Morgunblaðið - 19.05.2010, Blaðsíða 20

20 Minningar
MORGUNBLAÐIÐ MIÐVIKUDAGUR 19. MAÍ 2010
✝ Engilbert Sig-urðsson fæddist í
Breiðholti, Reykja-
vík, hinn 14. apríl
1918. Hann lést á
elli- og hjúkr-
unarheimilinu Grund
hinn 7. maí síðastlið-
inn. Foreldrar hans
voru hjónin Kristín
Margrét Árnadóttir,
f. í Bergskoti á
Vatnsleysuströnd 23.
júní 1893, d. 31. júlí
1972, og Sigurður
Guðnason, f. á
Kröggólfsstöðum í Ölfusi 15. maí
1888, d. 28. ágúst 1974. Systkini
Engilberts eru Margrét, f. 2. jan-
úar 1917, d. 3. október 1991, Sól-
veig, f. 7. apríl 1920, d. 28. arpíl
2003, Guðni, f. 12. september
1921, d. 12. október 1971, Helga,
f. 6. október 1922, Elín f. 5. apríl
1930, d. 4. desember 2005, og
Guðrún Erna, f. 25. maí 1934, d.
25. maí 1935.
Hinn 1. maí 1954 kvæntist Eng-
hans er Rebecca L. Engilberts-
son, f. 13. janúar 1956. 4) Sig-
urður Haukur rekstrarfræðingur,
f. 9. júlí 1958. Sambýliskona hans
er Brynja Pétursdóttir, f. 6. febr-
úar 1965. Börn þeirra eru Ari
Dagur, f. 8. nóvember 1989, Haf-
dís Inga, f. 23. júní 1995, og Eng-
ilbert, f. 3. mars 2002. 5) Gunnar
Valur fjármálasérfræðingur, f.
29. mars 1969. Fyrri sambýlis-
kona Engilberts er Aðalbjörg
Jónsdóttir, f. 27. október 1927.
Núverandi sambýliskona hans er
Regína Erlingsdóttir, f. 30. sept-
ember 1923.
Engilbert ólst upp hjá for-
eldrum sínum í Breiðholti í
Reykjavík, Skeggjastöðum og
Lambhaga í Mosfellssveit fram á
unglingsár. Hann fór snemma að
vinna fyrir sér en mestan hluta
starfsævinnar starfaði hann hjá
Pósti og síma í innri endurskoðun
og sem skrifstofustjóri. Hann lét
af störfum þar vegna aldurs
1988. Hann var síðan ráðinn
gjaldkeri Frímúrarareglunnar á
Íslandi og starfaði hann þar til
ársins 1997. Hann var félagi í
Lionsklúbbnum Ægi og í Frímúr-
arastúkunni Mími.
Úför Engilberts verður gerð
frá Dómkirkjunni í dag, 19. maí
2010, og hefst athöfnin kl. 15.
ilbert Kristrúnu
Guðmundsdóttur, f. í
Reykjavík 18. apríl
1933, d. 20. janúar
1983. Foreldrar
hennar voru Guðrún
Jónsdóttir, f. á
Höfðabrekku í Mýr-
dal 22. febrúar 1900,
d. 1. september
1967, og Guðmundur
Þorsteinsson, f. á
Helgastöðum í
Reykjavík 23.2.
1893, d. 2.3. 1948.
Börn þeirra Eng-
ilberts og Kristrúnar eru: 1) Þóra
sjúkraliði, f. 24. maí 1952. Börn
hennar eru Kristrún Auður Við-
arsdóttir, f. 18. september 1974,
og Þór Þráinsson, f. 10. maí 1982.
Kristrún Auður er gift Marko De-
lic, f. 18. janúar 1976, og dóttir
þeirra Masha Sóley Delic, f. 21.
september 2008. 2) Una, f. 7. des-
ember 1953, d. 29. maí 1956. 3)
Guðmundur Már símsmiðameist-
ari, f. 18. janúar 1955. Eiginkona
Far í friði
vitandi vits
að mitt er þitt
og þitt er mitt
Þú gafst mér það
til manns að verða
gjöf sem æ ber gjalda
okkar barna til
Við berum
okkar kynslóðarbil
manna á milli
hér um bil
Því vitandi vits
okkar börn
það fá
er okkur kemur frá.
Kæri pabbi og afi það er með
söknuði að við kveðjum þig vitandi
að þín bíða víðar lendur að kanna og
kljást við. Við vitum að þar ber vel í
veiði og vini mun bera víða að.
Í dag minnumst við og kveðjum
pabba og afa. Pabba sem var í senn
góður, strangur, gefandi, krefjandi
og svo margt ótalið annað. Afa sem
var kærleiksríkur og börnunum
kær.
Sögustundir þínar þegar ég var
ungur, ferðalögin, veiðin, skíðaferð-
irnar og samveruna þökkum við fyr-
ir.
Sigurður H. (Siggi),
Brynja og börnin.
Nú þegar ég kveð þig á þessum
björtu maídögum minnist ég þess
alltaf hversu mikið vorið og sumarið
var þinn tími. Kannski er það því
engin tilviljun að þú kveður að vori. Í
guðsgrænni náttúrunni undir þú þér
best. Fram á síðasta dag dáðist þú
að blæbrigðum Esjunnar eða naust
návista við fuglalífið við Seltjörn. Úr
bernsku eru það ferðalögin um land-
ið okkar sem standa upp úr. Þá hátt-
aði stundum svo til að þú áttir erindi
um landið á vegum vinnunnar og ég
fékk oft að fara með. Í hverju plássi
þar sem var stoppað gat ég skoðað
mig um að vild, oftast enduðu þær
skoðunarferðir í marhnútaveiðum af
bryggjusporði. Á kvöldin, eftir að
vinnudegi þínum lauk var oftar en
ekki haldið til veiða í nærliggjandi
vötnum eða ám eða ekið á merka
staði í nágrenninu.
Mér er ein slík kvöldstund sér-
staklega minnisstæð. Þá varst þú að
vinna á Hvammstanga en um kvöld-
ið fórum við að Vesturhópsvatni til
að renna fyrir silung. Þetta svæði
þekktir þú vel enda hafðir þú oft áð-
ur veitt í Vatnsdalsá og Víðidalsá
með Jóni í Belgjagerðinni. Við lögð-
