Morgunblaðið - 30.08.2011, Síða 18

18 UMRÆÐAN
MORGUNBLAÐIÐ ÞRIÐJUDAGUR 30. ÁGÚST 2011
Sannir stuðnings-
menn Ísraels vinna að
því að það fari eftir
alþjóðalögum. Þetta
hefur ítrekað komið
fram í skrifum og við-
tölum við bandaríska
málvísinda- og bar-
áttumanninn Noam
Chomsky, sem er
væntanlegur til Há-
skóla Íslands hinn 9.
september í tilefni hundrað ára af-
mælis skólans. Í sama mánuði
verður Allsherjarþing Sameinuðu
þjóðanna, þar sem palestínsk yf-
irvöld hyggjast kalla eftir viður-
kenningu á ríki Palestínu.
Noam Chomsky birti grein í
tímaritinu „In These Times“ hinn
7. júlí síðastliðinn – http://
www.chomsky.info/artic-
les/20110707.htm – þar sem hann
fjallar um þann vanda sem Ísrael
stendur frammi fyrir. Sá vandi
gæti þýtt útskúfun, líkt og gerðist
með Suður-Afríku. Þetta veldur
viðskiptajöfrum Ísraels áhyggjum,
m.a. Idan Ofer sem varaði við því
að landið væri óðum að breytast í
S-Afríku, þar sem efnahagsafleið-
ing refsiaðgerða gegn þeim kæmi
niður á hverri einustu fjölskyldu.
Á meðan eru Ísrael og Washing-
ton í mikilli diplómatískri herferð
til að koma í veg fyrir „tsunami“,
orðalag sem varnarmálaráðherrann
Ehud Barak hefur meðal annarra
notað sem aðvörun, ef palestínkst
ríki verður að veruleika.
Meira en hundrað ríki hafa í
reynd þegar viðurkennt Palestínu.
Óttinn er ekki einungis gagnvart
því að heimurinn muni fordæma
Ísrael vegna brota á alþjóðalögum,
heldur einnig gagnvart því að
brjóta á ríki sem hefur verið við-
urkennt af SÞ.
Í Fréttablaðinu, 5. júlí, birtist
lítil frétt, þar sem segir frá því er
Birgitta Jónsdóttir, þingmaður
Hreyfingarinnar, heimsótti banda-
ríska skipið „Audacity
of Hope“ (Dirfska
vonarinnar) í Aþenu.
Grikkir féllust á að
kyrrsetja umrætt skip
ásamt fleiri (þ.e.a.s.
þau sem ekki höfðu
þegar orðið fyrir
skemmdarverkum).
N. Chomsky rifjar
upp að í janúar 2009
hafi Grikkland sýnt
þann stórkostlega
manndóm að loka
höfnum sínum fyrir
bandarískum vopnum á leið til Ísr-
aels meðan hin grimmilega banda-
rísk-ísraelska árás stóð yfir á Gaza.
En þar sem efnahagsstaða Grikkja
hefur í raun og veru rænt þá sjálf-
stæðinu er of mikil áhætta fyrir þá
að endurtaka þau einstöku heilindi.
Í Ísrael voru flestir sannfærðir
um sakleysi sérþjálfuðu hermann-
anna gegn farþegunum á tyrk-
neska skipinu með hjálpargögn til
Gaza í maí 2010 er 9 manns voru
drepnir. Það er enn eitt dæmið um
sjálfskaðandi óraunsæi sem heltek-
ur samfélagið.
Diplómatískt frumkvæði og frið-
samlegar aðgerðir fulltrúa Palest-
ínu eru ógn gegn þeim sem skil-
greina ofbeldi fullkomlega útfrá
sínum hagsmunum. Nýlegir at-
burðir við landamærin að Egypta-
landi eru lýsandi dæmi um við-
brögð stjórnvalda í Ísrael þar sem
fimm egypskir lögreglumenn féllu
þegar ísraelskir hermenn reyndu
að elta þá uppi sem skutu á rútu
þar, átta Ísraelar féllu. Ísraelski
herinn gerði árásir á Gaza í kjöl-
farið þar sem 15 Palestínumenn
féllu.
