Morgunblaðið - 27.09.2011, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 27. SEPTEMBER 2011
Gísli reiknar með að hægt verði að
hefja slátrun á stærsta fiskinum
að ári.
„Þetta er fín vinna. Á svona
dögum er ekki amalegt að sitja
hér í fjöruborðinu,“ segir Gísli.
Langaði að breyta til
Gísli Ægir er einn þeirra starfs-
manna Fjarðalax sem flutt hafa
vestur, vegna vinnunnar. Hann og
kona hans, Anna Vilborg Rúnars-
dóttir, eru frá Bíldudal en fluttu
suður fyrir átta árum. „Konan fór
í nám og okkur langaði að breyta
til,“ segir Gísli en viðurkennir
einnig að atvinnutækifærunum
hafi farið fækkandi fyrir vestan á
þessum tíma. Hann var sjómaður
og byrjaði á sjó fyrir sunnan en
hefur mest unnið við sölumennsku
síðustu árin.
Bíldudalur togaði alltaf enda
eiga þau fjölskyldur sínar og vina-
hóp þar. Gísli fór á sjó fyrir vest-
an, til að bjarga fjárhagnum, og
stóð svo til boða að ráða sig til
Fjarðalax. Svo vel vildi til að
Anna fékk vinnu sem deildarstjóri
framhaldsdeildarinnar á Patreks-
firði í kjölfarið. Þau eiga þrjú börn
þannig að 1. júlí fjölgaði um fimm
á íbúaskrá Bíldudals og þar með
Vesturbyggðar.
Þau hafa ekki orðið fyrir von-
brigðum með ákvörðun sína að
flytja vestur. „Bíldudalur er góður
staður. Börnin hafa mikið frelsi,
þau hafa meira svæði en bakgarð-
inn í blokkinni til að leika sér. Hér
geta þau farið til afa og ömmu og
það eru forréttindi fyrir börn,“
segir Gísli.
Húsin fengið nýtt hlutverk
Íbúum á Bíldudal hefur fækkað
mikið en það var þó ekki auðvelt
fyrir fjölskylduna að finna stað til
að búa á því mörg húsanna hafa
fengið nýtt hlutverk, eru nýtt sem
sumarhús. „Ég skil það vel. Hér
er æðislegt að vera yfir sumarið.
Bíldudalur er fallegur staður og
þar er veðursæld á sumrin. Þá er
vinaleg stemning í þorpinu. Eng-
inn þarf að vera félagslega ein-
angraður, alltaf er hægt að
skreppa í kaffi í hafnarskúrnum
eða annað, ef mann vantar félags-
skap,“ segir Gísli. Hann segir að
þetta eigi við fleiri staði. „Fólk í
höfuðborginni á bara eftir að upp-
götva þetta,“ segir hann.
Gat fengið góða vinnu hér
 Fjölgaði um fimm á íbúaskrá Bíldudals þegar Gísli Ægir og Anna Vilborg fluttu aftur heim
 Uppbygging laxeldis eykur atvinnu og skapar tekjur í þorpunum á sunnanverðum Vestfjörðum
Morgunblaðið/Helgi Bjarnason
Eftirlit Gísli Ægir Ágústsson setur aftur út neðansjávarmyndavélina eftir að hafa hreinsað linsuna. Gísli og sam-
starfsmenn hans sitja annars við tölvuskjáinn í landi og fylgjast með fiskinum og stjórna fóðurgjöfinni.
VIÐTAL
Helgi Bjarnason
helgi@mbl.is
„Ég kom vestur af sömu ástæðum
og ég fór suður. Ég gat fengið
góða vinnu hér en ekki fyrir sunn-
an,“ segir Gísli Ægir Ágústsson,
starfsmaður fiskeldisfyrirtækisins
Fjarðalax ehf. á Vestfjörðum.
Hann situr við tölvuskjáinn í að-
stöðu fyrirtækisins í Dufansdal í
Fossfirði í Arnarfirði og stjórnar
fóðrun á laxi í kvíunum úti á firð-
inum. Er þetta fyrsta stöðin hér á
landi þar sem fóðrinu er dælt með
leiðslum úr tönkum í landi út í
kvíarnar og fóðruninni stjórnað að
öllu leyti úr landi.
