Morgunblaðið - 15.09.2010, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 15. SEPTEMBER 2010
Andri Karl
andri@mbl.is
„Flestir myndu samþykkja þá skoð-
un mína að keppnin í ár sé ein sú erf-
iðasta frá upphafi. Gríðarlega öfl-
ugir strákar eru mættir til leiks og
slást um titilinn,“ segir Stefán Sölvi
Pétursson, sterkasti maður Íslands,
sem staddur er í Suður-Afríku og
hefur á morgun leik í keppninni
Sterkasti maður heims.
Stefán Sölvi hefur verið við stífar
æfingar undanfarnar átta til tíu vik-
ur og segist aldrei hafa verið í betra
formi. Keppnin leggst því vel í hann
og sjálfur segist hann „ekki geta
beðið eftir að byrja“.
Keppt er í fimm riðlum og eru sex
keppendur í hverjum riðli. Tveir
efstu eftir sex greinar komast svo
áfram í úrslitin. Og þangað stefnir
Stefán Sölvi. „Allir riðlarnir eru af-
skaplega erfiðir en ég er mjög bjart-
sýnn á að komast í úrslit. Svo er að
leggja sig allan fram ef maður
kemst þangað og stefna á sigur í
keppninni.“
Sú var tíðin að Íslendingar sigr-
uðu í hverri kraftakeppninni á fætur
annarri, og er keppnin Sterkasti
maður heims þar ekki undanskilin.
Á undanförnum árum hefur þó stað-
ið á árangrinum. Stefán Sölvi segir
þó ekki langt að bíða þar til Íslend-
ingur verði krýndur sterkasti mað-
ur heims að nýju. „Ég stefni á að það
gerist innan tveggja, þriggja ára.
Svona ef ég á að vera raunsær.“
Meðal keppanda í ár er sigurveg-
ari keppninnar í fyrra, Litháinn
Zydrunas Savickas.
Fylgjast má með framgöngu Stef-
áns Sölva á vefsvæðinu www.the-
worldsstrongestman.com.
Leggur sig fram
og stefnir á sigur
 Stefán Sölvi Pétursson keppir fyrir
hönd Íslands í Sterkasta manni heims
Morgunblaðið/Jakob Fannar
Sterkur Stefán Sölvi Pétursson er
sterkasti maður Íslands árið 2010.
Ólafur Ragnar Grímsson, forseti Íslands, segir í viðtali við Blo-
omberg-fréttastofuna, að deilur Íslendinga við Breta og Hol-
lendinga um Icesave veki spurningar um aðildarumsókn Íslend-
inga að Evrópusambandinu.
„Aðgerðir Breta og Hollendinga, sem nutu lengi stuðnings
Evrópusambandsins, hafa vakið spurningar í hugum margra Ís-
lendinga: Hvers konar klúbbur er þetta eiginlega?“ hefur Blo-
omberg eftir Ólafi Ragnari.
Viðtalið var tekið í Tianjin í Kína, þar sem Ólafur Ragnar sit-
ur fund Alþjóðaefnahagsráðsins.
Ólafur segir í viðtalinu að Íslendingar séu reiðubúnir að ræða
um endurgreiðslu á Icesave-ábyrgðum. Hins vegar verði bresk
og hollensk stjórnvöld að gera sér grein fyrir því, að Lands-
bankinn og netbankinn Icesave hafi ekki notið ríkisábyrgðar.
„Enginn getur haldið því fram, að íslenska þjóðin eða póli-
tíska lýðræðislega kerfið á Íslandi hafi ekki brugðist með
ábyrgum hætti við fjármálakreppunni. Það þýðir þó ekki, að við
ættum að láta undan svívirðilegum kröfum Breta og Hollend-
inga,“ hefur Bloomberg eftir Ólafi. Ólafur Ragnar hefur dvalið í
Kína undanfarna daga, þar sem hann heimsótti m.a. Heimssýn-
inguna í Sjanghæ. Hann átti á mánudag fund með forsætisráð-
herra Kína, Wen Jiabao. Fundurinn fór fram í Tianjin, þar sem
forseti og forsætisráðherrann sækja þing Alþjóðaefnahagsráðs-
ins, World Economic Forum, en það er auk þingsins í Davos
veigamesti atburðurinn í starfsemi þess. Fram kemur í frétt frá
forsetaembættinu að á fundinum með forseta Íslands hafi kín-
verski forsætisráðherrann ítrekað að kínversk stjórnvöld hefðu
ákveðið að styðja Ísland sérstaklega á tímum efnahagslegra erf-
iðleika og væri gjaldeyrisskiptasamningurinn milli Seðlabanka
Kína og Seðlabanka Íslands sem undirritaður var í sumar mik-
ilvægur hornsteinn slíks samstarfs. Kínverjar myndu innan
þess ramma leggja kapp á aukinn innflutning á íslenskum
vörum og víðtækt samstarf við íslensk verkfræðifyrirtæki og
orkufyrirtæki sem stuðla myndi að aukinni þátttöku þeirra í
jarðhitavæðingu Kína. Það væri einlæg von kínverskra stjórn-
valda að slíkt fjölþætt samstarf, bæði á sviði peningamála, við-
skipta og framkvæmda, myndi auðvelda endurreisn íslensks
efnahaghagslífs. gummi@mbl.is
Hvers konar klúbbur er þetta?
