Morgunblaðið - 12.09.2009, Side 44

44 MenningFRÉTTIR
MORGUNBLAÐIÐ LAUGARDAGUR 12. SEPTEMBER 2009
 Bubbi Morthens er á ferð um
landið þessar vikurnar, einn með
gítarinn. Hann hóf ferðalagið í Bæj-
arbíói í Hafnarfirði í vikunni og
voru tónleikagestir ánægðir með
heimilislega stemninguna. Bubbi
plokkaði gítarinn af list og flutti
nokkra af sínum kunnustu söngv-
um, á borð við „Stál og hníf“ og
„Svartan afgan“. Lagavalið kom þó
sumum á óvart, enda var nokkuð
um ábreiður kunnra laga sem
Bubba tókst listavel að gera að sín-
um. „Over the Rainbow“ var hug-
ljúft í meðförum hans, enda sagðist
hann syngja það fyrir börnin sín, og
„All Along the Watchtower“ þrung-
ið krafti. Nokkur börn voru í saln-
um og hrollur fór um þau þegar
Bubbi söng nýja þulu, „Völund á
vaðlinum“, um drauginn sem býr á
Vitaðsgjafa – en veiðimenn ættu að
kannast við það örnefni, enda einn
kunnasti veiðistaðurinn á Nessvæð-
inu í Laxá í Aðaldal, sem söngv-
arinn heldur mikið upp á.
Bubbi syngur erlend
eftirlætislög
Fólk
Eftir Einar Fal Ingólfsson
efi@mbl.is
„AÐ kalla mig útvarpsmann væri einfaldlega að gera lítið úr
heilli stétt góðra fagmanna. En flestir læra að synda í djúpu
lauginni og ég er þar núna,“ segir Einar Bárðarson, um-
boðsmaður og útvarpsstjóri Kanans. Hlustendur hafa tekið
eftir því að hann situr sjálfur við hljóðnemann á morgnana í
þættinum Egg og beikon.
„Þetta er alveg hrikalegt. Þegar ég ætlaði að setja mann-
skap í morgundagskrána þá var ég búinn með peninginn
þannig að það var annaðhvort að hafa þögn eða reyna
sjálfur. En um leið og ég verð orðinn rólegur yfir rekstr-
inum, þá ræð ég einhvern betri,“ segir hann og hlær.
Athygli hefur vakið að Dr. Gunni er ekki sáttur við
tónlistarstefnu Kanans.
„Það eina sem fór í taugarnar á mér við ummæli Dr.
Gunna var að þau voru ekki tekin alvarlegar en raun var á,“
segir Einar. „Það hefði verið hægt að gera veður út af þessu
og það hefði verið góð auglýsing. Við áttum reyndar ekki
von á því að Dr. Gunni mynda fíla það sem við vorum að
gera,“ segir hann og hlær aftur. „Ef popparar landsins færu
að snúast gegn mér yrði ég kannski sár, en Kaninn er eins
og annað í lífinu, langt frá því að vera yfir gagnrýni hafinn.
Við erum ekki búin að vera nema 12 daga í loftinu og erum í
stanslausri sjálfsgagnrýni.
Í framtíðinni sjáum við þessa stöð bjóða upp á tónlist-
arúrval sem er á milli FM957 og Bylgjunnar, svo ég
vísi í eitthvað sem fólk þekkir, með tónlist til að koma
fólki í gegnum daginn.“
Syndir núna í djúpu lauginni
 Ópus 2007 er ein af mörgum hug-
myndum að nafni á Tónlistarhúsið
sem tónlistarspekingar spá í þessa
dagana. Umræðan er stundum
fjörug á netinu og nafngiftirnar
fyndnar. Fermata er eitt nafnið og
táknrænt, því í tónlist þýðir ferm-
ata að draga eigi tóninn á langinn.
Ashkenez hefur líka heyrst, en það
sameinar staðsetningu hússins á
hafnartanganum og nafn þess
manns sem hvað harðast hefur bar-
ist fyrir tilvist þess, og Skuld, sem
er auðvitað gamalt og gott íslenskt
nafn, með augljósa tilvísun í hús-
bygginguna. Hafskip er enn eitt
nafnið og vísar væntanlega bæði til
staðsetningarinnar við hafið og
Björgólfs Guðmundssonar, sem
lagði byggingu hússins lið áður en
allt fór í kaldakol.
