SunnudagsMogginn - 13.02.2011, Side 15

13. febrúar 2011 15
Röntgenaugu á íslenskt mál
Fyrir jólin gaf ég út mitt fyrsta skáldverk, sem heitir
Geislaþræðir. Alexander hefur alltaf verið með röntgen-
augu í sambandi við íslenskt mál og er mjög smámuna-
samur. Hann tekur alltaf eftir því ef það eru of mörg bil
eða vantar kommu eða punkt. Þetta var stundum til
vandræða þegar hann var lítill því hann gat varla lesið bók
því hann sá sá alltaf villur í þeim. Ég fékk hann til að lesa
bókina mína yfir eftir að hún kom úr prófarkalestri. Út-
gefendurnir mínir hjá Uppheimum brostu bara þegar ég
sagðist ætla að láta son minn lesa yfir en hann fann alveg
tvær til þrjár villur á síðu að meðaltali. Það fór þannig að
þeir réðu hann bara í vinnu! Þessi nákvæmni pirraði mig
þegar hann var lítill en kemur honum nú til góða. Þetta er
góð vinna með leiklistinni.
Gagnrýnastur á sjálfan sig
Alexander er líka gjafmildur og hjartahlýr. Það er svo
gaman að því hvað hann á góða vini, sem eru skapandi og
gefandi einstaklingar eins og hann. Sumir þeirra hafa ver-
ið vinir hans frá því þeir voru litlir.
Hann hefur alltaf verið mjög sjálfstæður og ákveðinn.
Maður getur kannski leiðbeint honum að einhverju leyti
en hann tekur sínar ákvarðanir og framkvæmir þær hvort
sem það er til góðs eða slæms.
Hann fæddist mjög fullorðinslegur. Það liggur við að
hann sé að færast nær sínum aldri núna. Það er ég sem er
menntaði gagnrýnandinn í fjölskyldunni en hann er
miklu gagnrýnni en ég. Og gagnrýnastur á sjálfan sig.
Hann er rosalegur fullkomnunarsinni. Það er gott að vera
vandvirkur en það þarf að passa að vera réttum megin við
strikið. Hann er mjög harður við sjálfan sig og finnst
sjaldan eitthvað gott sem hann gerir þótt öllum öðrum
finnist það.“
að skemmta
Alexander: „Við höfum bæði brennandi áhuga á kvik-
myndum. Ég á margar minningar af bíóferðum með
mömmu eins og á Toy Story og Lion King. Sterkustu
minningarnar eru samt frá því þegar við fórum á Am-
erican Beauty og Virgin Suicides sem voru frum-
sýndar á svipuðum tíma í kringum árið 2000. Ég hafði
alltaf haft mikinn kvikmyndaáhuga en fór út í tónlist-
ina eftir þetta og þá aðallega eftir að hafa hlustað á
tónlist Air í Virgin Suicides.
Við höfum bæði sterkar skoðanir á kvikmyndum.
Við erum ekkert alltaf sammála en erum það mjög oft
og skiljum alltaf hvort annað.
Mamma sagði mér aldrei hvernig ég ætti að líta á
hlutina eða reyndi að ýta mér í ákveðna átt. Ég mynd-
aði alltaf sterkar skoðanir á öllu sjálfur. Það var aldrei
nein mötun í gangi.
Horfa alltaf saman á Óskarinn
Við horfum alltaf á Óskarsverðlaunin saman en þessi
hefð byrjaði mjög snemma. Við förum út í búð og
kaupum eitthvað gott að borða. Óskarinn er alltaf að
nóttu til svo við erum dauðþreytt og jafnvel sofnuð
þegar hann er að klárast þótt við séum farin að vaka
lengur með hækkandi aldri. Við horfðum til dæmis á
Golden Globe um daginn og náðum bæði að vaka allan
tímann!
Þetta er skemmtileg hefð. Við höfum bæði sterkar
skoðanir og spáum um úrslitin og erum oftast sam-
mála. Mamma er mjög góð spákona.
Hún tók mig mikið með sér upp í útvarp. Það hefur
verið eins og mitt annað heimili. Bæði var ég þar mik-
ið með henni og svo er ég að vinna þarna núna en ég
er með brúðurnar í Stundinni okkar. Á mennta-
skólaaldri var ég síðan að vinna í Lögum unga fólks-
ins.
Þegar ég fór í prufu fyrir Jón Odd og Jón Bjarna í
Þjóðleikhúsinu þá var það ekki hún sem sagði mér frá
þeim. Það voru frekar aðrir sem voru að ýta mér út í
þetta.
Hún hefur alltaf sýnt mér stuðning. Það er alltaf
hægt að tala við hana og hún styður við bakið á mér.
