Morgunblaðið - 13.09.2010, Blaðsíða 16

16 Umræðan
MORGUNBLAÐIÐ MÁNUDAGUR 13. SEPTEMBER 2010
Í FYRIRTÆKJAVIÐSKIPTUM
H
a
u
ku
r
0
4
.1
0
Guðni Halldórsson
viðskiptalögfræðingur,
gudni@kontakt.is
Arnór H. Arnórsson
rekstrarhagfræðingur,
arnor@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hdl.
sigurdur@kontakt.is
Leit að heppilegum fyrirtækjum eða kaupendum.
Verðmat fyrirtækja.
Viðræðu- og samningaferli.
Gerð kaupsamninga og tengdra samninga.
Fjármögnun fyrirtækjaviðskipta.
Við teljum að eftirfarandi fyrirtæki geti
verið fáanleg:
•
•
•
•
•
Forgangslisti er nýjung fyrir kaupendur og fjárfesta.
Skráning á www.kontakt.is
SÉRFRÆÐINGAR
• Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar. Upplýsingar og
skráning á www.kontakt.is.
• Heildverslun með neytendavörur (ekki matvæli). EBITDA 80 mkr. Engar skuldir.
• Þjónustufyrirtæki með yfir 500 fyrirtæki og stofnanir í föstum viðskiptum.
Ársvelta 150 mkr.
• Rótgróið glerfyrirtæki. Ársvelta 80 mkr.
• Framleiðslufyrirtæki með eigin verslanir. Með yfir 50% markaðshlutdeild og
góða vaxtamöguleika. Ársvelta um 400 mkr.
• Grænlenskt byggingarfélag með góða verkefnastöðu.
• Þekkt heimilisvöruverslun með eigin innflutning. Ársvelta 80 mkr.
• Vélsmiðja með góða verkefnastöðu. 7 starfsmenn.
• Meirihluti í stóru iðnfyrirtæki. EBITDA 75 mkr.
• Rótgróin heildverslun sem selur tæknivörur og rekstrarvörur til opinberra
stofnanna. EBITDA 15 mkr.
• Tvö iðnfyrirtæki sem henta vel til sameiningar. Sameinuð ársvelta um 150 mkr.
og EBITDA um 25 mkr. Viðkomandi kaupandi þyrfti að leggja fram um 20 mkr.
í peningum og um 20 mkr. fasteignaveð til að ná meirihluta í báðum
fyrirtækjunum.
• Meirihluti í rótgrónu iðnfyrirtæki. Ársvelta 90 mkr. EBITDA 10 mkr. Litlar
skuldir.
Tælenskur matsölustaður og sér skemmtistaður á besta stað
miðsvæðis í Reykjavík til sölu - saman eða sitt í hvoru lagi.
Öll leyfi og langtíma leigusamningar. Góður rekstur og tækifæri,
upplýsingar í síma 660 3770 eða 6976333.
Skemmtistaður/
matsölustaður
Nýlega birtist pist-
ilinn „Úlfar í presta-
hjörð“ eftir Kolbrúnu
Bergþórsdóttur hér í
blaðinu. Úlfarnir sem
Kolbrún vitnar til eru
framgjarnir prestar,
sem reyna að klekkja
á biskupi vegna
óánægju með stöðu-
veitingar og rækta
hvorki sannleika, sam-
heldni né samstöðu.
Mér vitandi hefur aðeins einn
starfandi prestur lýst því yfir að
biskup Íslands eigi að stíga til hlið-
ar. Sami prestur höfðaði mál gegn
þjóðkirkjunni vegna stöðuveitingar
fyrir sex árum. Ég er sá prestur
og álykta því að úlfarnir ónafn-
greindu rúmist flestir í minni per-
sónu. Ég tel að biskup Íslands eigi
að víkja úr embætti vegna þess að
hann hefur verið borinn þungum
sökum um þöggun. Kirkjuþing
mun innan tíðar skipa rannsókn-
arnefnd til að skoða viðbrögð kirkj-
unnar þegar Ólafur Skúlason var
sakaður um kynferð-
isbrot. Nefndin þarf
svigrúm til þessarar
vandasömu rann-
sóknar og því óheppi-
legt ef einn af þeim
sem sæta rannsókn
gegnir valdamesta
embætti kirkjunnar á
meðan. Ég tel einnig
að biskup eigi að víkja
vegna óheppilegra
ummæla hans í fjöl-
miðlum þegar ásak-
anir á hendur fyrrver-
andi biskupi komu
fram á nýjan leik. Ég hef ekki kall-
að eftir afsögn biskups, heldur beð-
ið um að hann víki úr embætti. Því
veldur ekki persónuleg óvild, eða
þörf fyrir að ýlfra í fjölmenni, held-
ur vilji til þess að rannsóknarnefnd
Kirkjuþings geti starfað með trú-
verðugum hætti.
