Fréttablaðið - 04.10.2011, Qupperneq 20

4. október 2011 ÞRIÐJUDAGUR2
Ótrúlegt úrval af
glæsilegum kjólum.
St. 36-48
Fyrir árshátíðina
Bókamessan í Frankfurt er
við það að hefjast. Ásthildur
Bj. Snorradóttir verður í hópi
íslenskra höfunda en segja má
að hún hafi farið bakdyramegin
á messuna með nýrri bók sem er
þegar komin út í Bandaríkjunum
þótt íslensk útgáfa eigi enn eftir
að líta dagsins ljós.
„Ég fór eiginlega bara öfugt
að þessu, svona miðað við flesta
aðra. Setti mig bara í samband
við bandaríska útgáfu, Strate-
gic Book Group sem leist svo á
að hún gaf bókina út í Bandaríkj-
unum þar sem hún hefur verið að
fá fína dóma. Í framhaldinu var
ákveðið að ég færi til Frankfurt
á vegum útgáfunnar til að kynna
bókina í þeim tilgangi að fá hana
þýdda og útgefna í fleiri löndum,“
upplýsir Ásthildur og segist enn
vera að venjast tilhugsuninni um
að bókin sé komin í sölu á netinu
hjá bandarísku risunum Amazon
og Barnes and Noble.
Bókin kallast á ensku Raphael:
The Angel Who Decided to Visit
Earth eða Engillinn sem valdi að
koma til jarðarinnar. Hún segir
af englinum Rafael sem kennir
börnum að takast á við ýmsar
erfiðar kringumstæður. „Hann
ræðir við þau um öfund, ótta,
námsörðugleika, rifrildi full-
orðinna og einelti. Kennir þeim
að færa tilfinningar sínar í orð,
setja sig í spor annarra og vera
góð við aðra,“ útskýrir Ásthild-
ur sem segir bókina hugsaða sem
forvörn gegn einelti.
„Undanfarið hefur verið lögð
alveg rosaleg áhersla á líkamlega
hreysti og hollt mataræði barna
í samfélaginu á meðan andleg
heilsa barna hefur orðið útund-
an. Hins vegar er mikil þörf á að
hlúa vel að henni enda hef ég í
gegnum starf mitt sem talmeina-
fræðingur upplifað að mörgum
börnum líður afskaplega illa og
vita ekki hvernig á að bregðast
við því. Ég réðist í gerð bókar-
innar svo að börn gætu lært af
henni, bæði í gegnum lestur og
með því að sviðsetja aðstæður úr
sögunni. Tilgangurinn er meðal
annars að styrkja félagsfærni
þeirra,“ útskýrir Ásthildur, sem
segir íslenska námsráðgjafa
og sérkennara þegar hafa
sýnt áhuga á að nota bók-
ina í forvarnaskyni.
Stefnt er að því að bókin
verði gefin út á íslensku á
næstunni en A4 – skrif-
stofa og skóli dreifir.
Samhliða því kemur
á Bandaríkjamarkað
dúkka gerð eftir aðal-
persónunni, englin-
um Rafael, sem verð-
ur notuð í kennslu
og þjálfun fyrir
börn. Spurð hvort
Íþróttaálfurinn
megi nú fara að
vara sig, hlær Ást-
hildur. „Ætli megi ekki bara
frekar segja að hann sé búinn
að eignast bandamann í barátt-
unni fyrir betra lífi barna og ung-
menna.“ roald@frettabladid.is
Forvörn gegn einelti
Ásthildur Bj. Snorradóttir, talmeinafræðingur og rithöfundur, hefur gefið út í Bandaríkjunum for-
varnabók fyrir börn. Bókin hefur þegar hlotið góða dóma vestanhafs og verður kynnt á Bókamess-
unni í Frankfurt.
Ásthildur Snorradóttir, talmeinafræðingur hjá Talþjálfun Reykjavíkur, með meðferðar-
dúkku gerða eftir aðalpersónu bókarinnar, englinum Rafael, sem kemur á markað á
næstunni. FRÉTTABLAÐIÐ/STEFÁN
Bókin
eftir Ásthildi
kemur brátt út á íslensku.
Bjarni Þór Bjarnason myndskreytir.
Löngun getur þýtt skort
Hver kannast ekki við óseðjandi löngun í eitthvað ákveðið eins og súkkulaði? Á
bak við löngun getur verið skortur á einhverju sem líkaminn kallar á. Til dæmis
gæti löngun í hnetusmjör þýtt B-vítamínskort en hnetusmjör er sérstkalega ríkt af
B-vítamíni. Löngun í ost gæti þýtt kalkskort og skort á fosfór, löngun í súrsað græn-
meti gæti þýtt að líkaminn kallaði á salt og eins ef þú finnur fyrir löngun í ólífur og sér-
saltað smjör. Epli eru rík af kalki, magnesíum, fosfór og kalíum og melónur innihalda
einnig mikið kalíum. Löngun í svart gos og ís má yfirleitt tengja við sykurþörf.
HEIMILD: BÆTIEFNABIBLÍAN EFTIR EARL MINDELL
Heimir & Kolla
vakna með þér í bítið
Fréttir, fróðleikur og frábær tónlist
alla virka morgna kl. 6.50 – 9.00
Niðurstöður rannsóknar sem gerð var í Háskól-
anum í Glasgow leiða í ljós að ástæða þess að karlar
fá oftar sykursýki-2 en konur er sú að þeir safna fitu í
innri líffæri, til dæmis lifur, en konur safna fitunni utan
á líkamann. bbc.co.uk/health