SunnudagsMogginn - 13.02.2011, Qupperneq 28

28 13. febrúar 2011
F
rá lítilli byggingu sem tengir
saman hið reisulega turnhús
París við göngugötuna og horn-
húsið Hamborg ómar iðulega
söngur og píanóspil um helgarkvöld. Það
eru gestir Götubarsins sem þenja þar
raddbönd og spreyta sig á flyglinum, en
staðurinn hefur á stuttum tíma orðið
einn heitasti barinn á Akureyri. Í næsta
rými er svo að finna Benna og Báru, nýja
ísbúð sem opnuð var um svipað leyti, en
fyrir eru í París kaffihúsið Bláa kannan og
tónleikastaðurinn Græni hatturinn.
Húsin eru þó fráleitt þau einu sem
hjónin Guðbjörg Inga Jósefsdóttir kenn-
ari og Sigmundur Rafn Einarsson kokkur
hafa tekið upp á sína arma því allt frá
árinu 1982 hafa þau staðið í hverju end-
urbótaverkefninu á fætur öðru. „Þá
keyptum við gamalt steinhús við Hrafna-
gilsstræti og vorum ellefu ár að gera það
upp,“ segir Sigmundur. „Við ætluðum að
búa í þessu húsi alla ævi en enduðum
með því að selja það til að gera upp annað
hús sem stóð í næstu götu, Laugargötu, “
segir Inga. „Við vorum oft búin að sjá
fyrir okkur hvernig væri hægt að breyta
því en það var aldrei meiningin að kaupa
það – það gerðist bara óvart.“
Hvernig hægt er að kaupa hús alveg
óvart er blaðamanni hulin ráðgáta svo
Inga útskýrir það betur. „Sigmundur var
stundum með einhverja gistihúsadrauma
og fannst að þetta hús yrði svo flott sem
gistihús. Ég missti einhvern tímann út úr
mér að það væri allt of fallegt til þess, það
væri þá nær að búa bara í því sjálfur.“
Sigmundur tekur við orðinu. „Þar með
opnaði hún á þetta. Um það leyti sem við
vorum að klára Hrafnagilsstrætið frétti ég
hjá nágrannakonu okkar að þetta hús
væri komið á sölu en ég var áður búinn að
biðja eigandann um að láta mig vita ef
hann hygðist selja það.“
Um svipað leyti fór Inga í afmælisboð
til vinkonu sinnar. „Sigmundur sagðist
ætla að fara að spjalla við fasteignasalann
á meðan og ég sagði honum að gera það
bara. Meiningin af minni hálfu var samt
ekki að hann myndi gera tilboð sem eig-
andinn væri síðan búinn að taka þegar ég
kæmi heim úr afmælinu. Þegar hann
sagði mér frá því sökk hjartað í mér al-
gerlega, enda var ég mjög ánægð með
húsið okkar í Hrafnagilsstrætinu. Mér
datt ekki í hug að hann myndi ganga
svona langt. En þá varð ekki aftur snúið.“
Húsið við Laugargötu er hannað af Þóri
Baldurssyni arkitekt sem lærði í Banda-
ríkjunum. „Hann var nýbúinn að teikna
Mjólkursamlagið þar sem listasafnið er
núna í Gilinu og í framhaldinu fékk
mjólkursamlagsstjórinn hann til að
teikna fyrir sig og aðstoðarmjólk-
ursamlagsstjórann einbýlishús, sem
stóðu hlið við hlið við þessa götu. Þau
skera sig svolítið út því þau standa
óvenjulega innarlega á lóðinni og eru
mjög reisuleg.“
Áður en þau hjónin fluttu inn í húsið
tóku þau það í gegn, skiptu um allar
lagnir og innréttingar, gerðu upp úti-
hurðir og settu í nýja glugga, alls 252
rúður. Þau fluttu eldhúsið af efri hæð
niður á jarðhæð og opnuðu út úr því og
borðstofunni út í garð í gegn um tvöfald-
ar dyr. „Það er einmitt það sem okkur
finnst skemmtilegast við þetta – að sjá
möguleikana á því hvernig hægt er að
breyta húsunum til að gera þau
skemmtilegri,“ segir Inga.
Loftið hækkaði um 50 – 60 sentímetra
Um svipað leyti og þau festu kaup á hús-
inu við Laugargötu opnuðu þau Inga og
Sigmundur blómaverslun við Hafn-
arstræti, rétt innan við Bautann, og tóku
þátt í endurbótum á því húsnæði líka.
Þegar Blómaval stormaði svo inn á
blómamarkaðinn á Akureyri nokkrum
mánuðum síðar voru góð ráð dýr.
„Fyrstu páskana eftir að þeir komu seldi
ég ekki einustu páskalilju því þær voru
seldar í Blómavali ódýrar en ég keypti
þær á,“ segir Inga.
Hjónin voru þó ekki á þeim buxunum
að gefast upp og þá um vorið kviknaði sú
hugmynd að kaupa húsið París við
Aldrei keypt
köttinn í
sekknum
Þau þvertaka fyrir að vera með einhvern húsa-
fiðring, heldur hafi eitt leitt af öðru, og stundum
„alveg óvart“. Hjónin Guðbjörg Inga Jósefsdóttir
og Sigmundur Rafn Einarsson hafa gert upp hátt í
tíu gömul hús um ævina og reka nú einn vinsæl-
asta barinn á Akureyri í einu þeirra.
Texti: Bergþóra Njála Guðmundsdóttir ben@mbl.is
Ljósmyndir: Skapti Hallgrímsson skapti@mbl.is
Um helgar er iðulega setið í hverju skoti á Götubarnum og skálað í höfgum veigum undir píanóspili og söng krárgesta .
Inga og Sigmundur tóku húsin við Hrafnagilsstræti og Laugargötu alveg í gegn.
Ljósmynd/Úr einkasafni