Morgunblaðið - 06.11.2009, Blaðsíða 4

4 FréttirINNLENT
MORGUNBLAÐIÐ FÖSTUDAGUR 6. NÓVEMBER 2009
Hafa enga útreikninga séð
 Gildi ekki í hópi þeirra 20 lífeyrissjóða sem undirrituðu viljayfirlýsingu um nýjan
Landspítala  Sendu sérstaka yfirlýsingu  „Miklar umbúðir um lítið innihald“
Eftir Ómar Friðriksson
omfr@mbl.is
„VIÐ höfum enga hugmynd um
það,“ svarar Sigurður Bessason,
varaformaður stjórnar Gildis – líf-
eyrissjóðs, spurður um mögulega
arðsemi lífeyrissjóðanna af fjár-
mögnun nýs Landspítala. Gildi var
ekki meðal þeirra 20 lífeyrissjóða
sem undirrituðu viljayfirlýsingu um
byggingu spítalans sl. miðvikudag.
Gildi hefur þó lýst sig reiðubúinn að
skoða málið áfram en leggur áherslu
á að þátttaka sjóðsins er háð því að
áhætta og arðsemi verði ásættanleg.
Að mati forsvarsmanna sjóðsins
er viljayfirlýsingin allt of löng, „um-
búðir um lítið innihald“ eins og einn
orðaði það, og réttara hefði verið að
bíða þar til arðsemisútreikningar
liggja fyrir og lánssamningurinn er
tilbúinn til undirritunar.
„Þetta var rætt á stjórnarfundi og
mönnum fannst of miklar umbúðir
felast í þessari stóru yfirlýsingu og
miklu undirritunarathöfn,“ segir Vil-
hjálmur Egilsson, stjórnarformaður
Gildis. „Við vildum ekki vera með á
þessari yfirlýsingu en sendum sjálf-
stæða yfirlýsingu um að við vildum
vera með í undirbúningnum. Al-
mennt eru menn með málinu en vilja
horfa á innihaldið en ekki umbúðirn-
ar,“ segir Vilhjálmur.
Vildu skarpari framsetningu
Sigurður segir málið stórt. Eðli-
lega hafi því farið fram miklar um-
ræður um það en mönnum fundist
skorta skarpari framsetningu þann-
ig að fyrir lægi hvaða störf verða til
við þessa framkvæmd og einfaldlega
þurfi að vinna málið lengra svo í ljós
komi hvort arðsemin er ásættanleg
fyrir lífeyrissjóðina.
Að sögn hans eru skiptar skoðanir
á þessu stóra verkefni sem Landspít-
alabyggingin er. „Eðli málsins sam-
kvæmt speglast það að hluta í þess-
ari umræðu. Við ætlum að nálgast
málið áfram á þeim forsendum að
skoða það út frá arðsemissjóðarmiði
og að þarna sé um atvinnuskapandi
verkefni að ræða. Til þess munum
við fyrst og fremst taka afstöðu.“
Í HNOTSKURN
»Gildi er þriðji stærsti líf-eyrissjóður landsins.
» Í yfirlýsingu hans segir aðein meginforsenda þessa
verkefnis sé að störf sem
verða til við undirbúning og
framkvæmdir verði á vegum
innlendra aðila og hafi áhrif á
atvinnustigið hér á landi.
»Ákvörðun um þátttöku ífjármögnun verði ekki tek-
in fyrr en samkomulag hefur
náðst.
NÁTTÚRUSTOFA Vesturlands hefur varpað fram
þeirri hugmynd að Ísland verði fyrsta umhverfisvottaða
land heims og myndi það styrkja mjög laskaða ímynd
landsins út á við en einnig efla sjálfbæra þróun. Í grein-
argerð kemur fram að fjögur ár tæki að fá vottun fyrir öll
sveitarfélög landsins hjá samtökunum EC3 Global sem
hafa umsjón með Green Globe-vottunarkerfinu.
Samtökin EC3 hafa þegar vottað aðila í meira en 50
þjóðlöndum. „Umhverfisvottun alþjóðlega viðurkennds
vottunaraðila með þekktu umhverfismerki felur í sér ný
og fjölbreytt tækifæri til landkynningar og markaðssetn-
ingar, sér í lagi fyrir ferðaþjónustu og framleiðslugrein-
ar,“ segir í greinargerðinni.
Vottunin mun aðeins ná til starfs sveitarfélaganna
sjálfra en ekki þess sem einkafyrirtæki eða ríkið fást við
á umræddu svæði. Sumt af því sem tekið er inn í vott-
unina byggist á mælingum á notkun allra íbúanna á auð-
lindum eins og vatni og orku, einnig losun á úrgangi.
Einnig getur talist til tekna að mikið sé af vottuðum fyr-
irtækjum á svæðinu. Alþjóðaferðamálaráðið og Alþjóða-
ferðamálasamtökin studdu á sínum tíma Green Globe-
hugmyndina árið 1994 en stuðst er við ákveðin lágmarks-
viðmið um sjálfbæra lífs- og starfshætti á umræddu
svæði með vottun óháðra aðila. Úttekt þeirra er sögð
tryggja eftirfylgni og traustar upplýsingar um frammi-
stöðu þeirra sem eiga að sjá um að stöðlum sé fylgt, m.a. í
tengslum við nýtingu náttúruauðlinda.
