Morgunblaðið - 02.02.2011, Side 4

4 FRÉTTIRInnlent
MORGUNBLAÐIÐ MIÐVIKUDAGUR 2. FEBRÚAR 2011
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Helgi Bjarnason
helgi@mbl.is
Sigurður Líndal lagaprófessor telur
að ákvörðun Hæstaréttar um ógild-
ingu kosninganna til stjórnlagaþings
sé endanleg. Það segi sig eiginlega
sjálft úr því að ákveðið var í lögum að
beina skyldi kærum til Hæstaréttar.
Í lögunum um stjórnlagaþing er
kveðið á um að þeir sem ekki telja að
farið sé að lögum við kosninguna geti
kært til Hæstaréttar sem skeri úr
um gildi hennar.
Þeirri spurningu hefur verið varp-
að fram, meðal annars á opnum fundi
lagadeildar Háskóla Íslands um
ógildingu Hæstaréttar á kosning-
unum sem haldinn var í gær, hvort
ákvörðun Hæstaréttar væri end-
anleg eða hvort landskjörstjórn, inn-
anríkisráðuneyti, umboðslausir
stjórnlagaþingsfulltrúar eða almenn-
ir kjósendur gætu höfðað ógilding-
armál fyrir dómstólum.
Engin ákvæði eru um það í lög-
unum að ákvörðun Hæstaréttar sé
endanleg. Þá kom skýrt fram við
málareksturinn í Hæstarétti að ekki
væri um réttarhöld eða dóm að ræða,
heldur ákvörðun. Sigurður Líndal
telur þó að úr því að sú skipan var
höfð á málum að fela Hæstarétti
þetta hlutverk hljóti það eðli málsins
samkvæmt að vera endanleg ákvörð-
un. „Önnur skipan mála væri að mín-
um dómi fjarstæðukennd því ég fæ
ekki séð hvaða aðili ætti að vera sett-
ur yfir Hæstarétt til þess að taka
ákvörðun um slíka kæru,“ segir Sig-
urður.
Búast mætti við tafsömum og
flóknum málaferlum ef höfðað yrði
mál fyrir héraðsdómi til ógildingar
ákvörðunar Hæstaréttar. Hver tekur
til varna? Lögfræðingar telja ólíklegt
annað en að héraðsdómur myndi vísa
slíku máli frá.
Þyrfti að skipa nýja dómara
Ef héraðsdómur dæmdi í málinu
mætti áfrýja því til Hæstaréttar,
hver sem niðurstaðan yrði. Erfitt
yrði fyrir Hæstarétt að dæma í eigin
máli. Væntanlega eru allir níu dóm-
arar réttarins vanhæfir til að fjalla
um málið. Þrír sögðu sig frá umfjöll-
un um það vegna tengsla við aðila
málsins og þeir sex sem eftir eru
stóðu að ógildingu kosninganna.
Því þyrfti að skipa nýjan Hæsta-
rétt til að fjalla um málið. Ögmundur
Jónasson innanríkisráðherra er
beinn aðili að málinu sem ábyrgð-
armaður við framkvæmd kosning-
anna og gæti varla skipað dómarana.
Þá þyrfti forsætisráðherra að fela
einhverjum öðrum að skipa nýjan
rétt.
Ákvörðun Hæsta-
réttar endanleg
Morgunblaðið/Ómar
Stjórnlagaþing Víst þykir að
ákvörðun Hæstaréttar sé endanleg.
 Sigurður Líndal
lagaprófessor sér
ekki hver ætti að vera
settur yfir Hæstarétt
Una Sighvatsdóttir
una@mbl.is
Hrun samfelldrar tónlistarmenntunar á Íslandi blasir
við ef fram fer sem horfir, að mati Sigrúnar Grendal, for-
manns Félags tónlistarkennara. Um þúsund manns
komu saman við Ráðhús Reykjavíkur í gær til að mót-
mæla og sýna samstöðu um framhald tónlistarskólanna.
