðun
áætlunarinnar fari fram fyrr en í lok
ágúst vegna leyfa hjá IMF
Lántökur og lánsloforð
Norrænu lánin voru veitt með því
skilyrði að Ísland virti alþjóðlegar
skuldbindingar sínar, þar með talið
innstæðutryggingar eins og áður
hefur komið fram. Krafist var þátt-
töku þeirra landa sem eiga mestra
fjárhagslegra hagsmuna að gæta en
þar skiptu væntanlega Icesave-
samningar við Breta og Hollendinga
miklu máli. Þá er afgreiðslan einnig
háð endurmati IMF sem fyrr segir.
Í kjölfar efnahagshrunsins hafa
verið tekin lán upp á um 1.200 millj-
arða króna.
Mismunandi er hvort þau lán sem
tekin voru í kjölfar efnahagshruns-
ins bera fasta eða breytilega vexti
en reynt var að taka stöðu á vöxt-
unum eins og þeir eru núna. Til
langs tíma ætti niðurstaðan af
breytilegum og föstum vöxtum að
geta verið svipuð. Norrænu lánin
eru afborgunarlaus fyrstu fimm árin
en greiddir eru vextir af þeim árs-
fjórðungslega.
Bæði Rússar og Pólverjar veittu í
lok síðasta árs fyrirheit um að veita
lán í samstarfi við IMF til eflingar
efnahagsáætlunar Íslands. Hafði
verið rætt um 500 milljóna dala lán
frá Rússum. Samningaviðræður
standa nú yfir við Pólverja.
Lánið stoppar á Icesave
Telja má ólíklegt að af fundi Alþjóðagjaldeyrissjóðsins verði á mánudag Skil-
yrði í norrænum lánasamningi um að Ísland standi við alþjóðlegar skuldbindingar
Óvissa virðist enn ríkja um það
hvort Alþjóðagjaldeyrissjóðurinn
(IMF) muni taka mál Íslands fyrir
á fundi á mánudag og afgreiði
þar með fyrstu greiðslu af átta úr
seinni úhlutun lánsins.
Upphaflegt samkomulag IMF og ís-
lenskra stjórnvalda gerði ráð fyrir
um 830 milljóna dala greiðslu sem
kom inn í lok nóvember á síðasta
ári. Greiða átti afganginn af upp-
haflegu 2.100 milljóna dala láni
ársfjórðungslega. Greiðsla upp á
155 milljónir dala bíður því enn
þess, að sjóðurinn endurmeti
efnahagsáætlun sem gerð var með
íslenskum stjórnvöldum.
Í fyrsta lagi þarf stöðugleika í
efnahagsmálum en ríkisstjórnin
hefur nýlega kynnt bæði stöðug-
leikasáttmála og aukinn niður-
skurð til að halda sig innan áætl-
unar. Þá var gert skilyrði um
endurreisn bankanna en þar hafa
einnig verið kynntar leiðir til end-
urfjármögnunar. Þá þarf að liggja
fyrir hvernig skuli afnema gjald-
eyrishöft í þrepum.
Að síðustu er það fjármögnun
lánsins frá IMF, þar sem samið hef-
ur verið við Norðurlöndin. Þar er
hins vegar steytt á því að Íslend-
ingar virði alþjóðlegar skuldbind-
ingar – væntanlega Icesave.
Skilyrði Alþjóðagjaldeyrissjóðsins
ATVINNULEYSISBÆTUR verða
næst greiddar út þriðjudaginn 4.
ágúst, en mánudagur er frídagur
verslunarmanna.
Að sögn Líneyjar Árnadóttur,
forstöðukonu Greiðslustofu at-
vinnuleysistrygginga á Skaga-
strönd, verða um tveir milljarðar
króna greiddir út að þessu sinni og
átti hún von á að endanleg upphæð
yrði ívið lægri en við síðustu út-
borgun.
Samkvæmt upplýsingum á
heimasíðu Vinnumálastofnunar
voru 16.540 manns á atvinnuleys-
isskrá í gær.
Morgunblaðið/Golli
Greitt eftir versl-
unarmannahelgi
GREINST hafa 12 ný tilfelli inflú-
ensunnar A (H1N1) og þar með eru
staðfest tilfelli orðin alls 46 á Ís-
landi frá því í maímánuði.