Dómsmálið vegna stöðuveitingar
sendiráðsprests í Lundúnum virð-
ist í pistlinum haft til marks um
hefnigirni úlfsins. Mál mín unnust
á báðum dómstigum og má lesa
dómana á heimasíðum Héraðsdóms
Reykjavíkur og Hæstaréttar. Þjóð-
kirkjan var dæmd fyrir að brjóta
jafnréttislög og gert að borga
skaðabætur, en upphæð var ekki
tilgreind í dómnum. Dómkvaddur
matsmaður var því kallaður til og
Biskupsstofa kallaði eftir yfirmati.
Bótakrafa mín var byggð á mats-
gerðunum og vannst málið á vara-
kröfunni. Hvorugur deiluaðila
áfrýjaði seinni dómnum og voru
mér greiddar skaðabætur í sam-
ræmi við hann. Dómurinn hefur
þegar haft fordæmisgildi og áhrif á
gang jafnréttismála innan kirkj-
unnar. Ég á ekki harma að hefna
vegna stöðuveitingar í London,
enda hefur tjón mitt verið við-
urkennt af dómstólum og skaði
minn greiddur. Málareksturinn
kostaði mig andvökunætur á sínum
tíma, en hann gaf mér einnig
sterkari rödd og mál til að berjast
fyrir því sem ég tel í anda sann-
leikans.
Kolbrún telur að úlfarnir í
prestahjörðinni elski ekki sannleik-
ann og virði ekki samstöðu og sam-
heldni. Ég hygg að samstaða stétt-
ar minnar sé mikil, en hinum
prestvígðu ber ekki aðeins skv.
siðareglum að virða kollega sína,
heldur ala önn fyrir þeim sem eru
ung og órétti beitt. Til að mæta því
skylduboði þarf stundum að taka
sannleikshag alls úlfaflokksins
fram yfir samheldni hinna ráðandi
úlfa. Ég var ein ellefu presta sem
rituðu Ólafi Skúlasyni bréf 1996 og
báðu hann að fara í leyfi meðan
mál hans yrði rannsakað og und-
irbjó með fleirum tillögu á Presta-
stefnu sama ár um að hann viki úr
embætti. Ég vildi að ég hefði gert
meira og sinnt konunum sem hann
braut gegn. Ég hef síðustu fjórtán
ár barist fyrir rétti samkyn-
hneigðra til kirkjulegrar vígslu og
tók þátt í baráttu 111 presta,
djákna og guðfræðinga fyrir einum
hjúskaparlögum í sumar. Ég hef
talað fyrir umhverfisvernd-
aráherslum og barist fyrir jafnrétti
kvenna og karla á vettvangi kirkj-
unnar. Ég lýsti yfir stuðningi við
biskup Íslands þegar hann vék Sel-
fossklerki úr embætti síðastliðið
haust vegna ósæmilegrar hegðunar
þess síðarnefnda gagnvart ungum
sóknarbörnum sínum. Ég vil að yf-
irstjórn kirkjunnar geri upp skuld
sína við konurnar sem hún brást
árið 1996.
Eitt megineinkenni úlfsins er
tryggð og umhyggja fyrir öllum
meðlimum flokksins, stórum jafnt
sem smáum. Úlfur er tvíbent tákn
í Biblíunni. Það vísar að sönnu til
vargsins sem leggst á lambið (sem
í líkingu Kolbrúnar virðist einkum
vera biskup Karl). Úlfurinn er líka
spámannlegt tákn fyrirmyndarrík-
isins og friðarins. Þegar úlfurinn
liggur hjá lambinu kemur saman
hin villta mergð og hin tamda
hjörð í frelsi og friði. Í hinni messí-
önsku von er því ekki alvont að
heyra til úlfynjum.
Að heyra til úlfynjum
Eftir Sigríði
Guðmarsdóttur » Prestum ber að ala
önn fyrir þeim sem
eru ung og órétti beitt
og taka þannig hag
hinna mörgu fram yfir
hagsmuni hinna ráð-
andi.
Sigríður
Guðmarsdóttir
Höfundur er sóknarprestur í Graf-
arholti, doktor í guðfræði og stunda-
kennari við Háskóla Íslands.
Nú, þegar samn-
ingamenn eru á fullu í
viðræðum við ESB um
aðild, gleymist margt.
Össur er upptekinn af
sínu draumaverkefni
sem er Ísland í ESB,
aðrir kostir eru ekki
skoðaðir. Ég hef áður
ritað í greinum mínum
um þá möguleika sem
við höfum eftir að Ís-
land hefur verið sett á
hausinn af fjárglæframönnum sem
hafa komið sér úr landi og sleikja
þar sólina, með stolna peninga
þjóðarinnar, sem þeir fengu með
dyggri aðstoð yfirvalda sem þeir
höfðu styrkt rækilega og um leið
gerðu skuldbundna sér. Ég hef áð-
ur sagt að Drekasvæðið er okkur
einskis virði til eigin nýtingar,
Norðmenn gætu notað það og
myndu eflaust kaupa það fyrir
drjúgan skilding ef við byðum það
til sölu á alþjóðlegum
markaði, við getum
aldrei hvorki fjárhags-
lega né tæknilega nýtt
það, en ríkið gæti orð-
ið þannig skuldlítið á
ný við sölu á svæðinu.