Í kvöldfréttum Ríkisútvarpsins í
dag, sunnudag 21. ágúst, segir að
Arababandalagið fordæmi árásir
Ísraelsmanna á Gaza og að SÞ
verði að skerast í leikinn. Áskorun
þessa efnis var samþykkt á sér-
stökum neyðarfundi bandalagsins í
dag. Útbreiddasta dagblað Ísraels,
Haaretz, varaði við því að átökin
gætu stigmagnast engum til góðs.
Jafnframt er varað við pólitískum
afleiðingum á alþjóðavísu grípi Ísr-
aelar til svipaðra aðgerða gegn
Palestínumönnum og árásirnar
2008-09, þegar 1400 Palestínumenn
létu lífið.
Ísraelar heita rannsókn án þess
að hafa beðið afsökunar. Deilurnar
eru mjög alvarlegar fyrir Ísrael.
Friðarsamkomulag þjóðanna frá
því 1979 hefur verið einn af horn-
steinum varnarmálastefnu Ísraels í
rúma þrjá áratugi. Hins vegar hef-
ur það ekki verið einn af horn-
steinum stöðuleika fyrir Egypta,
líkt og haldið hefur verið fram.
Þvert á móti hefur hann verið
grundvöllur óstöðugleika í landinu.
Þess vegna vill egypskur almenn-
ingur segja honum upp. Þetta seg-
ir N. Chomsky. Samningurinn úti-
lokaði Egypta frá deilum Ísraels
og Araba, þ.e.a.s. útilokaði eina
mögulega hemilinn á hernaðar-
aðgerðum Ísraels og gaf þeim í
raun og veru frelsi til að halda
áfram aðgerðum á hernumdu
svæðunum og að ráðast á nágranna
sína í norðri.
Meirihluti fólks í Egyptalandi og
víðar í arabaheiminum lítur á
Bandaríkin sem sína helstu ógn og
er því vel meðvitað um órjúfanlegt
hlutverk Bandaríkjanna í útþenslu
Ísraels. Því hugnast Wasington-
Ísrael illa sú lýðræðisvakning sem
þar hefur orðið. Lýðræðistalið er
einungis fagurgali meðan vinveitt
stjórnvöld eru nægilega öflug til að
halda aftur af almenningi.
„Vinir“ Ísraels mættu hugleiða
varnaðarorð Noams Chomsky
Eftir Ara
Tryggvason »Munu Bandaríkin
hindra viðurkenn-
ingu á Palestínu á alls-
herjarþingi Sameinuðu
þjóðanna í september?
Ari Tryggvason
Höfundur er stuðningsfulltrúi á geð-
deild LSH og er meðlimur í Félaginu
Ísland-Palestína.
Gamalt máltæki
segir að enginn viti
hvað átt hefur fyrr
en misst hefur. Þessu
er ég ekki sammála.
Það er svo yfirmáta
sorglegt að átta sig
ekki á mannkostum
vinar fyrr en að hon-
um látnum. Ég hef
átt marga góða vini
og fundið og vitað
hvað þeir voru mik-
ilvægir og sérstaklega á meðan
þeir lifðu. Hitt er svo minning. Í
mínum huga er góð manneskja
sólargeisli í mannflórunni. Það
gefur augaleið að nærvera hennar
er þægileg og gefandi.
Fyrir tuttugu og einu ári varð
ég ósjálfbjarga eftir slys. Þá
björguðu slíkar manneskjur lífi
mínu með ljúfmennsku sinni og
öðrum mannkostum. Svo sterkt
var þetta samferðafólk mitt að
skemmdu eplin höfðu engin áhrif.
