Morgunblaðið - 27.09.2011, Blaðsíða 6
6 FRÉTTIRInnlent
MORGUNBLAÐIÐ ÞRIÐJUDAGUR 27. SEPTEMBER 2011
Gólfþjónustan er með sérlausnir
í smíði borða fyrir fyrirtæki og heimili.
Við smíðum borð algjörlega eftir þínu
máli svo sem borðstofuborð, sófaborð
og fundarborð.
SÉRSMÍÐI ÚR
PARKETI
info@golfthjonustan.is | golfthjonustan.is
S: 897 2225
BAKSVIÐ
Skapti Hallgrímsson
skapti@mbl.is
Alls fengu 3.562 fjölskyldur úthlutað
matargjöfum frá Fjölskylduhjálp Ís-
lands frá 1. júní 2010 til 31. maí á
þessu ári. Nærri 40% þeirra, 1.399
manns, höfðu fyrir börnum að sjá; á
þeim heimilum voru alls 2.482 börn.
Fjölskylduhjálpin úthlutaði 23.784
matargjöfum á tímabilinu. Þeir sem
þáðu mataraðstoð voru á aldrinum
18-86 ára, þar af rúmlega helming-
urinn konur.
Skráðar voru niður upplýsingar
um alla sem þáðu matargjafir á tíma-
bilinu og Félagsvísindastofnun Há-
skóla Íslands vann í framhaldinu
skýrslu um lýðfræðilega samsetn-
ingu hópsins.
„Það sem stakk mig mest var hve
margar barnafjölskyldur leita mat-
araðstoðar; hátt í 2.500 börn eiga
foreldra sem leita aðstoðar hjá okk-
ur,“ sagði Ásgerður Jóna Flosadótt-
ir, formaður Fjölskylduhjálpar Ís-
lands, við Morgunblaðið í gær.
Flestir sem fengu mataraðstoð
voru með íslenskt ríkisfang, 68%.
Fimmtungur var með pólskt ríkis-
fang og um 12% með annað erlent
ríkisfang. Hlutfallslega fleiri þeirra
útlendinga sem fengu aðstoð voru
karlar.
Flestir þeirra sem þáðu matarað-
stoð, 86%, höfðu lokið grunnskóla-
prófi eða höfðu minni menntun að
baki. Mikill meirihluti hópsins var
utan vinnumarkaðar, eða 93%.
Þriðjungur hópsins var með
skráða örorku, að langstærstum
hluta Íslendingar.
Fólk leitaði að meðaltali 6,7 sinn-
um til Fjölskylduhjálpar eftir mat-
araðstoð. Tæpur þriðjungur kom
einu sinni, 28% tvisvar til fjórum
sinnum, tæpur fimmtungur fimm til
níu sinnum og fjórðungur hópsins
leitaði tíu sinnum eða oftar til Fjöl-
skylduhjálpar eftir mataraðstoð.
Tæp 3% hópsins komu þrjátíu sinn-
um eða oftar.
Umtalsverður hópur þeirra, sem
voru í hjónabandi, var með erlent
ríkisfang, eða rétt tæpur helmingur.
Tíu fyrirtæki hlutu í gær viður-
kenninguna Fyrirtæki mannúðar
2010 og var það Ólafur Ragnar
Grímsson, forseti Íslands, sem af-
henti fulltrúum fyrirtækjanna viður-
kenningu fyrir hönd Fjölskyldu-
hjálpar Íslands.
Forstjóri Símans, eins fyrirtækj-
anna, notaði tækifærið og færði Fjöl-
skylduhjálpinni á fjórða hundrað
þúsunda króna; andvirði sölu gam-
alla síma sem fyrirtækið safnaði,
gerði við og seldi.
Ásókn í mataraðstoð hjá Fjölskylduhjálp Íslands
1000
800
600
400
200
0
1
heims.
Heimsóknafjöldi þeirra sem
sóttu sér aðstoð
Aldurssamsetning þeirra sem
sóttu sér aðstoð
2 - 4
heims.
5 - 9
heims.
10 - 14
heims.
15 - 19
heims.
20 +
heims.
