Morgunblaðið - 02.02.2011, Side 18

18 UMRÆÐAN
MORGUNBLAÐIÐ MIÐVIKUDAGUR 2. FEBRÚAR 2011
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
Morgunblaðið gefur út glæsilegt
sérblað um Tísku og förðun
föstudaginn 18. febrúar 2011.
Í Tísku og förðun verður fjallað
um tískuna vorið 2011 í förðun,
snyrtingu og fatnaði, fylgihlutir
auk umhirðu húðarinnar,
dekur og fleira.
PÖNTUNARTÍMI AUGLÝSINGA:
Fyrir kl. 16, mánudaginn 14. febrúar.
MEÐAL EFNIS:
Förðunarvörur.
Förðrun.
Húðin,krem og meðferð.
Snyrting.
Neglur.
Kventíska.
Herratíska.
Fylgihlutir.
Skartgripir.
Það heitasta í tísku fyrir
árshátíðirnar.
Hvað verður í tísku á vor-
mánuðum.
Tíska & Förðun
sérblað
Ég hefi lesið marg-
ar greinar með og
móti inngöngu í ESB.
Fáar eru jafn skýrt
framsettar og sú sem
birtist í Mbl. föstu-
daginn 14. janúar eft-
ir Sigurbjörn Svav-
arsson hagfræðing
um áhættu þess að
ganga í ESB. Greinin
ætti að vera skyldu-
lesning í framhaldsskólum og fyrir
þá sem nú rembast við að ná fram
séríslenskum samningi. Ég hvet þá
sem hafa aðstöðu til að ljósrita
samninginn og hengja upp á vinnu-
stöðum að gera það. Ekki veitir af
núna þegar ESB hellir yfir okkur
auglýsingaskrumi fyrir hundruð
milljóna króna um ágæti ES.
Frá upphafi hefur verið ljóst
hvað er í pakkanum og því verður
ekki breytt. Það sem „okkar“
menn eru að semja um eru ekki
breytingar á innihaldinu, heldur
tímabundnar undanþágur til aðlög-
unar að ESB-regluverkinu. Næsta
víst er að aðlögunin verður ekki til
65 ára með ákvæði um framleng-
ingu í önnur 65 ár, eins og við höf-
um samið af okkur um afnot af
orkuauðlindum þjóð-
arinnar.
Upphaflega var um-
sóknin um inngöngu í
ESB send með það að
markmiði að sjá hvað
væri í pakkanum.
Lengi vel héldu
stjórnvöld því fram að
við værum að semja
um breytingar á
reglugerðum ESB
með tilliti til sér-
íslenskra hagsmuna.
Seinna rann upp fyrir
ESB-sinnum að ekki væri lengur
hægt að ljúga um innihald pakkans
og breyttu þeir þá umsókninni í
aðildarumræður. Þar með var stig-
ið stórhættulegt skref inn á nýja
braut og næsta víst að aðlögun
með undanþágum til nokkurra ára
tekur við af aðildarumræðunum,
sem nú eru í gangi. Eftir það verð-
um við valdalaust peð á skákborði
ESB, þrátt fyrir allt tal Halldórs
og Valgerðar Sverrisdóttur um að
við yrðum að komast að borðinu og
taka þátt í ákvörðunum með hinum
Evrópuþjóðunum. Ákvörðunum
um hvað? Hagsmuni Íslands eða
ESB?
Eitt af því sem ekki hefur komið
fram er að ekki er spurning hvort
heldur hvenær ESB setur vernd-
artolla á vörur frá þeim löndum í
Asíu sem hafa mestan hagvöxt. Við
það verða öll aðföng miklu dýrari,
eins og t.d. rekstrarvara og fram-
leiðsluvélar til iðnaðarframleiðslu,
sem hefur neikvæð áhrif á upp-
byggingu atvinnulífsins og hægir á
hagvextinum. ESB-sinnar hafa
mikið haldið á lofti að við inngöng-
una í ESB opnist svakalega stór
markaður í Evrópu, en gleyma að
um leið lokum við á enn stærri
markað í vestri, sem við með
EFTA erum aðilar að.
Hvað er í pakkanum?
Eftir Sigurð
Oddsson » Því miður hefur
komið fram í aðgerð-
um ríkisbankans til
hjálpar illa stöddum fyr-
irtækjum að hér hafði
Þorvaldur rétt fyrir sér.
Sigurður Oddsson
Höfundur er verkfræðingur.