Alþýðuhöllin hlýtur auðvitað að
koma vel til greina og minna um
leið á starfsmenn Alþýðulýðveld-
isins Kína sem smíðuðu margumtal-
aðan glerhjúp Ólafs Elíassonar.
Svo eru sumir sem vilja að húsið
beri nafn okkar þekktustu tón-
skálda og þykja þar helst koma til
greina nöfnin Jóns Leifsstöð og
Atlaheimar.
Alþýðuhöllin eða
Atlaheimar
 Magnús Helgi
Sigurðsson
vakti athygi fyrir
lagið „Stúlkan á
barnum“ sem
hann flutti í
Kastljósi og var
meðal annars
talsvert spilað í
útvarpi fyrir
tveimur árum. Hann er enn að fást
við músík samhliða því sem hann
rekur sjónvarpsvef á slóðinni
www.mkmedia.is. Nú hyggst
Magnús Helgi halda afmælistón-
leika í Hafnarfirði og kynna nýtt
efni meðal annars. Tónleikarnir
verða í Bæjarbíói næstkomandi
fimmtudag og hefjast kl. 20.00.
Magnús Helgi heldur
afmælistónleika
Eftir Ásgeir H. Ingólfsson
asgeirhi@mbl.is
ÞETTA byrjaði allt á farfuglunum.
„Ég ólst upp hér í Falstebro, sem er
í suð-vestur hluta Svíþjóðar og er
mjög góður staður til þess að fylgj-
ast með ferðum farfugla. Strax þá
varð ég heillaður og sem strákur tók
ég þátt í sjónvarpsþáttum fyrir börn
um dýraríkið,“ segir Mikael Krist-
ersson mér um myndina Ljósár
(Ljusår), þar sem dýrin í garðinum
hans eru í aðalhlutverki. Smáfugl
nokkur, vespa og kálfiðrildi eru aðal-
persónurnar og þau virða mann-
fólkið fyrir sér um leið og þau njóta
alls þess sem matjurtagarðurinn og
nágrenni hans hafa upp á að bjóða.
Kristersson segir garðinn frekar
hefðbundinn en þó mjög gamlan, um
300-400 ára.
Myndin er búin að vera lengi í
vinnslu. „Ég byrjaði fyrir tuttugu
árum, en hef unnið að mörgum öðr-
um verkefnum um leið, en kem alltaf
aftur að þessu.“ En myndin á þó að-
eins að gerast á einu ári. „Titillinn
vísar til norðurljósanna, norðurljós-
anna á mismunandi tímum ársins.
Þetta er þeirra ljósár.“ Kristersson
hefur sérhæft sig í náttúrulífs-
myndum en hann hefur þó kvik-
myndað mannfólkið líka. „Ég gerði
þónokkrar heimildarmyndir um vís-
indamenn, en einnig flakkara, föru-
menn og sérvitringa hér í sveitinni.“
Mikið af þessum myndum hefur
verið sjónvarpsmyndir, en hans
þekktustu myndir eru náttúrulífs-
myndirnar og þar mynda þær
þekktustu hálfgerðan þríleik. Pica
Pica fjallar um skjór í stórborginni
og Auga fálkans (Falkens öga) sýnir
okkur veröldina frá sjónarhóli fálka
sem hefur aðsetur uppi í kirkju
nokkurri. „Ég reyni að kvikmynda
mennina frá sjónarhóli dýranna. Í
Auga fálkans voru mennirnir alltaf
myndaðir ofan frá, mennirnir voru
náttúrulífsmynd fálkans.“
Sameinast um Tarkovský og
náttúruna
Og nú er það garðurinn heima.
„Þetta byrjaði sem hálfgerð mót-
mæli. Allar náttúrulífsmyndir virð-
ast vera teknar í fjarlægum löndum,
þær fjalla sjaldnast um nær-
umhverfi fólks. Ég vildi sýna nátt-
úrulífið sem umvefur hinn venjulega
mann. Þá vildi ég líka gera mynd
sem væri ekki sögð af mennskri
röddu, en gera áhorfandann frekar
þátttakanda í myndinni, hvað get-
urðu upplifað í garðinum heima hjá
þér? En það tók langan tíma í klippi-
herberginu að búa til þessa sögu –
setja þetta upp eins og eitt ár, fjórar
árstíðir.“
Hann ber leikurunum vel söguna.