1000
800
600
400
200
0
18-29
ára
30-39
ára
40-49
ára
50-59
ára
60-69
ára
70 ára
& eldri
Heimild: Félagsvísindastofnun Háskóla Íslands
911 927
769
629
234
92
25.6% 26%
21.6%
17.7%
6.6%
2.6%
1050
988
675
352
212
285
29.5%
27.7%
19%
9.9%
6%
8%
Með marga í mat
Barnafjölskyldur 40% þeirra sem þáðu matargjöf frá Fjöl-
skylduhjálpinni 2.482 börn 68% þiggjenda Íslendingar
Morgunblaðið/Eggert
Takk! Sævar Freyr Þráinsson, forstjóri Símans, tekur við viðurkenningu úr
hendi Ólafs Ragnars Grímssonar. Ásgerður Jóna Flosadóttir á milli þeirra.
Róbert B. Róbertsson
robert@mbl.is
Sjúkratryggingar Íslands (SÍ) hófu
nú fyrir skemmstu að miðla upplýs-
ingum um réttindastöðu sjúklinga
rafrænt til veitenda heilbrigðisþjón-
ustu, s.s. lækna og apóteka. Annars
vegar er upplýsingunum miðlað í
gegnum þjónustugáttir stofnunar-
innar, en hins vegar með rafrænni
tengingu. Þessi rafræna miðlun gef-
ur til dæmis upp hvort einstaklingar
eru sjúkratryggðir á Íslandi, þeir
hafa örorku eða ellilífeyri og hvort
einstaklingar eru með lyfjaskírteini
eða afsláttarkort vegna heilbrigð-
isþjónustu.
Heiðar Örn Arnarson, vef- og
kynningarfulltrúi SÍ, segir að ávinn-
ingur rafrænnar miðlunar sé mikill
fyrir alla aðila; sjúklinga, þjónustu-
veitendur og ríkið.
„Við erum að reyna að hvetja
lækna og þá aðila sem eru í heil-
brigðisþjónustu á Íslandi til að nota
þetta tæki. Kerfið er fyrst og fremst
til hagsbóta fyrir sjúklinginn, en
einnig fyrir rekstur í heilbrigðisgeir-
anum,“ segir Heiðar. „Þjónustuveit-
endur geta nú nálgast upplýsingar
rafrænt til að ákvarða rétta kostn-
aðarþátttöku sjúklinga, án frekari
staðfestingar eða framvísunar á af-
sláttarskírteinum og það er mikil
hagræðing fyrir fyrirtæki og stofn-
anir.“
Nýtist mjög mörgum
Heiðar segir jafnframt að með
þessu greiði sjúklingar það sem
þeim ber að greiða, og að það muni
verða óþarfi að sækja um endur-
greiðslu eða framvísa afsláttar-
skírteinum. „Allar upplýsingar
munu vera í þessu kerfi og þar af
leiðandi eykur þetta þægindi fyrir
sjúklingana. Sjúklingar munu ekki
þurfa að hafa áhyggjur af því að hafa
afsláttar-, örorku- eða ellilífeyris-
kort meðferðis þegar þeir sækja
heilbrigðisþjónustu,“ segir Heiðar
og bætir við að kerfið muni nýtast
mörgum.
„Það er mikið flæði sjúklinga
sem fara í gegnum heilbrigðisstofn-
anir á degi hverjum. SÍ gefa út á
bilinu 50 til 60 þúsund afsláttarkort
á hverju ári, og svo er stór hópur
fólks sem er með örorkumat eða er
ellilífeyrisþegar. Þannig að það gef-
ur augaleið að þetta kerfi mun koma
til með að nýtast mörgum.“
„Fyrst og fremst
til hagsbóta fyrir
sjúklinginn“
Rafrænar upplýsingar um réttindi
Morgunblaðið/Eggert
Kerfið Allar upplýsingar verða í
kerfinu og eykur þetta þægindi.
Birna Jónsdóttir, formaður Læknafélags Íslands, er gríðarlega ánægð
með framtak Sjúkratrygginga Íslands, segir það mikið framfaraskref og í
samræmi við stefnu læknafélagsins um að gögn og tryggingastaða sjúk-
linga eigi að vera aðgengileg rafrænt. „Læknafélag
Íslands vill að sjúkraskrá sé rafræn og aðgengileg
þeim sem hafa rétt á að skoða hana, s.s. læknum og
löggiltum heilbrigðisstarfsmönnum,“ segir Birna.
