Fréttablaðið - 07.10.2011, Blaðsíða 2

7. október 2011 FÖSTUDAGUR2
Guðjón, er þá allt klárt fyrir
flugtak?
„Allt klárt, nema hvað ég hefði
betur verið búinn að slökkva á
gemsanum mínum áður en þessi
snúna spurning kom.“
Guðjón Arngrímsson er upplýsinga-
fulltrúi Icelandair, sem var að gera nýjan
kjarasamning við flugfreyjur.
HAFRANNSÓKNIR Mikilvægi hafs-
ins við Ísland sem ætisvæðis
fyrir makríl virðist enn meira en
áður var talið. Niðurstöður leið-
angurs Hafrannsóknastofnunar
á útbreiðslu og magni makríls í
íslenskri lögsögu sýna að stór hluti
stofnsins í Norðaustur-Atlantshafi
heldur sig við landið að sumarlagi.
Í lok ágúst lauk leiðangri Árna
Friðrikssonar, sem hafði það
markmið að kanna útbreiðslu og
magn makríls í íslenskri lögsögu.
Þetta er þáttur í sameiginlegum
rannsóknum Íslendinga, Norð-
manna og Færeyinga á dreifingu
og magni helstu uppsjávartegunda
á ætissvæðum í Norðaustur-Atl-
antshafi og umhverfisaðstæðum
þar.
Magn makríls á hafsvæðinu
sem var rannsakað reiknast um
2,7 milljónir tonna. Þar af er 1,1
milljón tonna innan íslenskrar
efnahagslögsögu, eða um 42 pró-
sent af heildinni. Í leiðangri sömu
þjóða sumarið 2010 var heildar-
magnið metið 4,4 milljónir tonna
en svipað magn innan íslenska
hafsvæðisins og nú.
Sveinn Sveinbjörnsson, sérfræð-
ingur Hafrannsóknastofnunar,
segir að það sem helst skýri mun-
inn á heildarmagninu sé að leið-
angurinn hafi náð yfir töluvert
minna hafsvæði en leiðangurinn
2010. „Þetta segir ekkert um heild-
arstofnstærðina. Þau svæði sem
skoðuð voru eru þýðingarmikil
ætisvæði makrílsins. Ísland virð-
ist orðið mjög mikilvægt svæði í
því tilliti.“
Þetta er þriðji sameiginlegi leið-
angur þjóðanna. Niðurstöðurnar
staðfesta, líkt og fyrri leiðangrar,
að elsti makríllinn ferðast lengst í
Makríll sækir mjög
til Íslands í ætisleit
Niðurstöður hafrannsóknaleiðangurs staðfesta enn og aftur mikilvægi Íslands-
miða sem ætisvæðis fyrir makríl. Stór hluti mælds heildarmagns var innan
íslenskrar lögsögu í sumar enda mestur þéttleiki ætis vestan við landið.
sínum ætisgöngum í Norðaustur-
Atlantshafi á sumrin. Var hann
einkum að finna vestast og nyrst
á rannsóknasvæðinu, við Ísland. Í
leiðangrinum var jafnframt könn-
uð dreifing átu, sem er helsta fæða
makrílsins, og reyndist mestur
þéttleiki hennar vera vestan við
Ísland, þar sem makríllinn var
jafnframt í mestum þéttleika.
„Þetta eru mjög mikilvægar
upplýsingar um þýðingu íslenska
hafsvæðisins fyrir makrílinn,“
segir Sveinn.
Samningaviðræður í makríldeilu
Íslendinga við ESB og Noreg hefj-
ast á ný 18. október næstkomandi.
Þar verður reynt að leiða til lykta
deilur um veiðar úr stofninum, en
ESB-ríkin og Noregur telja Ísland
eiga takmarkaðan rétt til veiða
á makríl þrátt fyrir upplýsingar
um göngur makríls inn í íslenska
lögsögu. svavar@frettabladid.is
DÓMSMÁL Hæstiréttur hefur stað-
fest fjórtán ára fangelsisdóm yfir
Þorvarði Davíð Ólafssyni fyrir
tilraun til manndráps. Þorvarður
réðst á föður sinn, tónlistarmann-
inn Ólaf Þórðarson, á heimili hans
í nóvember í fyrra og veitti honum
mjög alvarlega áverka, meðal
annars á höfði.
Meðal ástæðna þess að Þor-
varður réðst á föður sinn var frá-
sögn stúlku sem hann þekkti um
að faðir hans hefði misnotað hana
kynferðislega. Síðar kom í ljós að
sú saga var lygi.
