Morgunblaðið - 14.07.2011, Side 18

18
MORGUNBLAÐIÐ FIMMTUDAGUR 14. JÚLÍ 2011
Sunnlensk fjöll
umkringja
helgarfjörið
Veðurspá kl. 12 á laugardaginn
Heimild: vedur.is
G
ru
nn
ko
rt
:L
M
Í
113°
Steinar
512°
Stórhöfði
611°
Búrfell413°
Hæll
415°
Kálfhóll
414°
Sámsstaðir
511°
Hellisheiði
413°
Þingvellir
512°
Reykjavík
512°
Keflavíkurflugvöllur
711°
Grindavík
Milt veður verður víðast hvar um helgina en helst
munu sólargeislarnir ylja landsmönnum á vestan-
verðu Suðurlandi, þar sem er spáð 13-16 stiga hita.
Margt er að gerast á svæð-
inu í mannlífi og menningu,
en þar að auki býður nátt-
úra Suðurlands upp á
marga útivistarmöguleika.
Helgarferðin – Eltum sólina í sumar
Skoðaðu lista yfir
áhugaverða staði
á Suðurlandi, inni
á south.is
Önundur Páll Ragnarsson
onundur@mbl.is
Sunnlendingar og Suðurnesjamenn eiga von á
besta veðrinu um næstu helgi, ef spár ganga
eftir. Þeir sem ætla út úr bænum um helgina
veðja því á líklegan hest með því að halda sig
sunnan heiða.
Hæg norðanátt verður framan af helgi og
milt veður á Suðurlandi. Þrettán til sextán
stiga hiti, heitast í Vestmannaeyjum á laugar-
dag, en svo snýst vindurinn í suðaustlæga átt
og von er á dálítilli rigningu í Vestmanna-
eyjum og heldur kólnandi veðri á sunnudag.
Þá gæti verið vel við hæfi að halda sig á meg-
inlandinu.
Þótt ekki séu stórviðburðir í Vestmanna-
eyjum um helgina er þar mikið um að vera og
iðandi mannlíf. Undirbúningur fyrir þjóðhátíð
er í fullum gangi og verið að setja upp sviðið og
hlaða bálköstinn inni í Herjólfsdal. Nú er siglt
í Landeyjahöfn fimm sinnum á dag, en sam-
kvæmt upplýsingum frá ferðamannamiðstöð-
inni í bænum hefur straumur fólks til Vest-
mannaeyja aukist verulega eftir að brúin yfir
Múlakvísl fór um síðustu helgi. Margir hafa
breytt ferðaáætlunum sínum í vikunni, enda
ekki viljað hanga í röð klukkustundum saman í
Vík í Mýrdal. Í gær þurfti fólk að bíða hátt í
sólarhring í röð þar.
Endurbætt sundlaug
Fyrir þá sem ekki ætla að skella sér á sjálfa
þjóðhátíðina í Eyjum um verslunarmannahelg-
ina getur verið sniðugt að kíkja þangað núna.
Í Vestmannaeyjabæ er nýuppgerð sundlaug
með góðri aðstöðu fyrir börn. Þá er búið að
endurbæta byggðasafnið, sem segir sögu
eyjanna ýtarlega frá því fyrir Tyrkjaránið og
fram á vora daga. Náttúrugripasafnið er alltaf
vinsæll áfangastaður fyrir börnin og aldrei að
vita hvaða furðuskepnur má þar sjá, lífs eða
liðnar.
Svo er líka hægt að skella sér í siglingu út í
Klettshelli eða í kringum Heimaey á um það
bil einum klukkutíma. Fimm manns geta líka
leigt sér einn bát saman og fengið stjórnand-
ann til að fara þangað sem þá lystir, svona
næstum því. Einnig er hægt að gera sér ferð
upp í nýja hraunið þar sem ræktaður hefur
verið fallegur gróður, ganga á Eldfell eða fara
suður á Stórhöfða og skoða útsýnið. Fyrir þá
sem ekki taka með sér bíl til eyjanna er hent-
ugt að geta leigt sér Segway, sem eru raf-
knúnar standskutlur sem komast 40 kílómetra
á einni hleðslu.
Að öllu þessu sögðu er líka vel hægt að
skella sér á þau mörgu kaffihús og veitinga-
staði sem í bænum eru, slaka einfaldlega á og
gera ekki neitt.
Morgunblaðið/RAX
Seljalandsfoss Margir fleiri fossar eru á Suðurlandi. Til að mynda er Gljúfrabúinn rétt hjá og í Fljótshlíðinni eru margir fallegir fossar, sem gaman er að skoða, ekki síður en undir Eyjafjöllum.
Flóðið beindi ferðafólki til Eyja
Að slæpast í Vestmannaeyjum
» Fyrir þá sem ekki hafa komið áður
til Eyja er skyldumæting út á Skans-
inn, þar sem stafkirkjan stendur og
hægt er að fá fallegt útsýni yfir inn-
siglinguna.
» Þá er áhugavert að koma að bað-
kerinu þar sem Guðlaugur Friðþórsson
braut ísinn í mars árið 1984 og fékk
sér að drekka eftir sex kílómetra sund
frá sökkvandi skipi.
» Herjólfur fer sína fyrstu ferð til
Eyja klukkan tíu að morgni og síðasta
ferð til baka er frá Vestmannaeyjum
klukkan hálfníu að kvöldi.