SunnudagsMogginn - 13.02.2011, Blaðsíða 34

34 13. febrúar 2011
Þ
ær hafa Helga og Signý hafa
þekkst síðan þær stunduðu
nám við Menntaskólann í
Reykjavík. Síðan þá hafa leiðir
þeirra legið um nokkuð ólíkar slóðir.
Helga starfaði áður sem markaðsstjóri hjá
hugbúnaðarfyrirtæki og fór síðan í
meistaranám í viðskiptum til Bretlands.
Signý útskrifaðist sem vöruhönnuður frá
Listaháskóla Íslands árið 2003 og fór síð-
an að starfa á auglýsingastofu en hefur
síðastliðin fjögur ár starfað sjálfstætt sem
teiknari. Það var síðan fyrir ári að þær
ákváðu að leiða saman hesta sína.
Skapandi teikningaheimur
„Við höfðum talað um þetta yfir góðri
máltíð,“ segir Helga. „Og rauðvínsglasi,“
bætir Signý við og þær hlæja báðar.
„Signý hafði verið að teikna mikið og
framleiða vörur sjálf með myndunum
sínum sem höfðu fengið góðar viðtökur.
Auk þess hafa myndir eftir hana birst í
erlendum bókum og blöðum um teikn-
ingar. Þannig að þetta var greinlega eitt-
hvað sem féll vel í kramið,“ segir Helga.
„Það var náttúrlega góð vinna að starfa
fyrir auglýsingastofu en þá eru meiri
kröfur um hvernig teikningarnar eiga að
vera. Það er ekki alveg nógu skapandi
þegar maður veit hvað mann langar að
gera,“ segir Signý sem átti orðið gott safn
af teikningum í líkingu við þær sem hún
gerir í dag. Þær ákváðu því að búa til
vörur sem byggjast á þeim ævintýraheimi
sem Signý hafði skapað, en hann er fullur
af sætum en um leið svolítið drungaleg-
um verum. Heiminn nefndu þær stöllur
Tulipop en þær vildu finna nafn sem hefði
enga tengingu við raunveruleikann og
gæti vísað í slíkan ævintýraheim.
Svolítið út í hött
„Þegar við byrjuðum fyrir ári var mikil
þjóðernishyggja í gangi og fullt af hönn-
uðum að spretta upp sem skírðu fyrir-
tækin sín íslenskum nöfnum. Ég sæki
vissulega minn innblástur í íslenska nátt-
úru og umhverfi en mér fannst þetta
komið út í öfgar. Þess vegna langaði okk-
ur að finna eitthvert nafn sem væri svo-
lítið út í hött en passaði vel við mynd-
irnar,“ segir Signý. Hver fígúra á sitt nafn
og hugarheim í kringum sig en fígúrurn-
ar skreyta meðal annars gjafakort,
minnisbækur og plaköt. Vegglímmiðar
eru líka til frá Tulipop en Signý segir þá
tilvalda til að skreyta t.d. gamla, ljóta ís-
skápinn sinn eins og hún gerði. Fyrsta
vörulínan sem var framleidd var rit-
fangalína en hún kom á markað í mars í
fyrra. Salan á þeim vörum hefur
gengið vonum framar en
nú eru nýjar minn-
isbækur, sem
eins og
stendur eru uppseldar, á leið á markað
svo og fleiri nýjar vörur á leiðinni. Þær
Helga og Signý segja vörumöguleikana í
raun endalausa og er ýmislegt á döfinni
hjá Tulipop. Meðal þeirra vara sem eru
væntanlegar eru litrík og falleg veski sem
nota má bæði sem penna- og snyrtiveski.
Vörurnar segja þær ætlaðar bæði full-
orðnum og börnum. Þó hafa Helga og
Signý tekið eftir því að vörurnar eru sér-
staklega vinsælar meðal stelpna á aldr-
inum 6 til 14 ára sem eiga það til að taka
ástfóstri við ákveðnar fígúrur. Þær eru
sammála því að það vanti dót á mark-
aðinn fyrir þennan aldurshóp sem er ekki
of barnalegt og vonast til að með þessu
megi brúa bilið.
