Morgunblaðið - 02.09.2010, Qupperneq 6

6 FréttirINNLENT
MORGUNBLAÐIÐ FIMMTUDAGUR 2. SEPTEMBER 2010
Sigtryggur Sigtryggsson
sisi@mbl.is
Meðalhiti mánaðanna júní til ágúst í
Reykjavík er sá hæsti sem vitað er
um frá upphafi samfelldra mælinga
1871, eða 12,2 stig. Þetta kemur
fram í yfirliti Trausta Jónssonar
veðurfræðings.
Veðurstöðin hefur á þessum tíma
verið á nokkrum stöðum í bænum en
„sú óvissa, sem flutningar stöðvar-
innar milli staða í bænum skapar er
minni en svo að hún raski þessari
niðurstöðu“, segir Trausti. Litlu
munar þó á sumrinu í ár og þeim
sumrum sem eru nærri því eins hlý.
Meðalhiti þessara mánaða árið 2003
var 12,1 stig og 1939 var hitinn
ómarktækt lægri.
Meðalhitinn í júní til ágúst í
Stykkishólmi nú er 11,5 stig, 0,3
stigum hærri en hlýjasta sumarið til
þessa, árið 2003. Mælingar eru sam-
felldar frá 1845. Júní til ágúst sam-
anlagðir eru einnig þeir hlýjustu
sem mælst hafa í Vestmannaeyjum,
10,9 stig, sami meðalhiti var sömu
mánuði árið 2003. Í Vestmanna-
eyjum hefur verið mælt samfellt frá
1877. Á Hveravöllum var sumarið
2003 lítillega hlýrra en nú. Á Akur-
eyri voru júní til ágúst nú í 12. hlýj-
asta sæti frá upphafi samfelldra
mælinga, einu stigi kaldari en met-
árið 1933.
Samkvæmt skilgreiningu Veður-
stofunnar er sumarið fjórir mánuðir,
september telst einnig með. „Árin
1939 og 1941 var september fádæma
hlýr bæði árin og verður barátta
sumarsins í ár um fyrsta sætið mjög
erfið þegar september bætist inn í
sumarmeðaltalið. Spennandi verður
að fylgjast með því,“ segir Trausti.
September byrjar reyndar með
miklum hlýindum.
Mjög þurrt var um norðvestan-
vert landið í júní til ágúst, þó var
þurrara í Reykjavík á sama tíma í
fyrra. Í Stykkishólmi hefur þessi
tími ekki verið þurrari síðan 1952.
Sólskinsstundir í júní til ágúst eru
83 fleiri en í meðalári í Reykjavík.
Þetta eru þó ívið færri sólskins-
stundir en í sömu mánuðum und-
anfarin ár. Á Akureyri mældust sól-
skinsstundir 22 fleiri en í meðalári.
Hlýjasta sumar frá upphafi mælinga
 Meðalhitinn í Reykjavík mánuðina
júní til ágúst reyndist vera 12,2 stig
Morgunblaðið/Ómar
Veðurblíða Landsmenn hafa notið vel þeirra fjölmörgu sólardaga sem kom-
ið hafa á þessu eftirminnilega sumri. Fjömennt hefur verið á Austurvelli.
Alþingi kemur saman í dag eftir
sumarhlé og hefst þingfundur
klukkan 13:30 miðdegis. Ekki
verður um formlega þingsetningu
að ræða því þingstarfið nú er
lokasprettur 138. löggjafarþings-
ins, sem sett var í fyrrahaust.
Við upphaf fundar mun þing-
forseti minnast Benedikts Grön-
dals, fyrrverandi forsætisráð-
herra, sem lést í sumar. Því næst
er gert ráð fyrir að fram fari al-
menn umræða um störf og stefnu
ríkisstjórnarinnar.
Skýrslan verður rædd
Ásta Ragnheiður Jóhannes-
dóttir, forseti Alþingis, sagði þeg-
ar fundum þess var frestað hinn
24. júní síðastliðinn, að skýrsla
þingmannanefndar um rannsókn-
arskýrslu Alþingis myndi fá for-
gang í störfum haustþingsins.
Reiknað er með að skýrsla nefnd-
arinnar verði lögð fyrir þingið í
næstu viku.
Þá verður á haustþinginu fjallað
um mál sem ekki tókst að afgreiða
fyrir þingfrestun í vor.
Gert er ráð fyrir að þingfundir
standi til 14. september.
Nýtt þing, 139. löggjafarþingið,
kemur síðan saman til fundar 1.
október samkvæmt venju. Formleg
þingsetning verður að lokinni
guðsþjónustu í Dómkirkjunni.
Á þinginu verður fjárlaga-
frumvarp ársins 2011 lagt fram en
vinna við það hefur staðið yfir að
undanförnu. sisi@mbl.is
Morgunblaðið/Heiddi
Alþingi Ásta Ragnheiður Jóhannes-
dóttir forseti ávarpar þingið.
Ræða störf
ríkisstjórn-
arinnar
 Alþingi kemur
saman eftir sumarhlé
Hin nýja Dreamliner, eða Boeing 787, lenti á
Keflavíkurflugvelli í gærmorgun til prófana í
hliðarvindi. Flugvélin verður hér við reynsluflug
í allt að vikutíma, að sögn Friðþórs Eydal upp-
lýsingafulltrúa.