Í mörg ár gekk þó á ýmsu áður en
líðan mín varð viðunandi. Þannig
var það fram að síðustu áramótum
að borgarstjórinn ákvað að segja
upp samningum við Vinun, sem er
sérlega metnaðarfullt umönn-
unarfyrirtæki, og ráða ólærða
konu yfir alla starfsemina. Hún
réð svo fólk á sama mennt-
unarstigi hvað umönnun varðaði.
Umskiptin voru rosaleg og hafa
haft slæm áhrif á mig. Fyrir
stuttu voru tvær ungar konur frá
þessu fyrirtæki Reykjavík-
urborgar að taka mig úr rúmi, en
fórst það svo klaufalega að ég
meiddist á hnjám og virðist það
varanlegur skaði, því síðan er ég
aldrei verkjalaus. Sársaukinn var
svo mikill að mér sárnaði og sagði
að þær yrðu að fara varlega og
vera samtaka. Úr munni annarrar
þeirra kom þá orðaflaumur mikill
og yfirvegaður, gerður til að lít-
illækka mig. Frá þessum mátt-
arstólpa samfélagsins fékk ég að
heyra hvað ég væri ómerkilegur
og engum til gagns. Ég gæti fall-
ist á að vera gagnslítill. Hún lét
sig hins vegar ekki muna um að
hafa það allan pakkann og innræti
sitt með. Ég veit ekki
hvort þú lesandi góður
hefur þurft að um-
gangast fólk sem þér
finnst óþægilegt að
hafa nálægt þér. Aflei-
tast er þó að vera
ósjálfbjarga og hafa
ekkert um það að
segja hverjir annast
mann. Vera búinn að
missa frelsið. Það er
nógu slæmt að vera
lamaður frá hálsi.
Máttlaus í hjólastól, þótt ekki
bættist ófrelsi við. Það segir sig
sjálft og hefur sýnt sig að umönn-
unarstörf henta ekki öllum. Nú
kvíði ég öllum helgum. Reyndar
kvíði ég öllum dögum nema þeim
þremur morgnum sem Vinun er.
Þótt Vinun sé ljós í tilveru minni
hefur núverandi borgarstjóra tek-
ist að skerða lífslöngun mína með
breytingunni. Mér sýnist hann
vera undir áhrifum Dags B., sem
stundar svokölluð samræðustjórn-
mál, en þau eru bara innihalds-
laust orðagjálfur. Hann gerir
mönnum erfitt að ná í sig og
mætti vera orðheldnari. Aldrei fyr
en nú hafa almennir borgarar átt í
erfiðleikum með að ná fundi borg-
astjóra síns. Eitt er víst að þessir
tveir menn, Dagur og Jón, eiga
ekkert með að beita valdi sínu
gegn samborgurum sínum. Þeir
virðast ekki skilja til hvers né fyr-
ir hverja þeir voru kosnir. Þetta
er ömurleg staðreynd og fyrir því
finna fatlaðir meira en aðrir. Aldr-
ei hef ég fundið betur hvað Davíð
Oddsson ber af slíkum sem gull af
eir. Þeir verða svo agnarsmáir í
samanburði við hann. Ég skora á
hann að koma aftur í stjórnmálin.
Hann færi létt með að velta lið-
leskjum úr sessi.
Sviptur frelsi
Eftir Albert Jensen
Albert Jensen
» Aldrei fyr en nú hafa
almennir borgarar
átt í erfiðleikum með að
ná fundi borgastjóra.
Höfundur er trésmíðameistari.
Nei og aftur nei! Vig-
dís forseti sagði að 100
ár þyrfti fyrir þjóðina
til að afla sér borg-
aralegrar menningar,
en lærdómsferil okkar
væri aðeins 67 ár og
meðal ríkjandi mein-
semda væri umræðu-
formið í pólitískri um-
ræðu sem Halldór
Kiljan hafði kallaði
þrætubók og stundaði sér til dægra-
styttingar milli bókaskrifa. Rányrkja
útrásarvíkinga í peningahirslum
bankanna eða draumsýnir og yfirboð
náttúrulausra „náttúruvernd-
arsinna“, innmúraða í draumheima
þeirra sem hafa ekki annað að gera,
mega aldrei komast í þá aðstöðu að
ræna af okkur sjálfræði og efnahags-
legu sjálfstæði aftur. Við erum þrátt
fyrir allt sterkrík og hámenntuð þjóð
sem byggjum ríkt og gjöfult land.
