Morgunblaðið - 30.07.2009, Blaðsíða 37

Menning 37FÓLK
MORGUNBLAÐIÐ FIMMTUDAGUR 30. JÚLÍ 2009
 Töluvert hefur verið fjallað um
meint andlát hljómsveitarinnar Dy-
namo Fog í fjölmiðlum og um dag-
inn birtist frétt á Monitor.is þar
sem sveitin var sögð öll. Nú hefur
Monitor dregið fréttina til baka en
staðfest að Axel bassaleikari sé hins
vegar hættur í sveitinni.
Meðlimum Dynamo
Fog fækkar um einn
Fólk
HÖFUÐBORGARBÚAR og nærsveitamenn geta
skellt sér á fjölskyldutónleika með Stuðmönnum
í Fjölskyldu- og húsdýragarðinum á sunnudag-
inn. Þetta er sjötta sinn sem Stuðmenn koma
fram í Laugardalnum um verslunarmannahelg-
ina og í ár verður norðlenska hljómsveitin Ljótu
hálfvitarnir meðal gesta þeirra.
Dagskráin hefst kl. 14, en þá munu Skoppa og
Skrýtla og Lúsí og Bakari Svakari bregða á leik
áður en Stefán Karl stígur á svið. Er Ljótu hálf-
vitarnir hafa lokið leik sínum, um kl. 15, er kom-
ið að Stuðmönnum sem koma fram ásamt Eyþóri
Inga og Stefaníu Svavarsdóttur. Kynnir er Val-
geir Guðjónsson sem verður með sérstakt tón-
listarinnlegg auk þess að leika með sínum gömlu
félögum.
„Þessi hátíð er voðalega þægileg, þú getur far-
ið heim til þín og svo finnst mér Reykjavík um
verslunarmannahelgi dásamlegur staður, þá
grisjast burtu dálítið af fólki og eftir situr rjóm-
inn,“ segir Valgeir Guðjónsson í gamansömum
tón spurður hvers vegna hljómsveitin heldur sig
í Laugardalnum um verslunarmannahelgar.
„Spáin er góð og þetta verður falleg útihátíð í
borg. Stuðmenn höfða til mjög breiðs aldurshóps
og svo verða þarna önnur atriði sem höfða til
yngra fólks. Þetta tekur aðeins eftirmiðdaginn
og fólk getur farið á útihátíð áður en það fer að
úða í sig pönnukökum,“ segir Valgeir sem er
höfundur nýjasta Stuðmannalagsins, „Ruglsins“.
Aðgangseyrir er 1.000 kr. og er forsala hafin í
Húsdýragarðinum. ingveldur@mbl.is
Stuðmenn meðal húsdýra um helgina
Stuðmenn Valgeir ásamt söngkonunni Stefaníu.
 Fylgifiskar kreppunnar eru
margvíslegir og fæstir okkur til
góða. Þó er það svo að klassískir
hljóðfæraleikarar á Íslandi eru
farnir að sjá tækifæri í lágu gengi
krónunnar og telja nú margir
þeirra að Ísland sé orðið álitlegur
kostur fyrir upptökur á kvik-
myndatónlist og/eða hljómsveit-
arupptökum fyrir erlenda lista-
menn. Hingað til hefur Búlgaría
verið framarlega í þessum bransa
og til dæmis má nefna að Barði og
Þorvaldur Bjarni hafa báðir leitað
þangað með sína tónlist. Hefur nú
heyrst að mismunandi hópar klass-
ískra hljóðfæraleikara íhugi að
auglýsa sig á erlendum vettvangi
og hver veit nema tónlistin í
stærstu kvikmyndum næstu ára
verði tekin upp hér á landi.
Hljóðfæraleikarar sjá
tækifæri í kreppunni
 Von er á nýrri plötu frá mynd-
og tónlistarmanninum Agli Sæ-
björnssyni, Singer in Berlin, en níu
ár eru frá því að platan Tonk of the
Lawn kom út. Nýja platan mun
vera þrælgóð og segja þeir sem
hana hafa heyrt að hún sé án efa
með bestu plötum ársins 2009.
Egill Sæbjörns
með nýja plötu
Eftir Jóhann Bjarna Kolbeinsson
jbk@mbl.is
„ÉG heillaðist af Tíma nornarinnar vegna þess
að sagan er ekki hefðbundinn lögguþriller, held-
ur fjallar hún um blaðamann og samskipti hans
við fólkið í umhverfi sínu,“ segir kvikmynda-
gerðarmaðurinn Friðrik Þór Friðriksson sem
ætlar að gera sjónvarpsþætti sem byggðir eru á
hinni vinsælu bók Árna Þórarinssonar, Tíma
nornarinnar. „Bókin veitir bæði gagnrýna og
húmoríska innsýn í íslenskt samfélag og þróun
þess, og býður að auki upp á skemmtilega kar-
aktera og fjölbreytta spennufléttu. Þetta er því
nýtt form fyrir mig að kljást við. Sagan gerist
líka á Akureyri þannig að þessi sjónvarpssería
verður töluvert öðruvísi en aðrar seríur sem hér
hafa verið gerðar,“ segir Friðrik.
Samfélagslýsing og krimmi
Um fjóra fimmtíu mínútna langa þætti verður
að ræða, og verða þeir sýndir í Ríkissjónvarp-
inu.