Mótmælin voru í raun tvíþætt og beindust annars
vegar að niðurskurði Reykjavíkurborgar í tónlistar-
fræðslu en hins vegar að tillögum ríkis og sveitarfélaga
um að grípa inn í tónlistarfræðslukerfið eins og það er í
dag með aldurstakmörkunum. „Ég er bjartsýnismann-
eskja og hef trú á því að fólk vilji þessum málaflokki vel.
Ég ætla að trúa því, þar til annað kemur í ljós, að ríki og
sveitarfélög geti náð þannig málalyktum að allir geti vel
við unað og tónlistarfræðslukerfið lifi áfram og ég vona
að Reykjavíkurborg verði forystuafl í því,“ segir Sigrún.
Í ræðu sinni á fundinum benti Sigrún á að sem höf-
uðborg landsins bæri Reykjavík mikla ábyrgð gagnvart
tónlistarfræðslu í landinu. Hlutfallslega væru miklu fleiri
nemendur í framhaldsnámi í Reykjavík en annars staðar
á landinu. „Fyrir borg sem vill kenna sig við listir og
menningu er það ekki lítil auðlind,“ sagði Sigrún.
Skera á niður fjárframlög Reykjavíkurborgar um
18% á árinu 2011. Frá bankahruni verður samanlagður
niðurskurður til tónlistarfræðslu því um 38% að sögn
Sigrúnar. Í ofanálag standi nú yfir viðræður ríkis og
sveitarfélaga um kostnaðarskiptingu tónlistarnáms sem
feli í raun í sér að lokað sé fyrir tónlistarnám við 20 ára
aldur. „Rekstrargrundvelli söngskóla og skóla með stór-
ar söngdeildir verður kollvarpað og ég tel nær fullvíst að
einhverjum þeirra verði hreinlega lokað,“ sagði Sigrún.
Sú krafa var sett fram á fundinum að gengið yrði út frá
eðli og uppbyggingu tónlistarnáms í viðræðunum.
Rekstrargrundvelli
tónlistarskóla kollvarpað
 Þúsund manns mótmæltu niðurskurði og uppstokkun í
tónlistarfræðslu  Skapa ójafnræði í möguleikum til náms
Morgunblaðið/Sigurgeir
Mótmælt Samstaða ríkti á fundinum við Ráðhúsið og brustu mótmælendur í söng til að leggja áherslu á mál sitt.
Lyfjafyrirtækið Actavis sem er í
eigu kaupsýslumannsins Björgólfs
Thors Björgólfssonar þarf að greiða
um 170 milljónir dala, jafnvirði tæp-
lega tuttugu milljarða króna í sekt,
eftir að tvær starfsstöðvar fyrirtæk-
isins voru fundnar sekar um að
hækka verð á samheitalyfjum til
þess að fá meira greitt út úr opinber-
um sjúkratryggingum (Medicaid).
Kviðdómur í Austin, höfuðborg
Texas, komst að þeirri niðurstöðu að
tvær starfsstöðvar Actavis í Banda-
ríkjunum, Actavis Mid-Actlantic
LLC og Actavis Elizabeth LLC hafi
vísvitandi innheimt of hátt verð fyrir
samheimalyf.
Upp komst um misferlið eftir að
lyfsali í Flórída-ríki kærði málið, en
umræddur lyfsali hefur verið iðinn
við að kæra svik af þessu tagi.
Actavis gert
að greiða
20 milljarða
Mótmælendur púuðu á Jón Gnarr
borgarstjóra þegar hann tók til
máls á fundinum. Eftir fundinn
sendi Reykjavíkurborg út yfirlýs-
ingu þar sem segir að leitað verði
allra leiða til að efla tónlistar-
kennslu barna og ungmenna.
Engin ákvörðun hafi verið tekin af
hálfu borgarinnar um að hætta
stuðningi við eldri nemendur.