„Þegar þú fylgist nógu lengi og náið
með dýrum áttarðu þig á að þau hafa
sinn persónuleika, rétt eins og við
mennirnir.“ Kristersson lærði kvik-
myndagerð í háskóla í Stokkhólmi
og þegar ég spyr hann um áhrifa-
valda nefnir hann landa sína, Ing-
mar Bergmann og Jan Troell, en
fyrstan nefnir hann þó Andrei Tar-
kovský. Sama mann og Lars von
Trier tileinkaði Antichrist, sem ger-
ist jú að mestu úti í guðsgrænni
náttúrunni. Það skyldi þó ekki vera
að þessi hægláti Svíi eigi fleira sam-
eiginlegt með danska brjál-
æðingnum en að vera tilnefndur til
norrænu kvikmyndaverðlaunanna?
Ljósár „Titillinn vísar til norðurljósanna, norðurljósanna á mismunandi tímum ársins. Þetta er þeirra ljósár,“ segir Kristersson um titilinn.
Myndin hefur verið tuttugu ár í vinnslu og eru dýrin í garðinum hans í aðalhlutverki í myndinni sem á þó að gerast á einu ári.
Fjarlægðinni mótmælt
 Sænski leikstjórinn Mikael Kristersson verður viðstaddur sýningu Ljósárs
í Háskólabíói í dag  Aðalpersónur eru smáfugl, vespa og kálfiðrildi
Leikstjórinn Mikael Kristersson.
Kristersson verður viðstaddur
sýningu myndarinnar í Háskóla-
bíói kl. 18 í dag, laugardag. Ljós-
ár er tilnefnd fyrir hönd Svía til
kvikmyndaverðlauna Norður-
landaráðs, en allar verða mynd-
irnar sýndar í Háskólabíói yfir
helgina.
Keppinautar hennar eru:
The Amazing Truth About Queen
Raquela eftir Ólaf Jóhannesson
(Ísland)
Antichrist eftir Lars von Trier
(Danmörk)
Nord eftir Rune
Denstad Langio (Noregur)
Sauna eftir AJ Annila (Finnland)
Viðstaddur sýningu
í Háskólabíói í dag
Þótt mannskepnan hafi alltaf ver-
ið vinsælasta viðfangsefni kvik-
myndagerðarmanna þá hafa alltaf
verið nokkrir sem hafa haft meiri
áhuga á öðrum dýrategundum.
Þeir Merian C. Cooper og Ernest
B. Schoedsack byrjuðu feril sinn
á að leikstýra dýralífsmyndum
áður en þeir færðu sig yfir í
leiknar myndir og leikstýrðu hinni
upprunalegu King Kong. Disney-
fyrirtækið framleiddi einnig fjölda
merkilegra náttúrulífsmynda á
meðan teiknimyndadeildin fram-
leiddi talandi fugla á færibandi
og Frakkinn Jacques Cousteau
skipaði sér sess sem helsta kvik-
myndaskáld hafdjúpanna.
Eftir því sem leið á tuttugustu
öldina færðust náttúrulífsmyndir
sífellt meira í sjónvarpið, þar sem
heilar sjónvarpsstöðvar á borð
við National Geographic og
Discovery Channel hafa að
stórum hluta verið helgaðar nátt-
úrulífsmyndum, en þar er þó Dav-
id Attenborough hjá BBC fremst-
ur meðal jafningja. Enn rata þó
einhverjar myndir í kvikmynda-
hús. Luc Jacquet leikstýrði mynd-
unum Ferðalag keisara-
mörgæsanna og Refurinn og
barnið, Werner Herzog gerði
Grizzly Man og Þorfinnur Guðna-
son hefur haldið uppi heiðri Ís-
lendinga með myndum á borð við
Hagamús – með lífið í lúkunum
og Hestasaga.
Dýramyndir
Einar Dr. Gunni fer ekki í taugarnar á honum.