Árni skrifar handritið að þáttunum sjálfur, en
það var hins vegar Friðrik Þór sem fékk þá
hugmynd að gera sjónvarpsþætti upp úr bók-
inni. „Það var mér mikið gleðiefni þegar Friðrik
Þór hafði samband í fyrra, lýsti áhuga á þessu
verkefni og bað mig að skrifa handritið, sem er
nokkurn veginn tilbúið,“ segir Árni.
„Það er ekki endilega auðvelt að flytja jafn
breiða sögu og Tíma nornarinnar yfir í sjón-
varpshandrit, en við tókum þá ákvörðun að vera
sögunni trúir og breyta ekki eðli hennar eða
flytja nær dæmigerðum formúlukrimma. Tími
nornarinnar er samfélagslýsing og krimmi og
báðum þeim „elementum“ vildum við halda. Það
verður spennandi að sjá hvaða tökum Friðrik
Þór tekur þetta form. Hann hefur einstakt auga
og tilfinningu fyrir myndmáli, samspili fólks og
umhverfis. En þetta er í fyrsta skipti sem hann
fæst við eitthvað í líkingu við krimma,“ segir
Árni.
20 þúsund eintök í Frakklandi
Eins og áður segir verða þættirnir sýndir í
Ríkissjónvarpinu, sem kemur einnig að fjár-
mögnun þáttanna ásamt Kvikmyndamiðstöð Ís-
lands. Frekari fjármögnun stendur nú yfir, en
líkur eru á að hún verði samevrópsk.
Ekki hefur verið ákveðið hvenær þættirnir
fara í tökur en ráðgert að það verði öðru hvoru
megin við áramótin.
Tími nornarinnar var annar krimminn sem til-
nefndur hefur verið til Íslensku bókmenntaverð-
launanna (2005) og hefur útgáfurétturinn verið
seldur til um 15 landa. Þar sem bókin hefur kom-
ið út hefur hún fengið afbragðs viðtökur og dóma
og hefur meðal annars selst í um 20 þúsund ein-
tökum í Frakklandi.
Tími nornarinnar kominn
 Friðrik Þór gerir sjónvarpsþætti sem byggðir eru á bók Árna Þórarinssonar,
Tíma nornarinnar  „Nýtt form fyrir mig að kljást við,“ segir leikstjórinn
Ljósmynd/Kristinn Ingvarsson
Leikstjórinn og höfundurinn „Það verður spennandi að sjá hvaða tökum Friðrik Þór tekur þetta form,“ segir Árni um aðkomu leikstjórans góðkunna.
Eftir Jóhann Bjarna Kolbeinsson
jbk@mbl.is
„MÉR finnst bara svo gaman að
segja já við allri skemmtilegri mús-
ík,“ segir trommuleikarinn Magnús
Tryggvason sem hefur líklega
meira að gera en flestir aðrir
tónlistarmenn nú um versl-
unarmannahelgina. Magnús mun
nefnilega spila með hvorki fleiri né
færri en sex hljómsveitum á tón-
listarhátíðinni Innipúkanum sem
fram fer á Sódómu og Batteríinu í
miðbæ Reykjavíkur um helgina.
Sveitirnar sem um ræðir eru
Seabear, Borko, Sin Fang Bous, K-
Tríó, Sigríður Thorlacius og Heið-
urspiltar og Amiina, Kippi og
Maggi.
Aðspurður segist Magnús þó
ekki vera formlegur meðlimur í öll-
um þessum sveitum. „Ætli ég sé
ekki alveg pikkfastur í K-Tríóinu,
þessu Amiinu-batteríi og því sem
ég er að gera með Siggu og Heið-
urspiltunum,“ segir Magnús og
bætir því við að það sé ekkert sér-
staklega mikið álag að vera í svona
mörgum hljómsveitum. „Það er nú
bara aðallega mikið stuð,“ segir
hann.
En hver þessara sex hljómsveita
er best að mati Magnúsar?
„Ég ætla ekki að segja orð um
það,“ svarar hann og hlær. Og
hvort hann sé tilbúinn til þess að
bæta fleiri hljómsveitum á listann
segir Magnús það afar ólíklegt.
„Ég myndi sennilega segja nei við
því, þetta er orðið ágætt.“
Magnús er þó í að minnsta kosti
einni hljómsveit í viðbót, hljóm-
sveitinni ADHD 800 með þeim
Óskari og Ómari Guðjónssonum.
Trommari spilar með sex
sveitum á Innipúkanum
Ljósmynd/Matthías Árni Ingimarsson
Upptekinn maður Magnús lemur húðir af miklum móð um helgina.
Magnús Tryggvason hefur í nógu að snúast um helgina
Í Tíma nornarinnar er Einar blaðamaður á
Síðdegisblaðinu sendur norður til Akureyrar
þar sem hann þarf að byrja nýtt líf, fjarri
glaumi höfuðborgarlífsins. Blaðið hyggst
hefja sókn á landsbyggðinni og er Einari ætl-
að að afla frétta af þeim samfélagsbreyt-
ingum sem yfir hana ganga. Einari lýst miður
vel á verkefnið, en áður en hann veit af hefur
„fásinnið“ vikið til hliðar. Miðaldra kona fell-
ur útbyrðis í flúðasiglingu niður Jökulsá
vestari og hlýtur bana af. Öldruð móðir henn-
ar neitar að trúa því að um slys hafi verið að
ræða. Ungur menntaskólanemi, sem leikur
titilhlutverkið í uppfærslu leikfélags MA á
Galdra Lofti, hverfur svo sporlaust.
Banaslys og mannshvarf
Morgunblaðið/Brynjar Gauti