Við landsmenn allir elskum ís-
lenska náttúru og virðum, líka nýt-
ingarmenn náttúruauðlinda. Bændur,
sjómenn og virkjunarsinnar hafa
unnið eins og orkan leyfir á hverjum
tíma á hagrænan hátt, með hina hag-
rænu náttúruvernd í huga sem felst í
að stuðla að hæfilegri nýtingu og
koma í veg fyrir rányrkju eða spjöll á
auðlindum og hlunnindum til lands og
sjávar svo að heims-
athygli er vakin á okkar
aðferðafræði og ríki-
dæmi. Þjóðin bíður eftir
frekari virkjun og nýt-
ingu auðlinda, það er
verkefnið en ekki
vandamál. Fremsta
krafa landsmanna er
auðvitað að auka hag
sinn – efla menningu
sína – skapa börnum
sínum þau skilyrði til
hugar og handar að
sambærilegt sé við það
besta í samfélagi þjóða í nútíð og
framtíð. Þess vegna verðum við m.a.
að nýta auðlindir okkar, virkja, nýta
og njóta af fullri reisn, en detta ekki í
drullupolla meðalmennsku komma-
tittanna sem sífellt vilja búa til póli-
tíska þröskulda í öllum framfara-
málum. „Uppkastið“ er bara rándýr
einskisnýtur þröskuldur sem lendir á
okkur orkunotendum að borga háu
verði. Það er óbragð í munni þegar
maður verður þess var að fulltrúar
okkar landsmanna í stjórnun orku-
fyrirtækja og hálaunað forstjóralið
eru kjark- og duglaust til að verjast
þessari innfluttu grillu sem varð til,
þegar akademískum þjóðarbetr-
ungum var útrýmt úr verka-
mannaflokkum Evrópu vegna sér-
leiða sinna og að villa fyrir ásýnd
sinni sem fyrrverandi kommatittir og
sambandsleysi við þjóðarsálina. Þá
urðu rauðu gunnfánarnir grænir í
Þýskalandi og þýskmenntaðir fluttu
þetta pólitíska leikrit til landsins þeg-
ar áhrif þeirra dvínuðu í kommaflokki
okkar, Alþýðubandalaginu. Það er
með öðrum orðum krafa okkar að
hugsuðir nýtingar auðlinda taki þátt í
þessari þrætubók.
Hvað það er sem fær þá vælukjóa
sem kalla sig verndara náttúrunnar
til mikilla viðbragða um stóra sigra í
nýja „uppkastinu“ um virkjunarmál
skil ég engan veginn. „Uppkastið“ er
bara ruglórar, reyndar átakanleg
friðþægingartilraun til að halda lífi í
núverandi ríkisstjórn. Vælukjóarnir
hafa verið tilkallaðir að öllum frétta-
miðlum síðan plaggið var kynnt en
enginn fulltrúi framfaraafla á við-
komandi landsvæði eða atvinnulífs er
fenginn til. Það hlýtur að vera mikið
af jarðsambandslausum fréttastofum
þar sem kommatittirnir fá skotleyfi á
hámenntaða sérfræðinga án fag-
legrar fyrirhafnar m.a. með fullyrð-
ingum um að nýtingartillögur sér-
fræðinga séu tómar vitleysur. Því
verður ekki trúað að almenni atvinnu-
rekandinn og launamaðurinn sem eru
nú krossfestir í óáran íslenskra pen-
ingamála muni framar ljá því hug eða
heyrn að láta blekkjast af jarð-
sambandslausum yfirboðum og rugli
náttúruleysingjanna. Meginspurn-
ingin er: Hvar eru tækifæri fyrir okk-
ar unga og vel menntaða fólk í næstu
framtíð?