„Þá er það ekki síður mikilvægt að fólk geti fylgst
með eigin réttindum í gegnum netið og fengið sem
bestar upplýsingar um sjálft sig og því er gert það
kleift með þessu. Þannig að mér finnst þetta vera
mikið framfaraskref og til hagsbóta og þæginda fyr-
ir alla aðila mála.“
Mikið framfaraskref
FORMAÐUR LÆKNAFÉLAGS ÍSLANDS ÁNÆGÐUR
Birna Jónsdóttir
100 manns komu 30
sinnum eða oftar
» Rúmlega 1.000 fjölskyldur
þáðu matargjöf einu sinni en
3% hópsins – um það bil 100
manns – komu 30 sinnum eða
oftar og þáðu mat á árinu.
» Tíu fyrirtæki fengu viður-
kenninguna Fyrirtæki mann-
úðar 2010 frá Fjölskylduhjálp-
inni í gær; Sölufélag
garðyrkjumanna, Mjólkur-
samsalan, Grillvagninn, Myllan
– brauð, Ölgerðin, Síminn,
Marko merki, Perlan veitinga-
hús og Björnsbakarí.
» Útvarp Saga var valin Fjöl-
miðill mannúðar 2010.
Vilhjálmur Andri Kjartansson
vilhjalmur@mbl.is
„Eitt kvöld eftir erfiðan dag í
vinnunni fór ég á netið og ætlaði að
leita að söng eða góðu háði um Star-
bucks, vinnustað minn. Ég fann ekk-
ert og ákvað því að setja saman texta
og búa til lag um starfskjör og vinnu-
aðstæður innan fyrirtækisins,“ segir
Christopher Cristwell, fyrrverandi
starfsmaður eins útibúa bandarísku
kaffihúsakeðjunnar Starbucks í
Kaliforníu, sem var rekinn fyrir að
syngja um fyrirtækið. „Ég átta mig
á því núna af hverju ég fann ekkert
lag eða texta um fyrirtækið á netinu.
Ég var rekinn skömmu eftir að lagið
mitt fór á Youtube.“
Saga Christophers væri ekki í frá-
sögur færandi hér á landi nema fyrir
þær sakir að hann er hálfíslenskur.
„Móðir mín, Díana Lacroix, er ís-
lensk og ég á ættingja á Íslandi.
Sjálfur er ég fæddur á Íslandi en
pabbi minn vann á herstöðinni við
Keflavíkurflugvöll. Núna hef ég tíma
til að kynna mér Ísland betur og
ferðast eitthvað um landið,“ segir
Christopher sem hefur heimsótt
landið einu sinni eftir að fjölskyldan
hans flutti til Bandaríkjanna, þegar
hann var eins árs gamall.
Auk þess segir hann koma til að
greina að flytja til landsins og læra
tungumálið.
Brottrekstur þessa hálfíslenska
stráks í Kaliforníu hefur vakið mikla
athygli, hátt í 600 þúsund manns
hafa séð myndbandið og stærstu
fréttamiðlar tekið málið upp, s.s.
CNN, ABC, NBC og fréttamiðlar
víðs vegar um heim. Christopher
hefur hins vegar ekki látið brott-
reksturinn hafa neikvæð áhrif á sig
heldur ætlar hann að einblína á það
jákvæða í þessu öllu saman. „Ég er
orðinn hálffrægur eftir þetta og hef
fengið fjöldann allan af atvinnu-
tilboðum. Núna er ég að skoða tilboð
frá fyrirtæki um að gera texta og lag
fyrir auglýsingu sem væri þá eitt-
hvað í ætt við það sem ég gerði um
Starbucks nema hvað nú fæ ég greitt
fyrir það.“
Starbucks-strákur íslenskur
Söng um bág starfskjör, setti á netið og var strax rekinn
Lagið Christopher var í svuntu frá
Starbucks í myndbandinu á netinu.