Skólablaðið - 01.12.1962, Qupperneq 22

- 114 -
A Ð eru talsverð viðbrigði að
L^AA koma norðan úr kaldri síð-
sumarsnepju okkar ísakalda
lands suður í bakandi sólar-
HHi hita ftalíu. Hitinn, þann tíma,
sem ég dvgddist á ítaliu, var óskaplegur
á okkar mælikvarða, 35°-40°C. Lætur
nærri hver lxðanin hefur verið fyrstu
dagana meðan ég var að venjast hitanum.
Eins og áður er frá skýrt, höguðu ör-
lögin því þannig, að ég kom tveim dög-
um of seint til ráðstefnunnar. Ráðstefna
þessi hófst 25. ágúst og stóð til 5. sept-
ember. Til hennar var boðið af Evrópu-
ráðinu og sá ítalska ríkisstjórnin um
framkvæmdir fyrir hönd þess. Ráð-
stefnuna sóttu 350 fulltrúar æskulýðs
þeirra 19 landa, sem aðild eiga að Evr-
ópuráðinu. Var ég eini fslendingurinn,
sem ráðstefnuna sat. Var hún haldin í
stóru og einkar vistlegu alþjóðlegu
stúdentaheimili "Casa Internazionale
dello Studente", sem stendur í norður-
jaðri Rómar.
Verkefni þingsins var tvíþætt. Megin-
verkefnið var að stofna til kynna og vin-
áttubanda á milli fulltrúanna. Má segja,
að það hafi tekizt framar öllum vonum,
því þegar ég kom, þ. e. á þriðja degi
ráðstefnunnar, mátti sjá tyrkneskan
leiða norska stúlku eða danskan pilt
leiða enska stúlku eftir göngum hótels-
ins o. s. frv. Það skal þó tekið fram til
að forða misskilningi, að ekki gilti þetta
almennt um alla þátttakendur.
Hitt verkefnið var að kynna fulltrúunum
arkitektúr og borgarskipulagningu (town
planning ), og var samvinna þátttakenda
við úrlausn þess hugsuð sem grundvöll-
ur fyrir kynnum þeirra á milli. Hafði
Róm verið valin sem aðsetur ráðstefn-
unnar með tilliti til þess, hve auðug
hún er af byggingum og fornmenjum frá
ýmsum tímabilum.
Til að auðvelda störf þingsins, þá
var hinum stóra fuHtrúahóp skipt niður
í 7 "grúppur", sem störfuðu sjálfstætt.
Raðað var niður í hópana eftir mála-
kunnáttu, en þó var reynt að blanda
þjóðernunum eins og hægt var. Hafði
hver hópur sitt eigið fundarherbergi og
var ítalskur arkitekt hverjum hópi til
leiðbeiningar. Arkitektinn, sem var með
þeim hópi, er ég var í, var lítill og
bústinn náungi, sem greinilega var vel
heima í sinni grein, en sá var ljóður á,
að hann talaði eingöngu ítölsku og þar
eð túlkunin á fyrirlestrum hans vildi oft
ganga anzi stirðlega, þá notaði hann alls
konar handahreyfingar og blísturshljóð
máli sínu til skýringar. Urðu oft úr
þessu hin lcostulegustu loddarabrögð, og
höfðum við beztu skemmtun af.
Rakti hann fyrir okkur þróun og sögu
rómversks arkitektúrs allt frá dögum
Rómarlýðveldisins fram á okkar daga.
Einnig voru kynnt fyrir okkur þau vanda-
mál, sem þeir eiga að glíma við, er
fjalla um framtíðarskipulagningu borgar-
innar.
Eklci var þessu öllu lokið á einum
degi, heldur var verkefninu skipt niður
x átta tímabil og einum degi varið til
kynningar á hverju fyrir sig. Hélt arki-
tektinn tvo fyrirlestra daglega, einn fyr-
ir hádegi og annan eftir hádegi að af-
loknu "siesta". Rakti hann þar þá þætti
stjórnmálalegs og þjóðfélagslegs eðlis,
sem áhrif höfðu haft á skipulag og bygg-
ingarlag borgarinnar á viðkomandi tíma-
bili. Að fyrirlestrinum loknum gátum
við svo borið fram fyrirspurnir varð-
andi efni hans, sem arkitektinn leysti
greiðlega úr. Þá var stigið upp í stór-
an hópferðabíl, sem flutti okkur til þess
hluta Rómar, er hafði að geyma ein-
hverjar minjar frá tímabilinu, og þær
skoðaðar undir leiðsögn arkitektsins.