Ég hef oft velt upp
þeirri hugmynd að við,
lítil þjóð við norð-
urheimskautsbaug,
höfum ýmsa möguleika
sem gætu falist í því
að Norðurlöndin, Ís-
land, Noregur, Dan-
mörk, Svíþjóð, Finn-
land, Færeyjar og Grænland
mynduðu ríkjabandalag með einni
yfirstjórn, og hvert ríki innan þess
bandalags hefði sína fylkisstjórn og
gæti gert viðskiptasamninga við
ESB og önnur bandalög um við-
skipti, án beinnar aðildar. Með
þessu yrði þetta norræna ríkja-
bandalag sterkur efnahagslegur að-
ili, sennilega eitt af 10 stærstu
efnahagsbandalögum heims, með
miklar orkuauðlindir í hafi og á
landi, með algjör yfirráð yfir haf-
svæði sem oft er nefnt GIUK-
svæðið. Það myndi þar með ná yfir
allt svæðið sem er frá vesturströnd
Grænlands, til norðursvæða Nor-
egs, (Nord cap) og inn í Barentshaf,
til norðurpólsins, þar með er talinn
Svalbarði og þau hafsvæði. Yrði
svæðið um leið ein efnahagslögsaga
og samnýting svæðanna yrði marg-
falt öflugri.
Með þessu er kominn möguleiki
þessa þjóðabandalags til að hafa yf-
irráð og umsjón með siglingum og
annarri umferð um svæðin frá
Hvarfi til Nord Cap, sem teljast
verður mikilvægt þegar til lengri
tíma er litið, einnig sameiginleg
nýting fiskstofna og annarra auð-
linda. Þessar þjóðir s.s. Norðmenn,
Íslendingar, Færeyingar, Danir og
Finnar eru með svipaða menningu,
Grænlendingar eru með sína menn-
ingu en hana er hægt að samrýma
menningu annarra þjóða sem í
þessu bandalagi væru, þó svo að
allar þessar þjóðir myndu hver um
sig halda sínum sérkennum eins og
hver önnur fylki í stærra bandalagi.
Með þessu væru þessar þjóðir
sterkt afl innan Evrópu með afar
sterk áhrif í öllum samningum við
hin stærri bandalög, s.s. ESB og
Bandalag Norður-Ameríku í tví-
hliða samningum sem tryggir betur
sérkenni og hagsmuni þessara
þjóða sem einnar heildar út á við.
Það hlýtur öllum að vera ljóst að
ESB er ekki besti kostur sem völ
er á enda er ESB byrjunarstefna á
bandaríki Evrópu, sem líklega
verður fyrir komandi kynslóðir við-
unandi kostur, en smærri sterkari
eining, Norðurlandabandalag,
myndi verða afar öflug, sem stærri
bandalög myndu virða.
Það er brýnt að ráðamenn þjóð-
arinnar snúi sér að því að kanna
alla möguleika á þessu sviði. Er
fýsilegt að semja við aðila sem hafa
hótað okkur viðskipta- og hafn-
banni ef við ekki göngum að þeirra
skilyrðum um veiðar í okkar land-
helgi og greiðum skuldir óreiðu-
manna.
ESB og aðrir kostir
Eftir Guðjón
Jónsson »Með þessu yrði þettanorræna ríkja-
bandalag sterkur efna-
hagslegur aðili, senni-
lega eitt af 10 stærstu
efnahagsbandalögum
heims …
Guðjón
Jónsson
Höfundur er fyrrverandi
skipstjórnarmaður.
Morgunblaðið birtir alla útgáfudaga aðsendar umræðugreinar frá les-
endum. Blaðið áskilur sér rétt til að hafna greinum, stytta texta í samráði
við höfunda og ákveða hvort grein birtist í umræðunni, í bréfum til blaðs-
ins eða á vefnum mbl.is. Blaðið birtir ekki greinar, sem eru skrifaðar
fyrst og fremst til að kynna starfsemi einstakra stofnana, fyrirtækja eða
samtaka eða til að kynna viðburði, svo sem fundi og ráðstefnur.
Innsendikerfið
Þeir sem þurfa að senda Morgunblaðinu greinar eru vinsamlega beðnir
að nota innsendikerfi blaðsins. Formið er undir liðnum „Senda inn efni“
ofarlega á forsíðu mbl.is. Einnig er hægt að slá inn slóðina www.mbl.is/
sendagrein
Ekki er lengur tekið við greinum sem sendar eru í tölvupósti.
Í fyrsta skipti sem formið er notað þarf notandinn að nýskrá sig inn í
kerfið, en næst þegar kerfið er notað er nóg að slá inn netfang og lykilorð
og er þá notandasvæðið virkt.
Ekki er hægt að senda inn lengri grein en sem nemur þeirri hámarks-
lengd sem gefin er upp fyrir hvern efnisþátt en boðið er upp á birtingu
lengri greina á vefnum.
Móttaka aðsendra greina