Hún leyfir mér að átta mig á hlutunum sjálfur og finna
út úr þeim. Sá skóli hjálpar mér að ganga í hlutina í
dag.
Við erum bæði rosalega miklir nautnaseggir. Það er
fínt að hafa kokk á heimilinu en stjúpfaðir minn er
kokkur.
Vinnur við áhugamálið
Þegar hún hefur áhuga á einhverju er áhuginn botn-
laus en hún hefur ekkert áhuga á neitt rosalega
mörgu. Hún vinnur mikið og vinnur líka við það sem
hún hefur áhuga á. Hún kann vel að meta að slappa af
þegar hún hefur tíma til þess.
Mamma er rosalega sérvitur en ég get ekki verið að
kasta steinum úr glerhúsi því ég er rosa sérvitur sjálf-
ur. Ég held að frásagnarhæfileikar hennar kyndi undir
ímyndunarveiki. Hún er líka flughrædd og ég held að
það tengist þessu.
Sérviska mín felst frekar í því að vera smámuna-
samur og nákvæmur. Það er kannski þess vegna sem
ég vinn sem prófarkalesari í dag.
Mamma gaf út bók í fyrra sem hún er búin að vera
að vinna að í tíu ár. Það var yndislegt að fylgjast með
henni í því. Hún gerði þetta á sínu tempói og nýtti
tímann þegar hún hafði hann. Þessi þolinmæði er
aðdáunarverð hjá henni. Hún leyfir hlutunum að ger-
ast á þeim hraða sem þeir vilja gerast. Ég er alls ekki
þannig. Það er dýrmætt að búa yfir þessari þolinmæði.
Samkvæm sjálfri sér
Við erum rosalega náin og tölum um allt milli himins
og jarðar. Við högum okkur eins og bestu vinir. Það er
auðvelt fyrir okkur að tala um alla hluti en það er ekki
gefið. Það ríkir mikið traust á milli okkar. Hún sýndi
mér það mjög snemma að ég gæti treyst henni og
þyrfti ekki að halda neinu leyndu. Hún sagði mér að
ég gæti alltaf komið til hennar og sagt hvað ég væri að
hugsa. Þannig væri ég allavega ekki innilokaður með
þá hugsun heldur gætum við unnið úr málinu í sam-
einingu. Traustið á milli okkar hefur alltaf verið til
staðar.
Mamma hefur rosalega sterka réttlætiskennd. Hún
er svo hrein og bein manneskja. Hún er góðhjörtuð og
vill öllum vel. Hún er samkvæm sjálfri sér. Hún er
með sterkar skoðanir á öllu og stendur við þær. Mér
líður eins og hún hafi aldrei rangt fyrir sér!“
Sérvitur
nautnaseggur
Sigríður Pétursdóttir
er fædd 18. mars árið 1961. Foreldrar hennar eru
Pétur Jónasson, ljósmyndari á Húsavík, og Guðný
Helgadóttir. Sigríður er gift Garðari Agnarssyni, mat-
reiðslumeistara og eiganda veitinga- og veisluþjón-
ustunnar Krydd & Kavíar. Hún er kennari og kvik-
myndafræðingur að mennt og hefur unnið við
dagskrárgerð á Rás 1 undanfarna áratugi. Þar hefur
hún haft umsjón með þáttum af ólíkum toga en und-
anfarin ár hefur Kvika, sem fjallar um sjónvarpsefni
og kvikmyndir, verið hennar helsti vettvangur.
Á síðasta ári gaf hún út sitt fyrsta skáldverk sem
ber nafnið Geislaþræðir og kom út á vegum Upp-
heima.
Alexander Briem
er fæddur 6. febrúar 1990. Hann er sonur Sigríðar
og Þorsteins Briem. Hann er alinn upp í Vest-
urbænum og gekk í Vesturbæjarskóla og Haga-
skóla. Hann stundaði nám við Menntaskólann við
Hamrahlíð og Kvikmyndaskóla Íslands en hann út-
skrifaðist þaðan sl. vor af leiklistarbraut. Hann hef-
ur leikið á sviði og í kvikmyndum auk þess að starfa
við útvarp og sjónvarp en hann sér nú um brúðurnar
í Stundinni okkar. Hann fékk lofsamlega dóma fyrir
hlutverk sitt í kvikmyndinni Gauragangi, sem frum-
sýnd var í lok síðasta árs. Sem stendur starfar hann
við prófarkalestur hjá Uppheimum og er að fara að
frumsýna leikritið DNA eftir Dennis Kelley með Stúd-
entaleikhúsinu um miðjan mars.