Þeir sem síðast greindust eru á
aldrinum 14-56 ára. Einn er erlend-
ur ferðamaður, hitt Íslendingar
sem annaðhvort komu erlendis frá
eða smituðust hér heima. Enginn
veiktist alvarlega og allir eru á
batavegi. Engin áform eru uppi um
að reisa skorður við samkomuhaldi
af neinu tagi. Að óbreyttu hefst
skólastarf í landinu með eðlilegum
hætti í lok sumars.
Greinst hafa 12 ný
tilfelli af inflúensu
LÖGREGLAN
verður með öfl-
ugt eftirlit um
helgina. Þjóð-
vega- og hálend-
iseftirliti verður
m.a. sinnt úr
þyrlu Landhelg-
isgæslunnar.
Sérstök áhersla
verður lögð á hraðamælingar, sýni-
legt eftirlit á hættulegum veg-
arköflum og á þeim svæðum þar
sem talið er að mestur fólksfjöldi
verði. Einnig verður lögð áhersla á
eftirlit með akstri undir áhrifum
áfengis og vímuefna.
Öflug löggæsla
verður um helgina
!
"
#$
%
&
'
(()
*$
$
!
+,
'
'
-.
'
$
$
$
/00
1
1
$
23
43
23!$
5&!*
467#4886
43'
&!
)
9
4:1 ! ,
Franek
Rozwadowski
Jón
Sigurðsson
Steingrímur J.
Sigfússon
Ákvörðun Það eru þingmenn Alþingis sem greiða atkvæði um Icesave.
Eftir Önund Pál Ragnarsson
onundur@mbl.is
NÆSTA laugardag, fyrsta ágúst,
tekur gildi launalækkun hjá skrif-
stofustjórum, samkvæmt ákvörðun
kjararáðs frá því í gær.
Skrifstofustjórum er samkvæmt
þessu skipt í þrjá flokka. Þá sem eru
staðgenglar ráðuneytisstjóra, með
tæpar 660.000 krónur á mánuði, þá
sem stýra skrifstofum og heyra
beint undir ráðuneytisstjóra, með
um 638.000 krónur á mánuði og að
lokum þá sem ekki stýra skrifstofum
og heyra undir annan skrifstofu-
stjóra eða sviðsstjóra, með um
617.000 krónur á mánuði.
Lækka mismikið eftir fólki
Launin eru miðuð við fullt starf og
þannig ákveðin að ekki komi til frek-
ari greiðslna nema það sé sérstak-
lega ákveðið. Að sögn Guðrúnar
Zoëga, formanns kjararáðs, þýðir
þetta að laun skrifstofustjóra lækka
almennt um fimm til átta prósent,
þótt frávik frá því geti verið í báðar
áttir, enda störf mismunandi skrif-
stofustjóra ólík.
Athygli vekur að sumir þeirra
skuli ekki stýra skrifstofum, eins og
starfsheitið gefur til kynna. Skrif-
stofustjórar eru hátt í níutíu talsins,
en sjö þeirra stýra ekki skrifstofum.
Tvöfalt lag af stjórnendum
Við undirbúning ákvörðunarinnar
fékk kjararáð bréf frá 48 þeirra, þar
sem margir lýstu skoðun á kjörum
sínum almennt og skipulagi ráðu-
neyta. Þar kom fram sú skoðun að
skrifstofustjórar væru óþarflega
margir og skrifstofur of litlar.
„Virtist ástæða fjölgunar skrif-
stofustjóra vera launalegs eðlis frek-
ar en skipulagsleg nauðsyn. Til að
koma betri stýringu á starfsemi
ráðuneyta hefðu sum ráðuneytin
tekið það til bragðs að setja upp
starf sviðsstjóra sem væri stjórn-
unarlega ábyrgur fyrir fleiri en einni
skrifstofu,“ segir í forsendum
ákvörðunarinnar. Það samrýmist
ekki lögum um Stjórnarráð Íslands.
Launalækkunin 5-8%
Sjö skrifstofustjórar Stjórnarráðsins stýra ekki skrifstofum
Fjölgar af launaástæðum en ekki af skipulagslegri nauðsyn
Í HNOTSKURN
»Með lögum frá desember2007 var kjararáði falið að
ákveða laun skrifstofustjóra.
» Í ágúst 2008 ákvað kjara-ráð almenna launahækk-
un, sem náði þó ekki til skrif-
stofustjóra.
» Í febrúar 2009 ákvað það5-15% launalækkun emb-
ættismanna annarra en skrif-
stofustjóra og dómara.