Organistablaðið - 01.07.1993, Blaðsíða 1

Organistablaðið - 01.07.1993, Blaðsíða 1
ORGANISTABLAÐIÐ 1. tbl. Júlí 1993 24.árg Tímamót í íslenskri tónlistarsögu Frá því er síðasta tölublað organistablaðsins kom út hefur hver stórviðburðurinn rekið annan. Ber þar að sjálfsögðu hæst vígslu og tilkomu nýja Klais-orgelsins í Hallgrímskirkju. Hversu margir af frumherjunum hefðu ekki viljað lifa þann dag? Það blandast engum hugur um það, að með þessu orgeli er blað brotið í íslenskri menningarsögu. Þetta hljóðfæri með öllum sínum möguleikum mun án vafa færa okkur að lindum hins fegursta, vandaðasta og besta sem til er í öllu því sem skrifað hefur verið fyrir orgel. Þannig hafa íslenskir orgelleikarar fengið tækifæri til að sýna hvað í þeim býr og margir þeirra haldið frábæra tónleika á það. Þekktir erlendir gestir hafa einnig komið við sögu og opnað áheyrendum heim sem þá aðeins grunaði að væri til, þekktu hann af afspurn. Þá skal ekki gleymt hve vel orgeltónleikar hafa verið sóttir og að fjöldi þeirra manna sem þá sækir fer stóðugt vaxandi. I vikunni eftir vígsludaginn voru haldnir tvennir tónleikar á dag í fimm daga á vegum F.Í.O. og gekk greiðlega að manna þá. Mikið og óeigingjarnt starf hefur hvílt á herðum Harðar Áskelssonar og skal honum og íslenskri organistastétt óskað til hamingju með þetta glæsilega hljóðfæri. Það hefði þótt saga til næsta bæjar fyrir nokkrum árum að þrjú orgel skyldu vígð sama daginn á íslandi. Þetta gerðist 13. desember síðastliðinn. Síðan hafa fleiri orgel komið til. Vissulega ber þetta vott um grósku, en huga þarf samt betur að organistum. Þeir eru of fáir og ekki mikið af ungu fólki sem hyggst leggja þetta fyrir sig. Vonandi heldur áfram stöðugt tónleikahald og sú uppsveifla sem átt hefur sér stað í Hallgrímskirkju og víðar sem verkað gæti hvetjandi á ungt fólk til að hefja nám í kirkjutónlist. Kjartan Sigurjónsson

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.