SunnudagsMogginn - 19.09.2010, Blaðsíða 16

16 19. september 2010
getur stjórnað innkaupum sínum þannig að það fái
meira af þeirri tónlist sem það vill hlusta á,“ segir hún
en segja má að hlustandinn vilji síður refsa tónlistar-
manninum „vini sínum“ heldur en „stóra og vonda“
plötufyrirtækinu.
Og þá voru þau sex
Amiina hóf göngu sína sem fjögurra kvenna strengja-
sveit með Maríu og Eddu Rún Ólafsdóttir, Sólrúnu Sum-
arliðadóttur og Hildi Ársælsdóttur. Amiina ferðaðist í
þessari mynd um heiminn, hitaði upp fyrir Sigur Rós og
spilaði síðan undir hjá sveitinni. Núna hafa Magnús
Trygvason Eliassen trommuleikari og raftónlistarmað-
urinn Guðmundur Vignir Karlsson, sem er betur þekkur
undir listamannsnafninu Kippi Kaninus, bæst við.
Magnús bættist í hópinn þegar Amiina fór á tónleika-
ferðalag eftir útkomu fyrstu plötunnar. „Vorið 2008
vorum við með viðhafnarútgáfu af tónleikunum okkar í
Hafnarhúsinu á Listahátíð. Við útsettum fyrir strengi og
blásara og fengum fullt af fólki með okkur. Þá höfðum
við samband við Kippa og hann tók þátt í því. Þá urðu til
ný lög frá grunni með honum og Magga,“ útskýrir María
og segir að eftir þessa tónleika hafi ekki orðið aftur snú-
ið. „Eftir Hafnarhúsið fannst okkur skrýtin tilhugsun að
verða aftur fjórar, þetta var náttúrulegt skref. Grunn-
urinn að nýju plötunni var lagður en sum lögin sem við
byrjuðum að vinna þá eru á plötunni í einhverri mynd.
Við erum búin að spila sex saman síðan.“
Tónlistin á nýju plötunni er eins og áður segir ekki
eins viðkvæmnisleg og fyrr. „Þetta var allt mun fíngerð-
ara og núna er hægt að ganga um á hælaskóm á sviðinu,“
segir hún og bætir við að stelpurnar hafi langað að fá
meiri kraft í þetta. „Þegar við vorum að ferðast með Sig-
ur Rós hituðum við upp fyrir þá og spiluðum síðan sem
kvartett með þeim. Þá var þetta fullkomin blanda, vor-
um í öllu þessu fíngerða og smágerða á undan og spil-
uðum síðan með Sigur Rós og fengum þá útrás. Síðan
þegar við vorum orðnar bara fjórar saman vantaði út-
rásina,“ útskýrir María og segir að nú sé hljómsveitin
komin í gott jafnvægi.
Tónlistin var tekin upp í bútum í upptökuverinu
Sundlauginni af Birgi Jóni Birgissyni. „Hún var líka mix-
uð þar en platan var masteruð í New York af Greg Calby,
ótrúlega mögnuðum manni. Ég hef aldrei alveg skilið
þetta masteringarferli en þetta opnaði plötuna rosalega
mikið,“ segir hún og líkir þessu við að platan hafi áður
verið falleg mynd nema hvað fókusinn hafi ekki verið
nógu skýr. „Þegar hann var búinn með plötuna var hún
orðin alveg kristaltær,“ segir María en hljómsveitin hef-
ur kostað miklu til svo platan hljómi eins vel og kostur
er.
Hljómsveitin er höfundur allra laganna í sameiningu
og hefur samstarfið verið gott. „Platan þurfti líka að
koma út núna til að verða ekki tappi í flöskunni. Við
þurfum að halda áfram og langar til að semja nýtt efni og
halda okkur lifandi.“
Af púsli og tónlistarsamböndum
Misjafnt er hvernig lögin verða til. „Við köstum hug-
myndunum mikið á milli okkar. Það er flókið ferli að
semja frá grunni sex saman nema að það sé í því formi að
leika sér, djamma saman. Hugmynd verður ekki til hjá
sex manns í einu. Það er alltaf eitthvað, stemning, frasi,
hljómagangur sem verður til að koma ferlinu af stað. Við
forðumst að vera með rökpartinn af heilanum í gangi og
leyfum hlutunum að koma,“ segir hún en auðvitað
verður ákveðin verkaskipting líka til vegna hljóð-
færaskipanarinnar.