Fimm hæða leikfangaverslun
Signý hefur teiknað myndir síðan hún
var lítil og hefur ætíð teiknað í sama stíl
og í dag þó hann hafi þróast í gegnum ár-
in. Teikningarnar hennar eru undir
nokkuð asískum áhrifum í bland við ís-
lenska náttúru. En þær Helga og Signý
eru báðar hrifnar af Japan og minnast
þess meðal annars með hrifningu að hafa
komið í fimm hæða Hello Kitty-
leikfangaverslun í Tókýó. Signý varð svo
hugfangin að hún heimsótti verslunina
þrisvar í sömu ferðinni.
„Eftir að við stofnuðum Tulipop hafa
vinkonur mínar verið að rifja upp sögur
af því þegar ég gaf þeim afmælisgjafir. Ég
átti víst talsvert meira af Hello Kitty,
Monsum og Barbapabba en þær og slíkar
gjafir urðu gjarnan fyrir valinu. Svo þessi
áhugi hefur kannski alltaf verið í undir-
meðvitundinni þannig lagað. En ég sæki
samt líka innblásturinn í raun í hvað sem
er. Eldjöll, jökla og sveppi, það eru
sveppir í þessu út um allt. Ég er hálf-
gerður sveppur,“ segir Signý og hlær.
Hátt í 30 fyrirtæki
Tulipop hefur aðstöðu í Kvosinni í Lækj-
argötu en þar eru hátt í 30 fyrirtæki
starfandi á tveimur hæðum. „Það munar
miklu fyrir unga hönnuði og athafnafólk
að geta fengið inni í húsnæði á góðu
verði. Nú hefur t.d. stofngjaldið um
einkahlutafélag hækkað um helming og
það getur munað miklu um það fyrir þá
sem eru að byrja. Hér er skapandi and-
rúmsloft og tengsl við fólk úr ýmsum átt-
um. Þetta fyrirkomulag virkar því vel og
mjög gott að vera hér í miðbænum,“ seg-
ir Helga. Þær stöllur segja samstarfið hafa
gengið vel og segir Signý gott að hafa við-
skiptareynslu Helgu tiltæka þar sem hún
geti hannað að vild en Helga geti bent á ef
eitthvað þurfi betur að fara. Þannig er
t.d. mikilvægt að huga að öllum smáat-
riðum, s.s. því hvernig vörur eru merktar
hönnuðum og framleiðanda. Ýmislegt
slíkt skipti máli þegar komi að markaðs-
setningu. Hönnun Tulipop hefur hlotið
góðar viðtökur á Íslandi en þær stöllur
héldu einnig í söluferð til Svíþjóðar síð-
astliðið haust og þá kom sér vel að þær
hlutu tvo nýsköpunarstyrki á síðasta ári.
Vörur þeirra eru nú seldar í einum sjö
verslunum í Svíþjóð, þar af fjórum í
Stokkhólmi og tveimur verslunum í New
York. En draumurinn er sá að færa enn
meira út kvíarnar og stefna þær að því að
kynna Tulipop fyrir verslunum og um-
boðsaðilum víða um heim á árinu, jafnvel
í Japan. Helst segja þær Helga og Signý
vera vandkvæði á því að láta framleiða
vörurnar hér heima fyrir þó þær gjarnan
vildu. Vissa hluti sé hægt að framleiða úr
tré og pappír en annars eigi Asía mark-
aðinn og er Kína þar stærsti framleiðand-
inn.
Ævintýraheimurinn Tulipop
Vinkonurnar Helga
Árnadóttir og Signý
Kolbeinsdóttir höfðu
nokkrum sinnum nefnt
það yfir góðri máltíð og
rauðvínsglasi að stofna
saman fyrirtæki. Þær
reka nú saman fyrir-
tækið Tulipop.
María Ólafsdóttir
maria@mbl.is
Mosalingurinn Mosi
hjálpar krökkum við að
spara og er líka hið fín-
asta stofustáss. Frum-
mynd hans var gerð úr
leir og mikil natni lögð í
smáatriðin eins og lauf-
in í kringum hálsinn.
Hönnun