Borgin vongóð um
að farsæl lausn náist
PÚAÐ Á BORGARSTJÓRANN
Jón
Gnarr
Morgunblaðið birti á vef sínum 31.
janúar 2011 athugasemdir lögmanns
Inga Freys Vilhjálmssonar vegna
tilgreindrar greinar Agnesar Braga-
dóttur blaðamanns. Blaðið birti einn-
ig á vef sínum 1. febrúar 2011 tölvu-
póst sama lögmanns, þar sem fram
kemur svar Björgvins Björgvinsson-
ar hjá embætti lögreglustjórans á
höfuðborgarsvæðinu. Þar kemur
fram að Ingi Freyr Vilhjálmsson hafi
ekki fengið stöðu grunaðs manns,
eins og haldið var fram í frásögn
blaðamannsins 31. janúar sl. Því er
ljóst að ofsagt var um það atriði í
greininni um rannsókn á gagna-
stuldarmáli og svokölluðu „njósna-
tölvu“-máli.
Biðja blaðamaðurinn og ritstj.
hlutaðeigendur velvirðingar á því
sem þarna var missagt.
Ritstj. Morgunblaðsins
Ekki réttarstaða grunaðs
Yfirlýsing frá ritstj. Morgunblaðsins
Una Sighvatsdóttir
una@mbl.is
Afar skiptar skoðanir eru um hvort
forsendur séu fyrir því að kjara-
samningar verði bundnir til langs
eða skamms tíma. Finnbjörn Her-
mannsson, formaður Samiðnar, seg-
ist ekki sjá nein færi á langtíma-
samningi á meðan umræðan sé með
þeim hætti að Samtök atvinnulífsins
blandi óskyldum hlutum, þ.e. sjáv-
arútvegsmálum, inn í kjaraviðræður.
Stjórn SA ályktaði í gær um mik-
ilvægi þess að stjórnvöld mörkuðu
það sem þau kalla „atvinnuleið“ út úr
kreppunni. Þannig vill SA byggja á
kjarasamningum til þriggja ára með
samræmdri launastefnu og launa-
hækkunum samfara lítilli verðbólgu
og aukinni atvinnu. Í ályktun stjórn-
ar SA segir að ekki sé unnt að mæta
ofurkröfum fámennra hópa um tuga
prósenta launahækkanir.
Afleiðingar þess myndu að mati
SA flæða á stuttum tíma yfir allan
vinnumarkaðinn með verðbólgu,
gengislækkunum og auknu atvinnu-
leysi. Þetta kallar SA „verðbólgu-
leiðina“ og segir að þótt einhverjir
hópar á vinnumarkaði gætu með
henni bætt sinn hag yrði þorri al-
mennings mun verr settur.
Sátt náist um stjórn fiskveiða
„Samtök atvinnulífsins telja það
skyldu sína að standa fast gegn þeim
hópum á vinnumarkaði sem nú gera
kröfur um að verðbólguleiðin verði
farin,“ segir í ályktuninni. Þá ítrekar
SA að ná verði sátt um breytingu á
lögum um stjórn fisveiða á grund-
velli samningaleiðarinnar. „Þetta er
þeirra afstaða til málanna. Hún er
ekkert rétthærri en okkar afstaða til
skammtímasamnings,“ segir Finn-
björn Hermannsson um ályktunina.
Hann telur engin færi á langtíma-
samningi meðan sjávarútvegsmálun-
um er enn blandað í umræðuna.
Setji allt í uppnám
Gylfi Arnbjörnsson segir það
merkilegt að forysta SA álykti um
mikilvægi þess að gera þriggja ára
kjarasamning en neiti svo að semja
við launþegahreyfinguna nema í
þeim tilgangi að nota efni samkomu-
lagsins til að þvinga ríkisstjórnina í
sjávarútvegsmálum. SA verði að
fara að gera upp við sig hvaða leið
þau vilji fara í kjaramálunum. „Þeir
eru ekki að fara neina atvinnuleið.
Þeir eru að setja allt í uppnám.“
Kjaraviðræður í uppnámi
 Ekki hægt að mæta ofurkröfum fámennra hópa um launahækkanir, segja SA
 Kröfur um sátt í sjávarútveginum setja kjaraviðræður í uppnám, segir ASÍ
Morgunblaðið/ÞÖK
Framkvæmdir Staðan á vinnumark-
aði er ekki góð um þessar mundir.