Sextán starfsmenn eru hjá
Fjarðalaxi sem er með laxeldi í
sjókvíum í Tálknafirði og Arnar-
firði og er að undirbúa laxeldi í
Patreksfirði. Slátrun á laxi hefst á
næstu vikum og þá þarf að bæta
við sjö til tíu starfsmönnum. Starf-
semin er mikil vítamínsprauta fyr-
ir byggðirnar því auk fastra
starfsmanna er keypt ýmis þjón-
usta af fyrirtækjum á svæðinu og
víðar að.
Fyrsta fóðurstöðin í landi
„Við sjáum strax á myndavél-
unum þegar fóðrið fer niður fyrir
fiskinn. Þá er hann hættur að éta
og við skrúfum fyrir. Það fer því
minna fóður til spillis,“ segir Gísli.
Hann hefur auga með fiskinum
með aðstoð neðansjávarmynda-
vélar sem er úti í kvíunum og
stjórnar fóðurgjöfinni á annarri
tölvu. Þar er fylgst með birgða-
stöðu og fóðurnýting reiknuð út.
Greinilega þarf að hreinsa mynda-
vélarlinsuna og Gísli hyggst gera
það þegar samstarfsmaður hans
kemur á vaktina.
Kvíarnar eru 700 metra úti á
Fossfirði og fóðrinu er dælt úr
tönkum í landi með plastslöngum.
Fiskeldið á Arnarfirði hófst í
byrjun júní þegar fyrstu seiðunum
var sleppt í kvíar og annar
skammtur kom í ágúst. Gísli segir
að laxaseiðin hafi strax tekið vel
við sér og vaxið hraðar í sumar en
reiknað var með. Fiskurinn hafi
þre- eða fjórfaldað þyngd sína á
þessum tíma. Laxinn bætir litlu
við sig yfir veturinn vegna kuld-
ans en þarf sitt fóður til viðhalds.
Fjarðalax hefur fengið aðstöðu á Patreksfirði til að
vinna laxinn sem slátrað verður úr sjókvíum fyrirtæk-
isins í Tálknafirði í haust. Ráðnir verða sjö til tíu
starfsmenn til að vinna við slátrun og vinnslu.
Uppbygging sjókvíaeldis Fjarðalax gengur sam-
kvæmt áætlun, að sögn Höskuldar Steinarssonar
framkvæmdastjóra. Góð reynsla er komin á eldi í heilt
ár í Tálknafirði. Fiskinum þaðan verður slátrað fyrst
og hafist handa við það í lok október. Reiknað er með
að 600 til 800 tonn komi upp úr kvíunum.
Eldi hófst í vor í Arnarfirði og unnið er að undir-
búningi sjókvíaeldis í Patreksfirði. Fyrirtækið hefur
leyfi til framleiðslu á 1.500 tonnum á laxi í hverjum
firði á ári. Með hvíld sem gert er ráð fyrir þýðir það
að hægt verður að slátra 4.500 tonnum af laxi úr
hverjum firði þriðja hvert ár, ef eldið gengur að ósk-
um.
Bátar eru notaðir við fóðrun fisksins í kvíunum í
Tálknafirði. Höskuldur segir að erfitt sé að koma því
við þar að dæla fóðrinu úr landi, eins og gert er í Arn-
arfirði. Aðstæður séu ekki nógu góðar í landi. Aftur á
móti er stefnt að því að koma slíkri aðstöðu upp í
Patreksfirði, þegar kvíarnar verða settar út þar.
Svipuð tækni er notuð við fóðrun úr bátum og úr
landi. Fóðrað er með dreifara í miðri kví og fylgst
með á sjónvarpsskjá um borð í bátnum. Hins vegar
eru kerfin sem notuð eru í landi öflugri. Svo sparast
báturinn. helgi@mbl.is
Slátrun hefst á Patreksfirði í haust
FYRIRTÆKIÐ FJARÐALAX HEFUR LEYFI TIL FRAMLEIÐSLU Á 1.500 TONNUM Á LAXI
Fossafjörður Sjókvíarnar á Fossafirði eru í fallegu umhverfi,
skammt innan við Bíldudalsflugvöll. Laxinn hefur vaxið vel í sum-
ar, þrefaldað þyngd sína og gott betur.
