Morgunblaðið - 28.02.2011, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 28. FEBRÚAR 2011
–– Meira fyrir lesendur
PANTAÐU AUGLÝSINGAPLÁSS
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
Föstudaginn 4. mars kemur
út hið árlega Fermingarblað
Morgunblaðsins.
Fermingarblaðið hefur verið eitt
af vinsælustu sérblöðum
Morgunblaðsins í gegnum árin
og verður blaðið í ár
sérstaklega glæsilegt.
MEÐAL EFNIS:
Veitingar í veisluna.
Mismunandi fermingar.
Fermingartíska.
Hárgreiðslan.
Myndatakan.
Fermingargjafir.
Fermingar erlendis.
Hvað þýðir fermingin?
Viðtöl við fermingarbörn.
Nöfn fermingarbarna.
Fermingarskeytin.
Boðskort.
Ásamt fullt af
spennandi efni.
FERMI GAR
PÖNTUNARTÍMI AUGLÝSINGA:
Fyrir kl. 16, mánudaginn 28. febrúar.
Ferm
ing
S
É
R
B
L
A
Ð
Þórður Gunnarsson
thg@mbl.is
Tískuvöruverslanakeðjan All Saints
er nú sögð vera í söluferli, en skila-
nefndir Kaupþings og Glitnis eiga
báðar hlut í fyrirtækinu. Sagt var
frá þessu í breskum fjölmiðlum í
gær. Breski kaupsýslumaðurinn
Kevin Stanford er meirihlutaeig-
andi All Saints og heldur á um 65%
hlut. Stanford þessi hefur í gegnum
tíðina stundað viðskipti með Baugi
Group, sem átti um tíma 35% hlut í
All Saints, sem skilanefndirnar
leystu til sín þegar BG Holding,
dótturfélag Baugs Group, var tekið
yfir af kröfuhöfum. Baugur keypti
hlutinn í All Saints árið 2006.
Skilanefndirnar sem eiga hlut í
All Saints eru sagðar hafa þrýst á
um söluna, en talið er að allt að því
140 milljónir punda getið fengist
fyrir All Saints. Það samsvarar
tæplega 27 milljörðum íslenskra
króna.
Stanford átti einnig 25% hlut í fé-
laginu Unity Investments, á móti
FL Group og Baugi sem áttu sinn
hvorn 37,5% hlutinn. Stanford var
meðeigandi að Materia Invest,
ásamt Þorsteini M. Jónssyni. Ma-
teria var stór hluthafi í FL Group.
Tapaði dómsmáli
Stanford er talinn skulda skilanefnd
Kaupþings um 250 milljónir punda.
Í mars á síðasta ári tapaði Stanford
dómsmáli gegn skilanefndinni, en
þá hugðist hann gefa út nýtt
hlutafé í All Saints. Skilanefnd
Kaupþings lagðist gegn því og
sagði að útgáfa nýs hlutafjár myndi
rýra þau veð sem Stanford hafði
lagt Kaupþingi til í All Saints, til að
fjármagna persónulegar lántökur.
Morgunblaðið/Ómar
Kaupþing Kaupsýslumaðurinn Kevin Stanford er sagður skulda skilanefnd
bankans um 250 milljónir punda, eða tæplega 50 milljarða íslenskra króna.
All Saints-versl-
anir í söluferli
 Skilanefndir sagðar þrýsta á sölu
FRÉTTASKÝRING
Þórður Gunnarsson
thg@mbl.is
Einstaklingar úr ýmsum geirum
samfélagsins hvöttu eindregið til
þess að Icesave-samningur númer II
yrði að lögum. Sá samningur var sem
kunnugt er felldur með 98% atkvæða
í þjóðaratkvæðagreiðslu, eftir að
Ólafur Ragnar Grímsson hafði synj-
að lögum þar að lútandi staðfestingar
þann 5. janúar 2010. Þórólfur Matt-
híasson, sem í dag er deildarforseti
hagfræðideildar Háskóla Íslands,
sagði í samtali við Fréttablaðið 26.
júní að stríðsástand gæti skapast í
efnahagslífi Íslands, færi svo að þing-
menn myndu ekki samþykkja ríkis-
ábyrgð, en á þessum tímapunkti stóð
meirihluti fyrir málinu ansi tæpt á
Alþingi. Benti Þórólfur á í sama við-
tali að yrði ríkisábyrgð ekki sam-
þykkt myndi engin erlend lánafyrir-
greiðsla fást til landsins, fyrirtæki
myndu fara unnvörpum í gjaldþrot
og Ísland yrði á sama stalli og Norð-
ur-Kórea og Kúba. „Þetta er alveg
hrikalega ljót sviðsmynd sem þá
kemur upp,“ var haft eftir Þórólfi í
Fréttablaðinu. „Ég þori eiginlega
ekki að hugsa þessar hugsanir alveg
til enda. Þess vegna er ég mjög hissa
á þeirri óábyrgu afstöðu sem stjórn-
málamennirnir sýna.“
Glapræði að borga ekki
Raunar áttu fleiri en Þórólfur eftir
að grípa til þess að líkja Íslandi við
Kúbu, færi svo að Icesave II yrði ekki
að lögum. Það gerði Gylfi Magnús-
son, dósent við viðskiptafræðideild
Háskóla Íslands og þáverandi við-
skiptaráðherra, í júní 2009. „Við vær-
um þá eiginlega búin að einangra
okkur frá umheiminum, værum kom-
in aftur á nokkurs konar Kúbustig,“
sagði viðskiptaráðherrann þáverandi
í samtali við fréttastofu Stöðvar 2. Í
júlí 2009 sagði einnig í aðsendri grein
Gylfa í Morgunblaðinu um Icesave
II: „Það er sama hvernig reiknað er.
