SunnudagsMogginn - 31.01.2010, Síða 38

38 31. janúar 2010
Morgunblaðið/Golli
Flestir gera sér grein fyrir að öryggisins vegna er gott í svart-
asta skammdeginu að bera endurskinsmerki. Það tíðkast þó
ekki að fullorðið fólk næli á sig broskalla eða auglýsingar
bankanna í formi endurskinsmerkja og margir hverjir sem
taka útlitið fram yfir öryggið og sleppa því þessum örygg-
isbúnaði þegar haldið er út í myrkrið. Þær Edda Jóna Gylfa-
dóttir og Helga Björg Jónasardóttir vöruhönnuðir fundu lausn
á þessu fyrir konur. Þær hönnuðu skartgripi sem eru um leið
endurskinsmerki. „Okkur datt í hug að búa til skartgrip úr
endurskinsmerkjum því þau sem eru í umferð eru mörg hver
svo ljót. Fólk, og þá helst konur, er kannski frekar fáanlegt
til að bera endurskinsmerki sé það fallegt,“ segir Edda Jóna.
Þær stöllur hafa annars vegar hannað blóm sem er bæði
hægt að næla í flík og líka hægt að hengja utan um háls
eða á tösku. Hins vegar hafa þær hannað hanska úr ís-
lenskri ull sem eru með endurskinsmerkjahring. Skínandi
skartið þeirra Eddu og Helgu er hægt að finna í öllum helstu
verslunum höfuðborgarsvæðisins sem selja íslenska hönn-
un.
signyg@mbl.is
Skínandi skart Mæðgurnar Agnes
og Edda með skín-
andi skart.
É
g var löngu búin að
ákveða að nota tau-
bleiur áður en ég átti
dóttur mína sem er í
dag tveggja og hálfs árs. Sonur
minn er að verða ellefu ára og
þegar hann var ungbarn
hvarflaði taubleiunotkun aldrei
að mér,“ segir Hlín Ólafsdóttir
taubleiuframleiðandi.
Hlín vissi lítið sem ekkert
um taubleiur fyrir þremur ár-
um og hafði hugsað sér að not-
ast við venjulegar gasbleiur og
plast. Hlín átti ekki í vandræð-
um með að finna bleiurnar en
plastið fann hún hvergi. Hún
leitaði því á netinu og segir að
þá hafi opnast fyrir henni nýr
taubleiuheimur. „Ég keypti að
ég held í fyrstu allar tegundir
sem til voru á markaðnum og
þá bara eina bleiu af hverri
tegund. Ég sá fljótt hvað það
var sem mér fannst gott við
hverja bleiu og hvað var slæmt.
Það var svo af einskærri for-
vitni sem ég ákvað að prófa að
sauma sjálf bleiu. Ég hafði
aldrei saumað áður, skoðaði
leiðbeiningamyndbönd á net-
inu og sat tvö heil kvöld við að
setja teygju í eina bleiu. Ég var
síðan fljót að komast upp á
lagið og átti allt í einu fullt af
bleium sem ég fór að sýna á
spjallsíðum. Þar bað ein
mamman mig að sauma fyrir
sig og svo byrjaði þetta að
spyrjast út og í dag anna ég
varla eftirspurn,“ segir Hlín.
Sérsniðnar bleiur fyrir
hvert barn
Nafnið Montrassar vekur eitt
og sér athygli en hvers vegna
skyldi Hlín hafa valið þetta
nafn? „Nafnið kom mjög fljótt
upp. Mig langaði einfaldlega að
barnið mitt væri með flottari
bleiu en börn annarra mæðra í
kringum mig. Ég var svo mikill
montrass og langaði til að
monta mig af rassi dóttur
minnar. Ég valdi alltaf sér-
staklega flottar bleiur fyrir
veislur og var ekkert að fela
mig þegar ég var að skipta á
henni. Það er eiginlega ómögu-
legt að hún skuli vera hætt
með bleiu í dag,“ segir Hlín og
hlær.
Það sem gerir Montrassa-
bleiurnar sérstakar er að hver
og einn getur hannað sínar
bleiur. Boðið er upp á sér-
sniðnar bleiur fyrir grönn og
þykk læri og einnig er í boði
fjölbreytt úrval af ytra og innra
byrði, bæði að útliti og gerð. „Í
innra byrði er ég með það sem
kallast apaskinn, sem er efni
sem ég mæli mjög mikið með.
Ég er líka með flís og lífrænt
bambusefni og svo hef ég að-
eins verið að prófa mig áfram
með íslensku ullina. Hversu
mikið hún stingur hefur verið
til vandræða en ég er þó ekki
búin að gefast upp,“ segir Hlín.
Ásamt því að sinna Mont-
rössum er Hlín grafískur hönn-
uður og tekur hún að sér ýmis
hönnunartengd verkefni, hún
er líka deildarstjóri á leikskóla
og með tvö börn. Það er því
óhætt að segja að Hlín sitji ekki
auðum höndum. Í fyrra hlaut
hún styrk frá Atvinnumálasjóði
kvenna og notaði hann til að
kaupa sér nýja saumavél. Hlín
segist vera uppfull af hug-
myndum tengdum bleiugerð og
barnafötum en vantar meiri
tíma til að útfæra þær. Áhuga-
samir geta kynnt sér taubleiur
Hlínar á heimasíðunni mont-
rassar.net.
Montrass í
bleiufram-
leiðslu
Hlín Ólafsdóttir byrjaði að sauma
nokkrar taubleiur á dóttur sína. Fljót-
lega var hún farin að framleiða bleiur
fyrir fjölskyldu og vini og selur nú
bleiur undir nafninu Montrassar.
Signý Gunnarsdóttir signy@mbl.is
Hlín saumar bleiur sem kaupandinn hannar sjálfur.
Morgunblaðið/Golli
Montrassarnir Matthildur og Emma.
’
Mig langaði
einfaldlega að
barnið mitt
væri með flottari
bleiu en börn ann-
arra mæðra í kring-
um mig. Ég var svo
mikill montrass og
langaði til að monta
mig af rassi dóttur
minnar.
Hönnun