Keflavíkurflugvöllur er sagður þekktur fyrir
sterka vinda. Flugbrautir liggja þvers og kruss
svo hægt er að prófa þar lendingar í hliðarvindi,
hvernig sem vindur blæs.
Flugferðin til Íslands mun vera fyrsta alvöru-
reynsluflugferð Dreamliner út fyrir Bandaríkin
og önnur ferð flugvélarinnar frá Bandaríkj-
unum. Hins vegar fór fyrsta reynsluflug vélar af
gerðinni Dreamliner fram í desember á síðasta
ári. Í mars á þessu ári sagði mbl.is frá því að
staðið hefði til að reynsluflugmenn Boeing-
flugvélaverksmiðjanna prófuðu vélarnar hér á
landi í hliðarvindi. Vitnað var í Dennis O’Do-
noghue, aðstoðarforstjóra Boeing, sem stýrir
prófanadeild flugvélaframleiðandans en hann
sagði: „Við förum alla leið til Íslands að prófa
flug í hliðarvindi – Ísland er alltaf gott fyrir hlið-
arvind,“
Þá lægði vind hér og í staðinn fóru prófanir
fram í Roswell í Mexíkó.
Bæði Boeing og Airbus hafa notað Keflavíkur-
flugvöll til reynsluflugs í hliðarvindi. Þar voru
m.a. bæði Boeing 777 og Airbus A380 þotur.
Sem kunnugt er hefur Icelandair tryggt sér
kauprétt á Boeing 787 Dreamliner-flugvélum.
Ljósmynd/Baldur Sveinsson
Dreamliner komin til Íslands í alvörureynsluflug
Hlýtt var í nýliðnum ágúst. Um
vestan- og suðvestanvert landið
var hann einn af fimm hlýjustu
mánuðum frá upphafi mælinga
en í öðrum landshlutum var
heldur svalara. Hiti var þó alls
staðar yfir meðallagi.
Meðalhitinn í Reykjavík var
12,1 stig, 1,8 stigum yfir meðal-
lagi. Þetta er fjórði til fimmti
hæsti mánaðarmeðalhiti í ágúst.
Á Akureyri mældist meðalhiti
11,5 stig og er það 1,5 stigum yfir
meðallagi. Ágúst varð hlýjasti
sumarmánuðurinn á Akureyri. Á
Höfn í Hornafirði var meðalhit-
inn 11,2 stig eða 1,1 stigi yfir
meðallagi.
Ágúst brást
ekki vonum
ENDALAUS HLÝINDI?
Sigrún Rósa Björnsdóttir
sigrunrosa@mbl.is
Viðræðunefndir Íslands, Bretlands
og Hollands funda um Icesave-mál-
efni í Hollandi í dag og á morgun.
Samkvæmt heimildum Morgun-
blaðsins mun íslenska samninga-
nefndin einfaldlega leggja áherslu
á að fá mun betri samning en þeir
samningar sem hafa hingað til
staðið til boða. Formlegir fundir
hafi ekki farið fram síðan í júlí en
menn hafi verið í sambandi og við-
ræður síðan þá hafi frekar snúið að
formi samningsins. Nú eigi hins
vegar að láta reyna á efni hans.
Það sé ekki fullreynt hvort hægt er
að ná saman um samning. Hingað
til hafa samningaviðræður vegna
Icesave-innstæðna strandað á end-
urgreiðslukjörum.
Óttast ekki dómstólaleiðina
Bjarni Benediktsson, formaður
Sjálfstæðisflokksins, segist fylgjast
með viðræðunum í gegnum Lárus
Blöndal, sem er fulltrúi stjórnar-
andstöðunnar í viðræðunefndinni.
„Ég hef lagt traust mitt á það
mat Lárusar að ekki sé endanlega
fullreynt hvort að hægt er að ná
viðunandi niðurstöðu sem mun
sæma okkur sem fullvalda ríki.“
Bjarni segir það ekki mega
gleymast að vonandi séu til eignir í
þrotabúinu fyrir bróðurpartinum af
höfuðstólnum. Sé hann greiddur að
fullu þá snúi ágreiningurinn ein-
göngu að vöxtunum.
Bjarni ítrekar að hann hafi áður
sagt að hann telji að það sé ekkert
að óttast þó að þessar viðræður
strandi á óbilgjörnum kröfum
Breta og Hollendinga. Þá sé tilbú-
inn farvegur fyrir málið.
Síðustu fundir með Bretum og
Hollendingum í deilunni voru í
byrjun júlí. Þá hafði ekkert verið
fundað um málið frá því í mars,
eftir að lögum um ríkisábyrgð á
innstæðutryggingar vegna Icesave
var hafnað í þjóðaratkvæða-
greiðslu.
Markmiðið mun betri samningur
 Samninganefnd um Icesave leggur áherslu á að fá mun betri samning en verið
hefur í boði  Funda með Bretum og Hollendingum í dag og á morgun
Morgunblaðið/Kristinn
Höfnuðu 93% kjósenda sögðu nei
við Icesave-lögunum í þjóðar-
atkvæðagreiðslunni í febrúar.