SunnudagsMogginn - 13.02.2011, Síða 21

Wilshere í búningi
enska landsliðs-
ins, gegn Dönum á
Parken í vik-
unni.
13. febrúar 2011 21
V
erðugur arftaki Owens Har-
greaves til framtíðar, sem aft-
asti miðvallarleikmaður í
landsliðinu, er líklega lokið.
„Sitjandi“ miðjumaður eins og íslenskir
spekingar taka stundum til orða; mann
sem situr þó hreint ekki heldur stendur í
ströngu; bæði aðstoðar varnarmennina
við að stöðva sóknir mótherjana og tekur
virkan þátt í að byggja upp sóknarleik.
Wilshere er einungis 19 ára en var í
fyrsta skipti í byrjunarliði Englands í vin-
áttuleik gegn Dönum í vikunni. Þessi
smái en knái piltur þykir eitt mesta efni
sem Englendingar eiga í dag og hafa alla
burði til þess að verða burðarás í lands-
liðinu. Einn af höfuðkostum hans er
mikil yfirvegun; Wilshere virðist oft mun
eldri og reyndari en raun ber vitni enda
vanur að leika með og gegn eldri mönn-
um, bæði fyrir Arsenal og England.
Það þóttu skýr skilaboð frá Fabio Ca-
pello landsliðsþjálfara að Wilshere skyldi
hefja leikinn gegn Dönum en eldri og
reyndari menn bíða á bekknum.
Wilshere lék fyrri hálfleikinn og þótti
standa sig nokkuð vel. „Wilshere er að-
eins 19 ára en ég man bestu leikmennina
sem ég hef þjálfað; [Franco] Baresi,
[Paolo] Maldini, Raúl. Þeir byrjuðu allir
mjög ungir,“ sagði hinn ítalski Capello í
vikunni. Hann segir Wilshere búa yfir
ámóta hæfileikum, en fólk verði að sýna
þolinmæði. „Hann er ungur og þarfnast
reynslu í stórleikjum.“ En landsliðsþjálf-
arinn efast ekki um að Wilshere muni ná
alla leið á toppinn og hefur rætt málin ít-
arlega við Arsène Wenger, þjálfara Ars-
enal. „Ég veit að [Wilshere] þykir mjög
gaman að taka virkan þátt í sókn-
arleiknum en hann er skynsamur leik-
maður og getur leikið í hvaða stöðu sem
er,“ segir landsliðsþjálfarinn.
Líkt við Liam Brady
Áhangendur Arsenal vilja sumir líkja
Wilshere við goðið Liam Brady, einn
allra fremsta leikmann í sögu félags-
ins og núverandi stjórnanda ung-
lingastarfsins, en aðrir nefna hann
í sömu andrá og Frakkann Claude
Makélélé, besta leikmann heims í
stöðu aftasta miðjumanns á
tímabili, og Ítalann Andrea
Pirlo. „Wilshere er betri
tæknilega en Makélélé,“
segir Capello. „Hann er
ekki eins fljótur og Makélélé en hættu-
legri þegar hann fær boltann.“
Capello vill hins vegar ekki bera Wils-
here saman við Pirlo strax. „Nei, hann er
of ungur til þess. En hann getur hugs-
anlega orðið betri [en Pirlo].“
Capello hrífst af Wilshere því hann býr
yfir mörgum hæfileikum. Er góður í að
vinna boltann af andstæðingunum,
sendingar hans eru nákvæmar, honum er
einkar lagið að leika á menn, hann er
áræðinn og góður skotmaður.
Capello segir Owen Hargreaves frá
Manchester United hafa leikið mjög vel í
stöðu aftasta miðjumanns með landslið-
inu, leik eftir leik. Vegna hnémeiðsla hafi
hann hins vegar gengið úr skaftinu og
enginn hafi náð að fylla skarðið almenni-
lega. „Nú hef ég séð Wilshere skila þess-
ari stöðu mjög vel í mörgum leikjum með
Arsenal. Hann er orðinn nógu þroskaður.
Fyrst virkaði hann stundum ekki sérlega
sjálfsöruggur, hreinlega feiminn, en það
hefur breyst. Honum hefur farið mikið
fram og er fullur sjálfstrausts. Algjörlega
óhræddur. Og leikmaður sem er í liði
Arsenal er góður, svo einfalt er það.
Wenger notar aðeins góða leikmenn.“
Capello nefndi einnig að Wilshere gæti
verið harður í horn að taka og væri
óhræddur við að tækla andstæðingana. Í
vetur fékk hann einmitt rautt spjald í leik
gegn Birmingham fyrir gróft brot en Ca-
pello hefur ekki áhyggjur.
„Allir geta gert mis-
tök,“ segir landsliðs-
þjálfarinn.
Vissulega smár, en
Wilshere er knár
Loksins! Leit Englendinga að aftasta miðjumanni
í landsliðið er líklega lokið. Jack Wilshere, 19 ára
strákur frá Arsenal, virðist tilbúinn í slaginn.
Skapti Hallgrímsson skapti@mbl.is
Jack Wilshere og Johan Djourou fagna sigri gegn Ipswich í undanúrslitum ensku deildarbik-
arkeppninnar á dögunum. Wilshere er aðeins 170 cm á hæð en Djourou 22 cm hærri!
Reuters
’
Wilshere er góður í að
vinna boltann af and-
stæðingunum, send-
ingar hans eru nákvæmar,
honum er einkar lagið að
leika á menn, hann er áræð-
inn og góður skotmaður.
Jack Wilshere fæddist í bænum Stevenage í Hertfordsskíri, skammt norð-
an Lundúna, á nýársdag 1992. Hæfileikar hans á knattspyrnuvellinum
komu snemma í ljós og sjö ára var Jack orðinn fyrirliði skólaliðsins.
Wilshere var tekinn inn í knattspyrnuskóla Arsenal, akademíuna sem
svo er kölluð, níu ára að aldri, í október 2001 en áður hafði hann æft með
Luton Town í tvo mánuði. Aðeins 15 ára var Wilshere orðinn fyrirliði liðs
16 ára og yngri hjá Arsenal og tók um svipað leyti þátt í nokkrum leikja liðs
18 ára og yngri. Hann er því alvanur að eiga við eldri menn.
Wilshere tók fyrst þátt í leik með varaliði Arsenal í febrúar 2008 gegn
Reading og um sumarið var hann fyrst með aðalliðinu í vináttuleikjum. Um
haustið var hann formlega tekinn inn í leikmannahópinn.
Fyrsti leikur Wilsheres með aðalliði Arsenal í úrvalsdeildinni var gegn Black-
burn í september 2008, þegar hann kom inn á sem varamaður á 84. mínútu
fyrir Robin van Persie. Þar með varð Wilshere yngsti leikmaður Arsenal til að
spreyta sig í deildarleik; 16 ára og 256 daga. Hann var í fyrsta skipti í byrj-
unarliði Arsenal í deildinni þegar Lundúnaliðið sótti Liverpool heim á An-
field í ágúst í fyrra og síðan hefur hann vart litið um öxl. Leikið sérlega vel. Reuters
Vanur að glíma við sér eldri menn