Svigrúm hefðbundinna atvinnu-
greina til aukningar á atvinnutæki-
færum er mjög takmarkað. Staða
sjávarútvegs er slík að vart er þess að
vænta að þar verði mikil nýsköpun og
fjölgun tækifæra. Sama niðurstaða er
í landbúnaði og ferðaþjónustu. Bygg-
ingar- og framleiðsluiðnaður eiga í
vök að verjast. Rányrkja í peninga-
hirslum bankanna eða taumlaus
blekkingarvefur, draumsýnir og yf-
irboð náttúrulausra náttúruvernd-
arsinna voru ekki bara stunduð af út-
rásarvíkingum og náttúrulausum.
„Dagur er að kveldi kominn“ sagði
Karl Th. Birgisson ritstjóri í aðdrag-
anda sveitarstjórnarkosninga, en við
það er rétt að bæta nú, að það er
komið hánætti hjá foringjaliði Sam-
fylkingarinnar og forystu hennar í
ríkisstjórn. Dagur er auðvitað fjall-
myndarlegur, vel menntaður, sér-
greindur einstaklingur, sem sagt
sósíaldemókrati af skandinavísku
gerðinni, en um leið er meðal-
mennskan sem leiðtogi og varafor-
maður afgerandi andlegur ókostur
fyrir flokkinn. Við verðum að fram-
leiða og framleiða verðmæti til að
jafnvægi náist á öllum sviðum efna-
hagsmála. Engin önnur leið er boðleg
fjölskyldunni á Íslandi.
Þarf að vera svona erfitt
að vera Íslendingur?
Eftir Erling Garðar
Jónasson » Við verðum að fram-
leiða og framleiða
verðmæti til að jafnvægi
náist á öllum sviðum
efnahagsmála. Engin
önnur leið er boðleg fjöl-
skyldunni á Íslandi.
Erling Garðar Jónasson
Höfundur er tæknifræðingur.
Spilamennska hafin
í Gullsmáranum
Spilamennska í Gullsmára hófst
fimmtudaginn 18. ágúst. Þátttaka
hefur verið ágæt, það sem af er.
Fimmtudaginn 25. ágúst var spilað á
10 borðum. Úrslit í N/S:
Björn Árnason - Auðunn R.Guðmss. 201
Páll Ólason - Þorsteinn Laufdal 197
Guðrún Hinriksd. - Haukur Hanness. 196
A/V
Sigurður Njálsson - Pétur Jónsson 233
Ármann Láruss. - Guðlaugur Nielsen 209
Hrólfur Gunnarsson - Haukur Guðmss. 187
Spilað er á mánudögum og
fimmtudögum og hefst spilamennska
kl.13. Allt spilaáhugafólk velkomið.
Bridsdeild FEB í Reykjavík
Tvímenningskeppni spiluð í Ás-
garði, Stangarhyl 4, fimmtudaginn
25. ágúst. Spilað var á 11 borðum.
Meðalskor: 216 stig. Árangur N - S:
Björn Péturss. - Valdimar Ásmundss. 249
Magnús Oddss. - Oliver Kristóferss. 245
Árangur A - V:
Albert Þorsteinss. - Bragi Björnsson 266
Ægir Ferdinandss. - Helgi Hallgrímss. 254
Eldri borgarar Hafnarfirði
Þriðjudaginn 23. ágúst var spilað á
13 borðum hjá FEBH (Félag eldri
borgara í Hafnarfirði), með eftirfar-
andi úrslitum í N/S:
Júlíus Guðmundss. - Óskar Karlss. 379
Oliver Kristóferss. - Magnús Oddss. 351
Albert Þorsteinss.- Auðunn Guðmss. 347
AV.
Stígur Herlufsen - Sigurður Herlufsen 383
Katarínus Jónsson- Oddur Jónsson 351
Bjarnar Ingimars - Bragi Björnsson 330
BRIDS
Umsjón Arnór G.
Ragnarsson| norir@mbl.is