Fram kemur að áætlaður kostnaður við Green Globe-
vottun fyrir landið allt yrði um 79 milljónir króna og er
lagt til að hann greiðist úr ríkissjóði. kjon@mbl.is
Ísland verði fyrsta um-
hverfisvottaða land heims
79 milljóna króna kostnaður
yrði greiddur úr ríkissjóði
ENDAHNÚTUR
var í vikunni
bundinn á mála-
ferli Íslendings
fyrir svissneskum
dómstólum vegna
milljóna króna
kreditkortareikn-
ings eftir heim-
sókn hans í rauða
hverfið í Zürich. Í tilkynningu frá
Knattspyrnusambandi Íslands kem-
ur fram að maðurinn sem um ræðir
er Pálmi Jónsson, fjármálastjóri KSÍ,
sem staddur var í Zürich fyrir fimm
árum. Sótti hann þá m.a. kampavíns-
og strípiklúbbinn Moulin Rouge. Að
sögn KSÍ varð hann fyrir þeirri
ógæfu að svikið var af honum fé, bæði
af persónulegu kreditkorti hans og af
korti KSÍ. Svikin uppgötvuðust ekki
fyrr en morguninn eftir þegar í ljós
komu úttektir upp á 67.000 franka,
um átta milljónir króna á núverandi
gengi, þá um þrjár milljónir.
Pálmi fór í kjölfarið í mál og nú í
vikunni féll loks dómurinn. Eigandi
Moulin Rouge var fundinn sekur um
ýmis brot og þótti m.a. ljóst að brotið
hefði verið á Pálma, en bótakröfu
hans vegna meints okurs var eftir
sem áður vísað frá. Sagði dómarinn
m.a. að enginn ætti að furða sig á því,
eftir freyðandi kampavínspartí, að
reikningurinn hefði verið kryddaður.
Í yfirlýsingu frá KSÍ segir að sam-
bandið hafi ekki borið neinn fjárhags-
legan skaða af málinu.
Illa svikinn á
næturklúbbi
í Zürich
Okrið fæst ekki bætt
Stykkishólmsbær, Helgafellssveit, Grundarfjarð-
arbær, Snæfellsbær og Eyja- og Miklaholtshreppur
hlutu Green Globe-vottun í fyrra. Markmiðið er að
efla umbætur með því að meta þróun á ýmsum svið-
um, m. a. losun gróðurhúsalofttegunda, orkunýt-
ingu, stjórnun ferskvatnsauðlinda, verndun vist-
kerfa, stjórnun fráveitumála og geymslu og notkun
efna sem eru skaðleg umhverfinu.
Snæfellsnes ríður á vaðið
Eftir Steinþór Guðbjartsson
steinthor@mbl.is
SKJÓTT var brugðist við nóróveiru-
sýkingunni á meðal starfsfólks hjá
Nýja Kaupþingi, smituðum hefur
meðal annars verið ráðlagt að vera
einkennalausir heima í 48 klukku-
stundir, mötuneytið hefur verið lok-
að alla vikuna og bankinn sótt-
hreinsaður hátt og lágt.
Um 250 manns hafa smitast af
nóróveirunni hjá Nýja Kaupþingi
banka. Berghildur Erla Bernharðs-
dóttir upplýsingafulltrúi segir að
ráðleggingum sóttvarnalæknis hafi
vandlega verið fylgt með góðum ár-
angri. Mötuneytið hafi verið lokað
alla vikuna og boðið upp á aðkeypt-
an, innpakkaðan mat í staðinn. Þrif
hafi verið aukin, sérstaklega á snyrt-
ingum og sameiginlegum flötum eins
og á hurðarhúnum. Vinnustaðurinn
hafi verið sótthreinsaður með sér-
stakri áherslu á eldhús, kaffistofur,
vinnustöðvar, lyklaborð og síma.
Síðast en ekki síst hafi verið lögð
áhersla á að fólk héldi sig heima í tvo
sólarhringa eftir að hafa losnað við
einkennin.
Margar smitleiðir
Á vef Landlæknisembættisins
kemur meðal annars fram að smit-
leiðir geti verið margar. Veiran geti
smitast við snertingu og eins borist í
loftinu til fólks í nánasta umhverfi.
Ennfremur með fæðu. Þar sem upp-
köst og niðurgangur séu bráðsmit-
andi er mikilvægt að hreinsa vel eft-
ir sýkta einstaklinga, bent er á að
einstaklingar með einkenni um
nóróveirusýkingu skuli ekki elda eða
framreiða mat fyrir aðra og áhersla
lögð á að góður handþvottur sé ár-
angursríkasta leiðin til að koma í veg
fyrir smit.
Mikið álag
Arthur Löve, yfirlæknir á rann-
sóknastofu Landspítalans í veiru-
fræði, segir að gríðarlega mikið álag
hafi verið á deildinni eins og á öllum
spítalanum. Á deildinni fer fram
greining á öllum veirusjúkdómum
og hefur álagið fylgt flensunni.
Nóróveiran hefur einnig verið
greind á stofunni. Arthur bendir á
að greiningin kosti sitt og auk þess
sé ástæðulaust að taka sýni úr öllum
heldur sé nóg að staðfesta sýkingu í
nokkrum einstaklingum. „Annað
væri bara að kasta peningum út um
gluggann,“ segir hann.
Mjög mikið álag á rannsóknastofu Landspítalans í veirufræði
Nýja
Kaupþing
sótt-
hreinsað
Morgunblaðið/Kristinn
Rannsókn Greining á öllum veirusjúkdómum fer fram á rannsóknastofu Landspítalans í veirufræði.
einfaldlega betri kostur
©
IL
V
A
Ís
la
n
d
20
0
9
ILVA Korputorgi, Blikastaðvegi 2-8 112 Reykjavík
laugardaga 10-18 sunnudaga 12-18 mánudaga - föstudaga 11-19
kaffihús: lau. 10-17 sun. 12-17 mán. - fös. 11-18
Hjarta, ljós Ø13 cm
5.990,-
Jól
í ILVA