Haldbesta röksemd fyrir inn-
göngu í ES var í langri grein Þor-
valdar Gylfasonar í Fbl. Hann hélt
því fram við gætum ekki stjórnað
landinu, því við værum of fá til að
hindra að klíkuskapur byggður á
skyldleika, kunningsskap og póli-
tík væri settur ofar þjóðarhags-
munum. Því miður hefur komið
fram í aðgerðum ríkisbankans til
hjálpar illa stöddum fyrirtækjum
að hér hefur Þorvaldur rétt fyrir
sér. Er það nægileg ástæða til að
loka sig inni með takmarkaðan rét
til ákvarðanatöku um okkar hags-
munamál. Líkt og Evrópuþjóðir
lokuðust og stöðnuðu á bak við
járntjaldið. Getur verið að ástæða
þess að Samfylkingin vilji frekar
selja Icelandic Group (SH) á lægra
verði til Triton en til fyrirtækis í
Kanada sé sú að þar með sé stigið
skref í átt til ESB? Triton er vog-
unarsjóður skrásettur á afla-
ndseyjunni Jersey, en kanadíska
fyrirtækið er framleiðslu- og sölu-
fyrirtæki, sem við höfum lengi átt
góð viðskipti við.
Komi til þess að þjóðin fái að
velja væri gott ef ESB-sinnar
settu fram kosti þess að ganga í
bandalagið á jafn skýru máli og
Sigurbjörn setti fram ókosti þess,
þannig að almenningur gæti vegið
og metið kosti og ókosti þess að
ganga í ESB.
Hvers vegna eru
bifreiðatrygg-
ingagjöld ekki tekju-
tengt? Ef við lendum
í bifreiðaslysi og
fáum bætur frá
tryggingafélaginu eru
þær tekjutengdar að
ákveðnu hámarki og
því eru þeir sem eru
á lágum launum, bót-
um og námslánum að
borga með trygg-
ingagjöldum sínum fyrir þá launa-
háu. Að tekjutengja bætur út frá
tryggingafélögunum, en ekki einn-
ig inn er bara löglegur þjófnaður
frá Alþingi.
Ef láglaunaþræll fær 10 millj-
ónir í bætur þá fær útvalinn há-
launasérann 40 milljónir í sinn
hlut fyrir sama líkamstjón. Þetta
er löglegur þjófnaður. Hvers
vegna þarf láglaunafólkið, bóta-
þegar og námsmaðurinn að borga
fyrir þá hálaunuðu, sem vegna
sinna háu launa fá einnig betri og
ódýrari tryggingar hjá trygginga-
félögunum. Þetta er gróft stjórn-
arskrárbrot þar sem hún bannar
mismunun. Hvað er að hjá ykkur,
þingmenn, sem hafið samið og
samþykkt svona gróf lög sem mis-
muna svona slösuðu fólki? Er það
svo að þið með ykkar laun og lög-
menn og annar hálaunaaðall hafið
það betra eftir slys, en sauð-
svartur almenningur? Að níðast
bótalega á öðrum slösuðum til
þess að fá fjórum sinnum betri
bætur sjálfur er fáránlega
skammarlegt fyrir ykkur, þing-
menn.
Hvers vegna fá ekki allir sömu
bætur, fyrst allir borga svo til það
sama í tryggingagjöld til trygg-
ingafélaganna? Er það ekki bara
eðlileg krafa að allir séu jafnir
fyrir lögum, þingmenn og laga-
spekingar?
Þá er það annað sem er ótrú-
legt óréttlæti og það er gjafsókn
til að fara í mál við fjársterk og
fjársjúk tryggingafélögin. Hvers
vegna er ekki í skaðbótalögunum
ákvæði um rétt slasaðra til að fá
gjafsókn til að fara í mál við
tryggingafélögin? Það er oft búið
að neita mér um gjafsókn til að
fara í mál við Vátryggingafélagið
VÍS og er það eðlilegt að í gjaf-
sóknarnefnd er stjórnarmaður í
VÍS? Fyrrum stjórnarmaður í
Kaupþingi banka, o.fl. félögum, er
á launum hjá ríkinu í gjafsókn-
arnefnd.
Ég fékk rúmlega 400.000 kr. í
bætur frá VÍS vegna umferð-
arslysa frá 1999 og hef verið 100%
óvinnufær í þau tíu ár sem liðin
eru frá slysinu. Ef ég fæ ekki
gjafsókn, en beiðni um hana er nú
enn og aftur fyrir nefndinni, verða
bætur mínar vegna slysins um 60
kr. á dag eða um 2.000 kr. á mán-
uði og það dugir ekki fyrir strætó
aðra leið, hvað þá fyrir lyfjum og
læknishjálp?
