Organistablaðið - 01.09.1987, Blaðsíða 19

Organistablaðið - 01.09.1987, Blaðsíða 19
Kirkjulistaliátíð í Hallgrímskirkju Þaö hef ur vonandi ekki farið f ramhjá lesendum blaðsins, að dagana 6.-13. júní sl. var haldin kirkjulistahátíð í Hallgrímskirkju. Hátíð þessi var einn þeirra fjölmörgu viðburða sem á fjörur okkar hefur rekið á vígsluári Hallgrímskirkju. Hér er um mikinn menningarviðburð að ræða, sem okkur kirkjutónlistar- fólki ber sérstaklega að gefa gaum, enda var hlutur kirkjutónlistarinnar stærstur liða þessarar hátíðar. Það að ráðast í framkvæmd slíkrar hátíðar, ber vott um mikinn stórhug og f ramtíðarsýn sem við hljótum að þakka og bera mikla virðingu fyrir. Við óskum Listvinafélagi Hallgrímskirkju til hamingju með hátíðina og jafnframt Mótettukórnum og stjórnanda hans, Herði Áskelssyni -organista kirkjunnar, sem hafa borið hita og þunga af allri framkvæmdinni. Jesú-passían Hér er ekki mögulegt að fjalla ítarlega um alla viðburði hátíðarinnar, en samt skal reynt að stikla á stóru. Ekki verður á neinn hallað þó sagt sé að setningartónleikarnir hafi verið stærsti viðburður hátíðarinnar. Á þeim var f lutt Jesú-passía eftir Oskar Gottlieb Blarr. Flytjendur voru: Kór Neanderkirkj- unnar í Dússeldorf, skólakór Kársness og Sinfóníuhljómsveit íslands ásamt einsöngvurunum: Alexandra Parris sópran, Constanze Backes sópran, Norma Lerer alt, Henner Leyhe tenór, Viðar Gunnarsson bassi og Magnús Baldvinsson bassi. Höfundurstjórnaðiflutningiverksins, enþaðvarfrumflutt í Dússeldorí árið 1985 Titill verksins bendir þegar til að hér sé um óvenjulegt verk að ræða, því að tónskáldið notar hér ekki frásögn guðspjallanna af þjáningu og dauða Krists, eins og gert er í hefðbundnum passíum sem kenndar eru við nöfn guðspjalla- mannanna. (tónleikaskránni kemur meðal annars eftiríarandi fram um inni- hald verksins: „Texti verksins er bæði úr ritum Gamla Testamentisins og Guð- spjöllunum, auk Ijóða eftir núlifandi Ijóðskáld og er að mestu leyti á hebresku. Verkið er í þremur þáttum. Hinn fyrsti lýsir innreiðinni í Jer- úsalem og fagnaðarlátum lýðsins. Þar hljómar barnakórinn að fagna Jesú á götum Jerúsalem. Annar þátturinn gerist í grasagarðinum í Getse- ORGANISTABLAÐIÐ 19

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.