Morgunblaðið - 01.06.2010, Side 13

Fréttir 13INNLENT
MORGUNBLAÐIÐ ÞRIÐJUDAGUR 1. JÚNÍ 2010
Samkomulag hefur tekist um
stofnun og starfsemi Matarsmiðj-
unnar á Flúðum.
Markmið Matarsmiðjunnar er að
vera þróunarsetur fyrir mat-
vælaframleiðslu og bjóða frum-
kvöðlum og smáframleiðendum
upp á sérfræðiaðstoð til að þróa
vörur án þess að leggja út í mik-
inn kostnað við aðstöðu, búnað og
starfsleyfi á meðan verið er að
koma vörum á markað.
Að verkefninu standa Matís, At-
vinnuþróunarfélag Suðurlands,
Háskólafélag Suðurlands, Hruna-
mannahreppur, Bláskógabyggð,
Skeiða- og Gnúpverjahreppur,
Grímsnes- og Grafningshreppur,
garðyrkjumenn og Háskóli Ís-
lands.
Tímamót Matarsmiðja að veruleika.
Matarsmiðjan
þróunarsetur
Tveir íslenskir hjúkrunarfræð-
ingar, Elín Jakobína Oddsdóttir
og Oddfríður Ragnheiður Þór-
isdóttir, héldu til Haítí á laug-
ardag sl. og verða báðar við störf
á sjúkrahúsi finnska og þýska
Rauða krossins í Port-au-Prince til
28. júní nk.
Elín mun starfa sem bráða-
hjúkrunarfræðingur en Oddfríður
sem deildarhjúkrunarfræðingur.
Fyrir á sjúkrahúsinu eru Margrét
Rögn Hafsteinsdóttir hjúkr-
unarfræðingur og Bjarni Árnason
læknir. Elín og Oddfríður eru 19.
og 20. hjálparstarfsmennirnir sem
Rauði kross Íslands sendir til Haítí
í kjölfar jarðskjálftans mikla, sem
reið yfir þann 12. janúar sl.
Starfa fyrir Rauða
krossinn á Haítí
Kvennaráðstefnan Tengslanet V -
Völd til kvenna var haldin í Há-
skólanum á Bifröst dagana 27.-28.
maí sl. Þrjú hundruð konur komu
saman á ráðstefnunni sem var hin
fimmta í röðinni.
Á ráðstefnunni voru sam-
þykktar ályktanir þar sem bent
var á mikilvægi þess að gera
fræðslu um mannréttindi. þ.á m.
fræðslu um samfélagslegan ávinn-
ing kynjajafnréttis, að skyldu-
námsefni í skólum. Þá var einnig
samþykkt ályktun þar sem bent er
á að fátækt fer vaxandi í íslensku
samfélagi og skorað er á stjórn-
völd að grípa til aðgerða til að
vernda börn gegn afleiðingum
sárrar fátæktar.
Tengslanet kvenna
Breytingar urðu
á stjórn SAM-
FOK á aðalfundi
félagsins á
fimmtudaginn.
Guðrún Valdi-
marsdóttir hag-
fræðingur var
kosin formaður
en Hildur Björg
Hafstein gaf ekki
kost á sér áfram.
Þorsteinn Ingi Víglundsson kemur
nýr inn sem aðalmaður í stjórnina
og til vara þær Helga Andrea Mar-
geirsdóttir og Áslaug Björgvins-
dóttir. SAMFOK eru samtök for-
eldra grunnskólabarna í Reykjavík
og annast upplýsingar og ráðgjöf
um skóla- og uppeldismál til for-
eldra, foreldrafélaga, skólaráða og
annarra.
Nýr formaður
tekur við SAMFOK
Guðrún
Valdimarsdóttir
STUTT
Kristín Jónsdóttir setur nú niður
kartöflur í Skarðshlíð undir Aust-
ur-Eyjafjöllum. Kristín eða Stína
býr í Reykjavík yfir vetrarmán-
uðina en fer alltaf austur í Skarðs-
hlíð á sumrin. Þetta árið hefur
verið öðruvísi vegna eldgossins en
Stína lætur það ekki aftra sér frá
því að setja niður en það hefur
hún gert í hartnær fimmtíu ár.
Hún hugsar sér að flytja heim í
sveitina sína eins fljótt og hægt
er, ætlar aðeins að sjá til hvað
Eyjafjallajökull gerir.
Þó allt sé á kafi í ösku lætur
hún það ekki á sig fá og til að
flýta fyrir kartöflusprettu þá setti
hún útsæðið niður í mjólk-
urfernur og forræktaði þær á
svölunum í höfuðborginni. „Það er
ómögulegt annað en að hafa nýjar
kartöflur í haust með fýlnum,“
segir Stína og hlúir vel að græn-
um grösunum.
Hlúir vel að
grænum grösum
Morgunblaðið/Jóna Sigþórsdóttir
Morgunblaðið/Jóna Sigþórsdóttir