Hún blæs á allar staðalhugmyndir að tónleikaferðalög
með karlmönnum einkennist af skítugum sokkum og
sóðaskap. „Þeir eru mikil snyrtimenni!“
Stór hluti sveitarinnar er líka fjölskyldufólk en alls
eiga meðlimir fjögur börn. Einnig eru fjórir af sex í skóla
þannig að það þarf að huga að mörgu til að koma tón-
leikaferðalögum og æfingum saman. „Þetta er gífurlegt
púsl,“ segir hún en þarna er komin skýring á titlinum
Puzzle en ennfremur heitir eitt lagið „Púsl“.
„Öll skipulagsvinna er rosalega erfið. Þetta var svo
einfalt fyrir tíu árum, hægt að vinna á nóttunni en það er
liðin tíð. Við þurfum að púsla þessu saman. Þetta kemur
samt niður á því að við getum ekki ferðast eins mikið
með plötuna og við hefðum viljað.“
María segir að þau hafi samt ákveðinn „afslátt“ í
skipulagningunni en Sólrún og Magnús eru par. Sjálf á
María tæplega tveggja ára dóttur, Móeyju, með Kjartani
Sveinssyni tónlistarmanni í Sigur Rós og hafa þau
hreiðrað um sig í gamla Vesturbænum í Reykjavík í
gömlu húsi frá árinu 1902. „Þetta er algjör drauma-
staður. Á ferðalögum er mikið rótleysi og ekki stoppað
nema einn dag í einu á hverjum stað,“ segir hún og er
því mikilvægt að hafa góðan stað til að snúa heim á.
„Það er það besta í heimi að koma heim.“ Fleiri tónlist-
arpör eru í sveitinni en eiginmaður Hildar, Örn Ingi
Ágústsson, er í hljómsveitinni Seabear og eiga þau tíu
mánaða soninn Ágúst.
Vilja verða sýnilegri á Íslandi
Amiina vonast til að með nýju plötunni geti hún orðið
sýnilegri hljómsveit á Íslandi. „Okkur langar til að spila
meira hérlendis og erum spennt fyrir því að þessi plata
geri farið í almennari hlustun. Okkur finnst ofsalega
gaman að spila á tónleikum, það er allt annað en að vera
í hljóðveri og vera að púsla hlutunum saman,“ segir hún
en þarna dúkkar þemaorðið púsl aftur upp.
Amiina spilar á tónlistarhátíðinni Iceland Airwaves
fimmtudaginn 14. október. „Við spilum á sama kvöldi og
þrjár erlendar hljómsveitir en ein af þeim er danska
hljómsveitin Efterklang. „Strákarnir í Efterklang voru
vinir Hildar og Eddu á meðan þær bjuggu í Danmörku.
Þeir eru eiginlega valdir að því að við settumst niður að
gera tónlist. Það kom fyrirspurn til þeirra um að bóka
Amiinu á danska tónlistarhátíð. Þá höfðum við ekki
samið neina tónlist sjálfar heldur bara spilað undir hjá
öðrum hljómsveitum. Okkur langaði alltaf til þess að
gera tónlist en það hafði ekkert orðið úr því. Okkur
tókst þarna á einhvern undraverðan hátt að setja saman
40 mínútna prógramm á tíu dögum. Þeir spiluðu á eftir
okkur á þessari dönsku hátíð og gera það líka núna sex
árum síðar,“ segir María og setur síðasta púslið á sinn
stað.
Amiina púslar: „Öll skipulagsvinna er rosalega erfið. Þetta var svo einfalt fyrir tíu árum, hægt að vinna á nóttunni en það er liðin tíð. Við þurfum að púsla þessu saman,“ segir María.
Morgunblaðið/Ernir
’
Við köstum hugmyndunum mikið á milli okkar. Hugmynd
verður ekki til hjá sex manns í einu. Það er alltaf eitthvað,
stemning, frasi, hljómagangur, sem verður til að koma
ferlinu af stað. Við forðumst að vera með rökpartinn af heilanum
í gangi og leyfum hlutunum að koma.