 Ólafur Ragnar Grímsson segir að deilurnar um Icesave veki spurningar um aðildarumsókn Íslend-
inga að Evrópusambandinu  Segir kröfur Breta og Hollendinga gagnvart Íslandi svívirðilegar
Bókin skoðuð Forseti Íslands færði Wen Jiabao bók um Eyja-
fjallajökul að gjöf, sem hann skoðaði af miklum áhuga.
Helgi Bjarnason
helgi@mbl.is
Umgengni hefur stundum verið
slæm á hverasvæðinu við Geysi í
Haukadal og komið fyrir að
ruslatunnur hafi fyllst og sorp
fokið um. Sóðalegt var þar sl.
sunnudag þegar fjöldi gesta var á
ferð.
Hverasvæðið við Geysi er í eigu
ríkisins og fjölda einstaklinga.
Það er ekki friðlýst. Ólafur Arn-
ar Jónsson, deildarstjóri náttúru-
verndar hjá Umhverfisstofnun,
segir að þó hafi stofnunin verið
með landverði að störfum á sumr-
in og verktaka til að tæma rusla-
tunnur og annast lágmarks-
viðhald.
Gestur, sem kom þarna
við síðastliðinn sunnudag,
vakti athygli Morgunblaðs-
ins á því að þá hafi rusla-
tunna verið full og sorp
dreifst í kringum hana.
Fjöldi ferðafólks var á
svæðinu á þessum tíma.
Viðkomandi kemur oft að
Geysi og segir að þetta sé
ekki einsdæmi, umgengni
þar sé til skammar.
Ólafur Arnar segir
nauðsynlegt að hafa
starfsfólk við Geysi
allt árið, til að hafa umsjón með
svæðinu og eftirlit með gestum
þess. Engin ein stofnun beri
ábyrgð á Geysissvæðinu á meðan
það er ekki friðlýst. Hann segir
unnið að friðlýsingu þess hluta
hverasvæðisins sem ríkið á, það
er að segja í kringum Geysi,
Strokk og Blesa.
Umhverfisstofnun kom upp
sorpílátum á svæðinu, samkvæmt
ábendingu heilbrigðiseftirlits, og
verktakar sjá um að tæma þau.
Þeir koma þó ekki alla daga vik-
unnar. Ólafur segir að það hafi
komið fyrir að tunnur fyllist
fljótt þegar fólk hafi sett í þær
sorppoka úr bílum sínum eða
jafnvel rútum. Gestir haldi eigi
að síður áfram að troða drykkjar-
ílátum og sígarettustubbum í
tunnurnar eða skilja eftir við
þær, í stað þess að taka með sér,
og þá verði umhverfið sóðalegt,
ekki síst þegar hvessir og sorpið
fýkur um. Ólafur telur þó að um-
gengnin hafi verið tiltölulega góð
í sumar.
Umgengni Sóðalegt var við sorpílát við Geysi í Haukadal, einum fjölsóttasta ferðamannastað landsins.
Umgengni ábótavant á
hverasvæðinu við Geysi
 Yfirfullar ruslatunnur þegar margt er um manninn
Umhverfisstofnun, Ferðamálastofa, Bláskógabyggð og landeigendur
vinna að úrbótum á öryggismálum á Geysissvæðinu. Nýjar kaðalgirð-
ingar hafa verið hannaðar og viðvörunarmerki.
Oft hefur gosið upp umræða um öryggi ferðafólks á hverasvæðinu.
Ólafur Arnar Jónsson segir að málið sé nú komið í góðan farveg með
samvinnu þessara aðila. Vonast hann til að hægt verði að ráðast í um-
bætur á næstu vikum.
Nýjar kaðalgirðingar verða settar upp með gangstígum. Þá verður
viðvörunarskiltum fjölgað. Tilgangurinn er að leiða ferðafólkið
ákveðnar um svæðið og draga úr líkum þess að það fari út á hættu-
svæði. Þá er verið að athuga möguleika á hálkuvörn að vetr-
inum.
Nýjar girðingar og skilti
ÚRBÆTUR Í ÖRYGGISMÁLUM
www.noatun.is
Nóatúni
Nýttu þér nóttina í
Verslanir Nóatúns eru
opnar allan sólarhringinn