Vátryggingasvindl og þú borg-
ar, segir Vigdís Halldórsdóttir,
lögfræðingur hjá Sam-
tökum fjármálafyr-
irtækja, í grein í
Fréttablaðinu og segir
þar að þeir sem
ákveða að svindla á
tryggingafélaginu sínu
séu í raun að svindla á
okkur sem erum heið-
arlegir viðskiptavinir.
En hvað segir hún um
svik og svindl trygg-
ingafélaga gagnvart
bótaþegum með því að
nota hér lögfæðinga
og ótakmarkaða fjármuni til að
vaða yfir slasað fók sem getur
ekki varið sig vegna veikinda og
fjárskorts vegna umferðarslyss?
Þá hefur Hæstiréttur Íslands
með dómi gefið læknum trygg-
ingafélagsins VÍS fullt og ótak-
markað leyfi til að ná í sjúkra-
skrár slasaðra hjá Landspítalanum
og falsa þær. Allar sjúkraskrár og
það án heimildar viðkomandi sjúk-
lings eða leyfis frá yfirstjórn LSH.
Það eina sem læknarnir þurfa að
gera er að ljúga um umboð sem er
aldrei í málinu og ekki er þörf á
að nota það á nokkurn hátt til að
fá óheftan aðgang. Hvar er Per-
sónuverndin? Bara brandari að
áliti Hæstaréttar Íslands og allt
gert fyrir VÍS. Hvers vegna?
Tryggingafélögin gera flottar og
dýrar kannanir um svik og svindl
kúnna sinna og ásaka fjölda þeirra
svo um svik og svindl. En hvar er
könnunin um svik og svindl trygg-
ingafélaganna gagnvart tjónþol-
um? Ekkert, bara þögnin og árásir
á bótaþega tryggingafélaganna til
að gera alla þeirra kúnna sem eiga
rétt á bótum að svindlurum.
Hvað um „bótasjóðina“ ? Hvar
eru þeir? Einn 11 milljarða fór og
millilenti á Tortóla á leið í lúx-
usíbúðir í Kína? Kom síðan sem
sundlaug á Álftanesi til syndaaf-
lausnar fyrir Sjóvá. Annar, um 30
milljarðar, fór af því sem fréttir
segja til Hollands og þaðan til Pa-
nama, þar sem hann hvarf.
Hvar er Fjármálaeftirlit, sem
ber að sjá um að bótasjóðirnir sé
varðir fyrir þjófum og ræningjum
innan frá? FME gerir ekkert því
þar var ekkert eftirlit með þjófn-
aði innanhúss hjá tryggingafélög-
unum. Hvers vegna FME?
Er e.t.v. tregðan á gjafsókn sú
að allir bótasjóðir tryggingafélag-
anna eru tómir og því ekkert hægt
að borga í bætur?
Ný gjafsóknarlög voru tilbúin á
þingi og það í boði norrænu vel-
ferðarstjórnarinnar, en hurfu svo
á sama tíma og stjórn Jóhönnu og
Steingríms gerði aftur nokkurra
ára samning við sömu gjafsókn-
arnefndina. Já, og það með stjórn-
armanni VÍS í nefndinni aftur?
Að lenda í umferðarslysi og vera
í 100% rétti en fá ekki bætur eða
gjafsókn er fáránlegt og sýnir
bara hvernig óréttlætið er varið af
þingmönnum og þeim lögmönnum
sem komið hafa að lagagerðinni
fyrir þá. Þá er þeirra eigin réttur
og þeirra sem þeim eru þókn-
anlegir tryggður mun betur til
bóta í skaðabótalögunum á kostn-
að venjulegra láglaunaþræla, bóta-
þega og námsmanna. Hvers vegna
er þetta svona, þingmenn og
lagaprófessorar? Er þetta viljandi
gert? Þögn er sama og samþykki.
Bótasvindl trygg-
ingafélaganna
Eftir Guðmund
Inga Kristinsson
Guðmundur
Ingi Kristinsson
»Ef láglaunaþræll fær
10 milljónir kr. í
bætur fær útvalinn há-
launasérann 40 milljónir
í sinn hlut fyrir sama
líkamstjón. Þetta er lög-
legur þjófnaður.
Höfundur er öryrki og formaður
BÓTar.
Stórhöfða 21, við Gullinbrú, s. 545 5500
www.flis.is • netfang: flis@flis.is
lím og fúguefni
Sími 551 3010
Hárgreiðslustofan