Árásin var hrottafengin. Þor-
varður kýldi föður sinn tvisvar
í höfuðið með hnúajárni, spark-
aði ítrekað í andlit hans þar sem
höfuðið lá upp við steyptan arin,
stappaði og hoppaði á höfðinu og
linnti ekki látum fyrr en hann
rann til í blóði. Þetta játaði hann
fyrir héraðsdómi.
Ólafur hefur legið nær meðvit-
undarlaus á spítala síðan, tjáir sig
ekki og skynjar ekki umhverfi sitt
á neinn vitrænan hátt, að því er
segir í dómnum. Engar framfarir
hafa orðið á tíu mánuðum og eru
því taldar yfirgnæfandi líkur á að
ástandið sé varanlegt. - sh
Þorvarður Davíð Ólafsson dæmdur fyrir hrottafengna árás á föður sinn:
Fjórtán ára dómur staðfestur
VINSÆLL TÓNLISTARMAÐUR Ólafur
Þórðarson gerði garðinn frægan með
hljómsveitinni Ríó Tríó. FRÉTTABLAÐIÐ/VILHELM
Vetursetustöðvar
Sumardreifing / Gönguleiðir
Hrygningarsvæði
Ísland
Spánn
Frakkland
BretlandÍrland
Noregur
SÆKIR ÆTI TIL ÍSLANDS Ein af meginniðurstöðum leiðangursins er að makríllinn
sækir mjög að ströndum Íslands þar sem þéttleiki ætis er mestur. Vestur af Íslandi
mældist þéttleiki ætis og makríls mestur. 1,1 milljón tonna mældist við landið í
sumar eins og í fyrra á sama tíma.
Útbreiðsla og gönguleiðir makríls
HÚSNÆÐISMÁL „Stefna Reykjavík-
ur borgar er að allir borgarbúar
hafi öruggt húsnæði á við-
ráðanlegu verði,“ segir í nýrri
húsnæðisstefnu til tíu ára sem
borgarráð samþykkti í gær.
Fyrsta skrefið hefur verið tekið
en á heimasíðu Dags B. Eggerts-
sonar, formanns borgarráðs,
kemur fram að vilyrði hafi verið
veitt fyrir eitt hundrað íbúða lóð
í Brautarholti 7 undir stúdenta-
garða Félagsstofnunar stúdenta.
Þá eigi að ræða við Háskólann í
Reykjavík um að undirbúa bygg-
ingu stúdentagarða í Vatnsmýri
og auk þess kanna frekari mögu-
leika til uppbyggingar í samvinnu
við Háskóla Íslands.
„Við gætum séð um og yfir 500
nýjar námsmannaíbúðir rísa á
næstu árum,“ skrifar formaður
borgarráðs. - gar
Lóðir fyrir námsmannaíbúðir:
Fyrir alla á við-
ráðanlegu verði
STJÓRNSÝSLA „Þú getur rétt ímyndað þér hvort ég hafi
ekki skoðanir á þessu en ég bara kýs að tjá mig ekki
að svo stöddu,“ segir Páll Magnússon, nýráðinn for-
stjóri Bankasýslu ríkisins, um háværar gagnrýnis-
raddir sem heyrst hafa um ráðninguna. Málið standi
ekki upp á hann heldur stjórn Bankasýslunnar.
Fjármálaráðherra hefur ákveðið að óska formlega
eftir skýringum á ráðningarferlinu frá stjórn Banka-
sýslunnar og verður það gert á næstu dögum, sam-
kvæmt upplýsingum Fréttablaðsins.
Helgi Hjörvar, formaður efnahags- og viðskipta-
nefndar Alþingis, fór hörðum orðum um málið á
Alþingi í gær.
„Ráðning forstjóra Bankasýslu ríkisins er
hneyksli,“ sagði Helgi. „Ráðinn hefur verið forstjóri
sem hvorki hefur menntun né starfsreynslu af fjár-
málamörkuðum. Með því sviptir Bankasýslan sig
því trausti og þeim trúverðugleika sem hún verður
að njóta þar sem hún fer með eignarhlut Íslendinga
í viðskiptabönkunum og það vandasama verkefni að
selja hluta þeirra einkaaðilum.“
Helgi sagði að fortíð Páls, sem aðstoðarmanns Val-
gerðar Sverrisdóttur viðskiptaráðherra þegar ríkis-
bankarnir voru einkavæddir, stæði honum fyrir
þrifum. Enn fremur væri óheppilegt að forstjóri
Bankasýslunnar hefði pólitískan bakgrunn, enda
væri hlutverk hans í og með „að halda bönkunum
armslengd frá stjórnmálunum í landinu“.