um af stað eftir kvöldmat, náðum í
leyfi og hófumst handa. Þú byrjaðir
á að setja saman fyrir mig og kast-
aðir út í og varst rétt að byrja að
setja saman fyrir þig þegar ég kall-
aði „það togar í“. Þú tókst stöngina
og byrjaðir að landa og þegar fisk-
urinn var rétt kominn í flæðarmálið
slitnaði línan og þú kastaðir þér á
hann til að missa hann ekki út aftur.
Síðan veiddum við tvo laxa til við-
bótar, alla stóra, 12-14 pund, og
nokkra urriða. Það var glaðbeittur 8
ára drengur sem setti í Maríulaxinn
sinn þetta kvöld. Þessi ótrúlega
kvöldstund hverfur mér aldrei úr
minni.
En nú ert þú horfinn til austursins
eilífa, til hins hæsta. Ég á svo sann-
arlega eftir að sakna þín en ljós þitt
fylgir okkur öllum sem áttum þig að
samferðamanni. Svo lengi sem ég
man var mótlæti og erfiðleikum
mætt af æðruleysi og staðfastri trú á
hið góða, kærleikann. Meðbyr var
mætt með þökkum, gleði og hófsemi.
Ljós þitt skein í gegnum allar gjörð-
ir þínar og orð.
Ó, Guð, ég veit hvað ég vil,
er ég vakna með rísandi sól:
Þakka sumar, sælu og yl,
nú er sólskin um byggðir og ból.
Þú, Guð, ert svo góður við mig,
það er gaman að lifa og sjá
hvernig skúrir og ský fela sig
þegar skinið fær sólin þau á.
Þér sé lof, því loftið er tært
og ég leik mér um grundir og hól
svo ég geti af lífinu lært
þín ég leita og á hjá þér skjól.
Fyrir hreysti og hugarins þor,
fyrir hendur sem vinna í trú,
fyrir yndi og æskunnar vor,
fyrir allt vil ég þakka þér nú.
(Kristján Valur Ingólfsson.)
Þinn sonur,
Gunnar Valur.
Það er yndislegt að eiga minning-
ar um ástkæran föður. Mínar fyrstu
og bestu minningar eru þær góðu
stundir sem hann gaf fyrir svefninn.
Já, það var hlýtt í holunni hans
pabba þegar hann las Faðir vorið,
fór með bæn og söng, Ó Jesú bróðir
besti. Hann var einnig snillingur í að
segja sögur sem hann spann jafn-
óðum. Pabbi var fyrst og fremst
náttúrubarn. Hann elskaði og virti
allt sem guð hefur skapað. Að fara
út að ganga í guðsgrænni nátt-
úrunni, með sjávarströndinni eða
upp til fjalla, anda að sér ilmi gróð-
urs og sjávar, hlusta á fuglana og
brimið að ógleymdu augnakonfekt-
inu sem himinn og haf gefa með
birtu og skugga. Allt þetta nærði
pabba á sál og líkama og varðveitti
hann. Enda sjaldséðir unglegri
menn en hann, bæði í huga og fasi.
Hann lést ástfanginn 92 ára.
Guð blessi þig, elsku pabbi minn.
Ó, pabbi minn, hve undursamleg ást
þín var.
Ó, pabbi minn, þú ávallt tókst mitt
svar.
Aldrei var neinn svo ástúðlegur eins
og þú.
Ó, pabbi minn, þú ætíð skildir allt.
Liðin er tíð, er leiddir þú mig lítið
barn.
Brosandi blítt, þú breyttir sorg í gleði.
Ó, pabbi minn, ég dáði þína léttu
lund.
Leikandi kátt, þú lékst þér á þinn
hátt.
Ó, pabbi minn, hve undursamleg ást
þín var.
Æskunnar ómar ylja mér í dag.
(Þorsteinn Sveinsson.)
Þóra.
Elsku afi minn, ég kveð þig með
miklum söknuði en ylja mér við dýr-
mætar minningar um þína hlýju og
góðu nærveru. Með mikilli væntum-
þykju hugsa ég til ljúfra stunda úr
Básendanum sem barn og þakka
fyrir góðu spjöllin og þá hvatningu
sem þú hefur veitt mér í gegnum tíð-
ina.
Masha Sóley mun í gegnum minn-
ingar okkar og myndir halda áfram
að kynnast sínum blíða og hrífandi
langafa sem lék sér 91 árs á gólfinu
við hana 1 árs gamla.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson.)
Guð geymi þig, afi minn.
Kristrún Auður.
Ljúfur og góður maður er fallinn
frá. Hann kom inn í líf móður okkar
fyrir um það bil áratug og áttu þau
einstakan tíma saman. Það hefur
verið yndislegt að sjá fullorðið fólk
finna ást og gleði saman. Þau nýttu
tímann vel til utanlandsferða, ferða-
laga innanlands, gönguferða og nutu
samveru hvort við annað.
Engilbert var mikið prúðmenni,
sem kom glögglega fram í fram-
komu, klæðaburði og umgengni. Það
var engin tilgerð, heldur einlægt og
hlýlegt viðmót. Hann kom fram við
móður okkar af mikilli virðingu og
væntumþykju sem einkenndi þeirra
samband þar til yfir lauk.
Hann var okkur öllum mjög kær,
enda varð hann fljótt hluti af fjöl-
skyldunni og tók þátt í öllum athöfn-
um hennar, stórum sem smáum.
Við minnumst hans með hlýju og
þakklæti fyrir allar góðu samveru-
stundirnar. Við vottum börnum hans
og aðstandendum samúð okkar,
einnig viljum þakka þeim þá um-
hyggju sem þau hafa sýnt móður
okkar á þessum erfiðu stundum.
Guð blessi og varðveiti minningu
Engilberts Sigurðssonar.
Sverrir, Gyða, Kristín,
Guðlaug og Auður.
Engilbert
Sigurðsson


