Organistablaðið - 01.01.1989, Blaðsíða 14

ar vita harla I ítið um eðli og innihald guðsþjónustunnar sem þeir eiga að leiða.
Á sama tíma er þessum þætti veitt aukin áhersla í kirkjutónlistarnámi. Því er
mikilvægt að við organistar nýtum vel þau tækifæri sem við höfum til að
fræða fólk um guðsþjónustuna og ekki síst með okkar eigin hlutverki í guðs-
þjónustunni og við undirbúning hennar, að árétta og undirstrika gildi hennar
og mikilvægi. Það ætti að vera sjálfsögð regla að prestur og organisti ynnu
saman að undirbúningi guðsþjónustunnar. Þeir ættu að hittast reglulega til
að ræða um starfið framundan, vinna saman aö vali sálma og bera saman
bækur sínar um aðra þætti guðsþjónustunnar. Þetta myndi styrkja samstöðu
manna og verða guðsþjónustunni til eflingar.
En hvernig kemur söfnuðurinn inn í þessa mynd? Guðsþjónustan er ekki
eingöngu guðsþjónusta prestins, organistans, kórsins eða einhverra ann-
arra þröngra hópa. Hún er guðsþjónusta alls safnaðarins. Því hlýtur takmark-
ið að vera að virkja kirkjufólk til þátttöku. Við organistar verðum að leika og
leiða sönginn þannig, að við hvetjum söfnuðinn til virkrar þátttöku.
Því miður er hörgull á bókum á íslensku um guðsþjónustuna. Þó má nefna
nokkrar. Fyrst og fremst ber að vísa til handbókarinnar. Auk þess aö inni-
halda alla liði guðsþjónustunnar og annara athafna þá gefur hún greinargóð-
ar leiðbeiningar og útskýringar. Fyrir þá sem vilja fara dýpra í efnið má benda
á bók Sigurðar heitins Pálssonar: „Saga og efni messunnar". Einnig má
benda á greinina „Litúrgía" eftir Guðjón Guðjónsson, en hún birtist í heftinu
„Messa“, sem Söngmálastjóri þjóðkirkjunnar gafa út árið 1976. Mikil þörf er
fyrir handhægt efni um þessi mál á íslensku. Væri vel ef einhvertæki saman
handhæga „handbók" fyrir söfnuði og kirkjulega starfsmenn.
Þ.E.
Orgeltónleikar í Hallgrímskirkju
Á fyrstu mánuðum þessa árs gekkst
Listvinafélag Hallgrímskirkju fyrir
tónleikaröð, sem nefndist „Norður-
þýsku barokkmeistararnir1'. Organ-
istarnir Þröstur Eiríksson, Ann Toril
Lindstad, Hörður Áskelsson og Ort-
hulf Prunner léku verk eftir Buxtehu-
de, Böhm, Lubeck, Bruhns og Bach.
Jafnfram því kynntu þeir höfund-
ana og útskýrðu verkin sem leikin
voru. Þessari kynningu varætlað að
auðvelda hlustunina og greiða al-
menningi leiðina að tónlistinni, en
sem kunnugt er, á orgeltónlistin
mjög undir högg að sækja, hvað vin-
sældir snertir. Mæltist þetta fyrir-
komulag vel fyrir og verður haldið
áfram með sams konar kynningar
næsta vetur en þá verða frönsku
barokkmeistararnir teknir fyrir.
14 ORGANISTABLAÐIÐ