Páll er guðfræðingur að mennt og með meistara-
gráðu í opinberri stjórnsýslu. Stjórnarformaðurinn
hefur sagt hann hæfasta umsækjandann, jafnvel þótt
hann hafi ekki komið best út í mati á menntun og
starfsreynslu. - sh
Ráðning forstjóra Bankasýslunnar er hneyksli að mati stjórnarþingmanns:
Ráðherra hyggst óska skýringa
PÁLL MAGNÚSSON HELGI HJÖRVAR
MENNTAMÁL Háskóli Íslands er
kominn í hóp 300 bestu háskóla í
heiminum að mati Times Higher
Education Supplement, sem er
annar af tveimur helstu matslist-
um á þessu sviði. Í heiminum eru
nú rúmlega 17 þúsund háskólar.
Kristín Ingólfsdóttir, rekt-
or Háskóla Íslands, segir þetta
mat gleðitíðindi. Hún segir það
merkilegt að þessum árangri hafi
verið náð þrátt fyrir að fjárfram-
lög til skólans á hvern nemanda
séu langt undir því sem gerist hjá
ríkjum OECD. - shá
Númer 300 af 17 þúsund:
Háskóli Íslands
í hóp 300 bestu
AÐALBYGGING Rektor telur árangur
skólans merkilegan í ljósi fjársveltis.
FRÉTTABLAÐIÐ/HEIÐA
MÓTMÆLI Þess var krafist á fjöl-
mennum mótmælafundi á Básas-
kersbryggju í Vestmannaeyjum í
gær að Baldur yrði fenginn til að
sigla milli lands og Eyja í vetur.
Á fimmta hundrað manns voru
saman komnir á bryggjunni.
„Það er algjörlega óásættan-
legt að þjóðvegurinn sé lokaður
að stórum hluta vegna mannlegra
mistaka,“ sagði skipuleggjand-
inn Sigurmundur Gísli Einars-
son um siglingaleiðina til og frá
Landeyja höfn.
Þá kröfðust mótmælendur þess
að ráðherra samgöngumála og
fulltrúar Vegagerðar og Siglinga-
málastofnunar myndu sitja fyrir
svörum á opnum fundi í Eyjum.
- sh
Hundruð mótmæltu í Eyjum:
Heimta Baldur
til Eyja í vetur
HEITT Í HAMSI „Framferði opinberra
aðila í samgöngumálum okkar er til
skammar,“ sagði skipuleggjandinn.
FRÉTTABLAÐIÐ/ÓSKAR P. FRIÐRIKSSON
VIÐSKIPTI Orkuveita Reykjavíkur
hefur gengið að tilboðum í þrjár
fasteignir sem auglýstar voru til
sölu í sumar og vor vegna mikilla
fjárhagsörðugleika fyrirtækisins.
Um er að ræða Hvamm og
Hvammsvík í Kjós, Hótel Heng-
il á Nesjavöllum og húsnæði í
Elliðaárdal sem áður hýsti minja-
safn OR. Samanlagt söluvirði
eignanna er 465 milljónir króna.
Nú er opið tilboð í eina eign OR,
Perluna í Öskjuhlíð, en tilboðs-
frestur er til 17. október. - shá
Orkuveitan borgar skuldir:
Þrjár eignir OR
á 465 milljónir
ALÞINGI Varaformenn fastanefnda
Alþingis fá frá og með síðustu
áramótum sérstakar álags-
greiðslur sem hækka laun þeirra
um tíu prósent. Það jafngildir
um 55 þúsund krónum á mánuði.
Vísir greindi frá þessu í gær.
Lögum um þingfararkaup var
breytt samhliða breytingum á
þingskaparlögum. Þá varð til emb-
ætti annars varaformanns, sem
fær fimm prósenta launahækkun.
Alþingi ákveður álagsgreiðslur,
ekki kjararáð eins og tveir þing-
menn Samfylkingar leggja til. - sh
Álag fyrir varaformennsku:
Þingmenn fá
launahækkanir
Smurostar
við öll tækifæri
ms.is
...tvær nýjar
bragðtegundir
Ný bragðtegund
með
papriku
Ný bragðtegund
Texmex
H
VÍ
TA
H
Ú
SI
Ð
/
S
ÍA
-
11
-0
50
9
SPURNING DAGSINS