  


 



 
    
       
✝
Ástkær faðir okkar, sonur, bróðir, barnabarn og
frændi,
ÞORSTEINN ÖRN SIGURFINNSSON
húsasmiður og rafvirki,
Kristnibraut 79,
lést á Landspítalanum föstudaginn 14. maí.
Útför hans fer fram frá Guðríðarkirkju Grafarholti
miðvikudaginn 26. maí kl. 15.00.
Blóm og kransar eru vinsamlegast afþakkaðir en þeim sem vilja minnast
hans er bent á námssjóð Hlyns og Sólveigar rkn. 0331-13-300790,
kt. 200365-2919.
Hlynur Þorsteinsson,
Sólveig Þorsteinsdóttir,
Sigurfinnur Þorsteinsson, Sigríður Pétursdóttir,
Pétur Már Sigurfinnsson,
Marta Sigurfinnsdóttir,
Katrín Jóhanna Gísladóttir
og frændsystkin.
✝
Ástkær eiginmaður minn, faðir, tengdafaðir, afi og
langafi,
ÓLAFUR THEÓDÓR GRÍMSSON,
Hraunbæ 144,
Reykjavík,
lést á dvalar- og hjúkrunarheimilinu Grund
föstudaginn 14. maí.
Útförin fer fram frá Kópavogskirkju miðvikudaginn
26. maí kl. 15.00.
Guðrún Jóna Tryggvadóttir,
Elvar Ólafsson, Helga Sóley Alfreðsdóttir,
Ingunn Ólafsdóttir, Sigurður Vilhjálmsson,
Hólmar Örn Ólafsson,
Berglind Ólafsdóttir,
barnabörn og barnabarnabörn.
✝
Ástkær eiginmaður minn, faðir, tengdasonur,
tengdafaðir og afi,
GUNNAR GEIRSSON
tæknifræðingur,
Sóltúni 9,
lést á gjörgæsludeild Landspítalans í Fossvogi
föstudaginn 14. maí.
Útförin verður auglýst síðar.
Jytte Hjaltested,
Sigríður Gunnarsdóttir, Stefán Hallgrímsson,
Haraldur Gunnarsson, Ingibjörg Gísladóttir,
Hildur Gunnarsdóttir, Ásgeir Valur Snorrason,
Guðmundur Gunnarsson,
Björn Hjaltested Gunnarsson, Hildur Sesselja Aðalsteinsdóttir,
Grethe Hjaltested
og barnabörn.
✝
Ástkær móðir, tengdamóðir, amma, langamma og
langalangamma,
INGUNN ÁSGEIRSDÓTTIR,
lést á dvalarheimilinu Grund aðfaranótt sunnu-
dagsins 16. maí.
Útförin fer fram frá Neskirkju miðvikudaginn
26. maí kl. 15.00.
Ásgeir Már Valdimarsson,
Anna Valdimarsdóttir,
Jóhann Páll Valdimarsson, Guðrún Sigfúsdóttir,
barnabörn, barnabarnabörn og barnabarnabarnabarn.