SunnudagsMogginn - 31.01.2010, Qupperneq 49

31. janúar 2010 49
– Mér finnst það forvitnilegt að þú skulir hafa starfað á aug-
lýsingastofu áður en þú snerir þér að skriftum, enda þekki ég
nokkra höfunda sem hafa gert slíkt hið sama samhliða því sem
þeir hafa snurfusað meistaraverkin. Hvernig var því háttað
með þig; varst þú verðandi rithöfundur í leit að salti í graut-
inn, eða snerir þú þér að ritstörfum eftir að hafa starfað á aug-
lýsingastofu?
„Fyrsta bók mín kom út þegar ég var tuttugu og sex ára og
var rétt byrjaður að vinna á auglýsingastofu. Hún vann til
Edgar-verðlaunanna sem besta fyrsta glæpasaga höfundar, en
ég græddi ekki nóg á henni til að bjarga mér frá dagvinnunni.
Ég hélt þó áfram að skrifa bækur, en þó ég hefði getað hætt
mun fyrr þá vann ég við auglýsingar vel fram á fimmtugs-
aldur.“
– Ég hef lesið nokkrar Alex Cross-bækur og velt því fyrir
mér hvaðan persónan kom; spratt hún fram fullsköpuð, eða
varð hún til smám saman á löngum tíma?
„Ég veit ekki hvaðan Alex Cross er, en þegar ég skrifaði
fyrsta uppkast að fyrstu bókinni þá var hann rannsóknarlög-
reglukonan Alexis Cross. Alex Cross rímar að nokkru leyti við
mig; við erum báðir eindregnir fjölskyldumenn og reynum að
breyta rétt. Hann er þó meira hörkutól en ég og miklu betri
píanóleikari.“
– Þú ert gríðarlega afkastamikill höfundur; setur þú þér fyr-
ir ákveðið magn orða á dag eins og enski rithöfundurinn Ant-
hony Trollope? Ég hef einnig séð því fleygt að þú sért með her
manna að skrifa fyrir þig líkt og Alexandre Dumas eldri.
„Ég skammta mér ekki síðu- eða orðafjölda á dag en ég
skrifa á hverjum degi, 365 daga á ári. Einhver sagði að það
væri lán ef maður dytti niður á það sem manni þætti
skemmtilegt að gera og kraftaverk ef maður fengi borgað fyrir
það. Ég er einmitt svo lánsamur.
Hvað samstarfsmenn varðar þá endurskrifa ég yfirleitt bæk-
urnar einn að lokum og eina bókina endurskrifaði ég sjö sinn-
um.“
– Ég nefndi Dumas áðan, en líkt og hann starfar þú með
fjölda annarra rithöfunda. Leitar þú þá uppi eða þeir þig?
„Ég kýs mér til samstarfs höfunda sem ég þekki og veit að
ég get unnið með og vel alltaf rithöfunda sem eru hæfi-
leikaríkir og skemmtilegir í viðkynningu.“
– Segðu mér aðeins af samstarfinu við Lizu Marklund.
„Liza er mjög hæfileikarík og indæl í umgengni. Mér flaug í
hug að gaman væri að vinna með skandinavískum rithöfundi
frekar en þeim bandarísku höfundum sem ég annars vinn með
og einhver stakk upp á Lizu. Ég hafði lesið bækur eftir hana og
las nokkrar til, hafði síðan samband við hana og hitti hana.
Við munum skrifa frábæra spennusögu saman.“
– Myndi þig langa til að vinna með einhverjum lifandi eða
liðnum rithöfundi?
„Ég hefði viljað vinna fyrir James Joyce og sækja fyrir hann
kaffi og sígarettur, gera hvaðeina fyrir hann.“
– Þú nýtur gríðarlegra og vaxandi vinsælda. Hverju þakkar
þú það?