Ekkert bendir til annars en að lands-
menn geti staðið undir skuldbinding-
um sínum vegna Icesave. Það verður
að sönnu ekkert gleðiefni. Full
ástæða er til að draga þá til ábyrgðar
sem komu Íslandi í þessa stöðu, bæði
fyrrverandi forsvarsmenn Lands-
bankans og aðra. Það væri hins vegar
hreint glapræði að stefna endurreisn
Íslands og öllum okkar samskiptum
við umheiminn í stórhættu með því
að neita að gangast við skuldbinding-
um okkar vegna Icesave og byggja
það á þeirri augljóslega röngu for-
sendu að við ráðum ekki við þær,“
skrifaði ráðherrann.
Ólafur Ísleifsson, lektor við við-
skiptafræðideild Háskólans í Reykja-
vík, sagði í samtali við Fréttablaðið
sumarið 2009 að Íslendingar ættu
varla annarra kosta völ en að sam-
þykkja þann Icesave-samning sem
þá lá fyrir. „[H]ugsanlega sé sá kost-
ur að hafna samkomulaginu lakari
vegna afleiðinga sem það kann að
hafa í för með sér,“ sagði hann. Ólaf-
ur kom að sama skapi í viðtal á Rás 2,
skömmu eftir að forseti Íslands skaut
Icesave. Nefndi Ólafur þá að Íslend-
ingar þyrftu á utanaðkomandi aðstoð
að halda til að höggva á þann hnút, og
vísaði þá helst á Evrópusambandið.
„Mér sýnist að það gæti verið mjög
æskilegt að leita eftir því, til dæmis
við Þjóðverja. Þar er nú kona for-
sætisráðherra, eða kanslari, í fyrsta
sinn í sögu Þýskalands. Alveg eins og
við erum hér með konu í fyrsta sinn
sem forsætisráðherra á Íslandi. Ég á
ekki von á öðru en þar gæti tekist
gott samtal,“ sagði Ólafur við Ríkis-
útvarpið snemma árs 2010.
Samtök atvinnulífsins þrýstu mjög
á það árið 2009 að Icesave-lög II yrðu
samþykkt. Vilhjálmur Egilsson,
framkvæmdastjóri samtakanna,
sagði þannig í viðtali við Viðskipta-
blaðið í ágúst 2009 að töfin á Icesave
hefði tafið alla framþróun á Íslandi.
Sagðist Vilhjálmur vona að málið
myndi klárast sem fyrst, enda hefði
það áhrif á fjármögnun atvinnulífs-
ins, lánshæfismat og aðra þætti. Vil-
hjálmur var inntur eftir því hvort ís-
lenska ríkið bæri ábyrgð á greiðslum
vegna Icesave. Svaraði hann því þá til
að pólitískt samkomulag væri fyrir
hendi í málinu: „Bretar og Hollend-
ingar eru búnir að greiða þetta út.
Það gerðu þeir í þeirri trú að við
myndum greiða,“ sagði hann.
Dýpkar kreppuna
Jón Steindór Valdimarsson, þáver-
andi framkvæmdastjóri Samtaka
iðnaðarins, skrifaði í aðsendri grein í
Morgunblaðinu í júlí 2009 að af-
greiðsla Icesave þyldi enga bið. „Ég
vil ekki hugsa þá hugsun til enda að
deilur um Icesave dragist á langinn
með tilheyrandi frystingu lánafyrir-
greiðslu til Íslands, áframhaldandi
óþolandi óvissu og viðvarandi úti-
stöðum Íslands við nágrannaríki. Það
að hafa slíkt hangandi yfir sér leiðir
til frekari einangrunar Íslands og
dýpkar og lengir kreppuna. Engin
fyrirtæki geta búið við slíka óvissu,
íslenskt atvinnulíf getur ekki búið við
einangrun. Það getur þjóðin ekki
heldur,“ sagði í grein Jóns Steindórs.
Vart þarf að fjölyrða um að spádóm-
ar framkvæmdastjóra þessara
tvennra hagsmunasamtaka um fryst-
ingu lánafyrirgreiðslu rættust ekki
að fullu. Er skemmst að minnast þess
að stoðtækjaframleiðandinn Össur
sótti sér hundruð milljóna danskra
króna í hlutafjárútboði í Danmörku
haustið 2009. Jafnframt tryggði Mar-
el sér erlenda fjármögnun síðastliðið
haust fyrir 350 milljónir evra, sem
aðallega hollenskir bankar stóðu að.
Icelandic Group fékk að sama skapi
stóra endurfjármögnun hjá erlend-
um bönkum fyrir alls 150 milljónir
evra.
Morgunblaðið/Ómar
Icesave III Nýjustu Icesave-lögin voru samþykkt á Alþingi fyrir skemmstu
með 44 atkvæðum gegn 16, ríflega einu ári eftir samþykkt Icesave II.
Icesave sagt
þola enga bið
sumarið 2009
 Ýmsir háskólamenn töldu afskaplega
mikilvægt að samþykkja Icesave II