Andri Karl
andri@mbl.is
Viggó Þórir Þórisson, fyrrverandi
framkvæmdastjóri Verðbréfaþjón-
ustu sparisjóðanna (VSP), sem
ákærður er fyrir stórfelld efnahags-
brot í starfi, lýsti sig saklausan af öll-
um ákæruatriðum þegar mál á hend-
ur honum var þingfest í Héraðsdómi
Reykjaness í gærmorgun. Málið
verður tekið fyrir að nýju 15. nóvem-
ber nk.
Ákæran á hendur Viggó Þóri er í
tveimur liðum og er hann aðallega
ákærður fyrir umboðssvik. Annars
vegar fyrir að hafa útbúið tilhæfu-
laust skjal á ensku í nafni VSP með
nafninu tryggingavörslusjóðir, undir-
ritað af honum sjálfum, og látið við-
gangast og ekki gert athugasemdir
við að í útboðslýsingu skuldabréfaút-
boðs bandaríska fyrirtækisins Napis
Inc., 18. október 2006, kæmi fram að
skuldabréfaútboðið væri tryggt með
700 milljóna bandaríkjadala trygg-
ingavörsluábyrgð á milli Napis og
VSP, en skjalið tryggingavörslusjóðir
var til grundvallar útboðslýsingunni.
Með þessu mun Viggó hafa skuld-
bundið VSP til að ábyrgjast
skuldabréfaútboðið, þannig að veru-
leg hætta var á að kaupendur skulda-
bréfa Napis krefðust greiðslna hjá
VSP greiddi Napis ekki af seldum
skuldabréfum.
Til vara er Viggó ákærður fyrir til-
raun til fjársvika með því að hafa
reynt að blekkja kaupendur skulda-
bréfa með umræddu skjali og einnig
útgáfu þriggja tilhæfulausra reikn-
ingsyfirlita
Skylt að greiða 200 milljónir
Jafnframt er Viggó ákærður fyrir
að hafa útbúið tvö tilhæfulaus skjöl á
ensku í nafni VSP með nafninu inn-
lánsskírteini sem tilhæfulaust stað-
festa að Napis hafi á innlánsreikningi
200 milljónir bandaríkjadala sem
megi greiða greiðsluþega eða lögleg-
um framsalshöfum við framlagningu
innlánsskírteinis eftir 31. desember
2009, og að þau séu framseljanleg án
framlagningar eða greiðslu framsals-
gjalds við framsalstilkynningu til
VSP.
Í ákæru segir að með því að hafa
útbúið umrædd skjöl og með notkun
þeirra skuldbatt Viggó VSP þannig
að VSP hefði við framlagningu lög-
legs handhafa innlánsskírteinis eftir
31. desember 2009 verið skylt að
greiða 200 milljónir bandaríkjadala.
Þá er hann til vara ákærður fyrir
tilraun til fjársvika með því að hafa
reynt að blekkja Bank of Scotland og
China Trust Commercial Bank til að
kaupa innlánsskírteinin.
Lengsta farbann í sögunni
Rannsókn málsins hófst snemma
árs 2007 og Viggó var gert að sæta
farbanni eftir að málið kom upp og
var því ekki aflétt fyrr en Hæstirétt-
ur felldi farbannið úr gildi 23 mán-
uðum síðar. Er enn um að ræða
lengsta farbann sem nokkur maður
hefur sætt hér á landi.
Málið þótti afar umfangsmikið og
teygir anga sína til sex landa; Bret-
lands, Bandaríkjanna, Filippseyja,
Kanada, Grenada og Austurríkis.
Lýsti sig saklausan af öllum ákæruatriðum
 Ákæra á hendur fyrrverandi framkvæmdastjóra Verðbréfaþjónustu sparisjóðanna þingfest í gær
 Sagður hafa misnotað aðstöðu sína í starfi og stefnt fjárhagslegum hagsmunum VSP í verulega hættu
Morgunblaðið/Árni Sæberg
Þingfest Viggó Þ. Þórisson og verjandi hans í Héraðsdómi Reykjaness.