„Að mínu viti kann fólk að meta bækur mínar fyrir það að
spennan í þeim slaknar aldrei og í þeim eru persónur sem les-
andinn vill að komist af. Ég gæti þess að hafa frásögnina ekki
of bóklega, reyni að hafa hana sem líkasta því þegar við segj-
um hvert öðru sögur, og sleppi ótal smáatriðum sem hægja á
framvindunni.“
– Vinnur þú mikla undirbúningsvinnu fyrir hverja bók?
„Ef undirbúningsvinnan felur í sér að kanna aðstæður á
Hawaii geri ég það sjálfur, en ef málið snýst um krakkbæli í
Bronx fæ ég einhvern annan í það.“
– Eitt af því sem mér finnst forvitnilegt við feril þinn er að
þú skrifar jafnt bækur fyrir fullorðna og ungmenni. Hvort
finnst þér skemmtilegra að skrifa?
„Þú trúir því kannski ekki, en sem stendur finnst mér
skemmtilegast af öllu að skrifa bækur fyrir unglinga og ég held
meira að segja að Maximum Ride-bókaröðin sé það besta sem
ég hef skrifað til þessa, enda eru þær spennandi ævintýri og
bráðfyndnar í þokkabót. Ég er líka að vinna í því að koma
þeim á hvíta tjaldið og fékk til liðs við mig Avi Arad, framleið-
anda Spiderman og Iron Man, en Don Payne, aðalhöfundur
The Simpsons í átta ár, skrifar handritið og Catherine Har-
dwicke, sem leikstýrði Twilight, tók að sér leikstjórnina.“
arnim@mbl.is
Spenna sem slaknar aldrei
Í tölvupóstsviðtali segist James Pat-
terson gæta þess að hafa frásögnina
ekki of bóklega, hann reyni að hafa
hana sem líkasta því þegar við segj-
um hvert öðru sögur.
Eins og getið er hefur Patterson selt
fleiri bækur en Stephen King, John
Grisham og Dan Brown samanlagt, en
samkvæmt The New York Times á
hann eina af hverjum sautján bókum
sem seljast vestan hafs. Velgengni
hans skrifast að einhverju leyti á af-
köst, en eftir hann liggja sjötíu bækur
og þremur teiknimyndasögum betur
frá því hann sló í gegn með fyrstu Alex
Cross bókinni fyrir sautján árum. Af-
köstin hafa aukist með tímanum því
hann sendi frá sér níu bækur á síð-
asta ári og níu koma út á þessu ári,
en hann gerði útgáfusamning í sept-
ember sl. sem fól í sér að hann myndi
skila ellefu bókum fyrir fullorðna og
sex fyrir ungmenni fyrir lok árs 2012.
Á síðasta ári seldust eftir Patterson
um 14 milljón bækur á 38 tungu-
málum um heim allan, en alls hefur
hann selt um 170 milljón bækur.
Samkvæmt heimsmetabók Guin-
ness 2010 á hann met í met-
sölubókum á lista New York Times,
hefur komið 45 bókum þar inn, en rétt
er að bækurnar eru orðnar 51 og af
þeim fóru 35 beint á toppinn, þar af
nítján í röð og fimm á sama árinu.
Hann er eini rithöfundurinn sem átt
hefur sína bókina á toppi hvors sölu-
lista New York Times fyrir barnabæk-
ur og almennar bækur.
Átta bækur Pattersons hafa komið
úr á íslensku: 5. Riddarinn, 4. júlí,
Hveitibrauðsdagar, Þriðja gráða, Ann-
að tækifæri, Fyrstur til að deyja, Sjort-
arinn og Sjötta skotmarkið. 30.000
eintök hafa selst af bókum hans hér
og Sjortarinn er þeirra vinsælust, hef-
ur selst í 5.000 eintökum. Tvær bóka
hans eru væntanlegar á íslensku á
árinu; Póstkortamorðin og Sundföt.
Milljónir á
milljónir ofan
James Patterson er hamhleypa til allra verka. Hann er nú orðinn vinsælasti rithöfundur Bandaríkjanna og stefnir ótrauður á að verða vinsælasti rithöfundur heims.