Morgunblaðið - 27.09.2011, Blaðsíða 32

32 MENNING
MORGUNBLAÐIÐ ÞRIÐJUDAGUR 27. SEPTEMBER 2011
Gilsbakki er þriðja
plata Skurken og
hér má finna ein-
falt tölvupopp af
gamla skólanum
sem minnir á köfl-
um á bakgrunn-
stónlist þeirra tölvuleikja sem spil-
aðir voru í gömlu Sega
Mega-tölvunni forðum daga. Á
nokkrum stöðum á plötunni, þá sér-
staklega í laginu „Dircuits“, finnst
mér hljómurinn einnig minna mig á
franska tvíeykið Air. Í heild þykir
mér skorta á fjölbreytni á plötunni
en hún er þó brotin upp með ljúfum
píanótónum í laginu „Weltschmerz
sumar“ og gefur það henni aukna
dýpt. Lagið „Bistisbo“ þykir mér þó
bera höfuð og herðar yfir hin, það er
vel uppbyggt, laglínan einkar flott
og það endar af miklum krafti.
Megnið af plötunni er þó frekar
bitlaust og ég fann ekki fyrir mikilli
þörf til að hlusta á lögin aftur. Platan
rennur þó mjög þægilega í gegn án
þess að skilja mikið eftir sig og gæti
tónlistin því hentað vel sem lyftu-
tónlist en sökum tölvuhljóðanna
væri það líklegast annaðhvort í
framtíðinni eða í heimi vélmenna.
Vélmennalyftutónlist
Skurken – Gilsbakki
bbbnn
Davíð Már Stefánsson
Helgi Snær Sigurðsson
helgisnaer@mbl.is
Grafíski hönnuð-
urinn og myndlist-
armaðurinn Þór-
dís Claessen
opnaði föstudag-
inn sl. sjöundu
einkasýningu sína,
á Kaffi Mokka við
Skólavörðustíg, og
ber sú titilinn
… Sæta, langa
sumardaga. Verkin vann Þórdís upp
úr gömlum ljósmyndamöppum fjöl-
skyldu sinnar og blandaði við eigin
landslagsljósmyndir en myndunum
lýsir hún sem „uppskrúfaðri sveit-
arjómantík með glassúr“. Myndirnar
séu óður til góðra minninga og nokk-
urra kynslóða ættmenna hennar.
Poppað
Þórdís er nýkomin heim eftir
tveggja ára dvöl í New York en þar
nam hún m.a. listasögu við Columbia-
háskóla sem hún segir hafa verið góða
innspýtingu inn í sinn hönnunarbak-
grunn. „Þó svo endurreisnin skili sér
ekki inn í þessar myndir, þá má kalla
þetta íslenska sveitarómantík og nost-
algíu,“ segir Þórdís kímin.
– Og ansi poppað …
„Mjög mikið pop art, ég fer ekkert
leynt með það að ég fíla Warhol og
popplist mjög mikið,“ segir Þórdís en
klippimyndir voru áberandi í popp-
listinni á sínum tíma, eins og þeir vita
sem til þekkja. Verkin á sýningunni
eru tölvuunnin en einnig notar hún
vatnsliti og blek í myndunum.
„Þegar ég byrjaði á þessari sýningu
fór ég að kafa ofan í ljósmyndaalbúm
fjölskyldunnar sem náðu þrjár kyn-
slóðir aftur í tímann. Ég skoðaði vel
myndaalbúm frá áratugunum 1930-
1970 og hvarf djúpt ofan í hversdagslíf
fólksins sem ég hef sumt hvað aldrei
hitt. Ég rakst þarna á margar perlur,
góðar minningar og skemmtileg
augnablik sem mér fannst freistandi
að gera eitthvað við. Endurskapa
stundirnar til að nálgast þetta fólk á
einhvern hátt, fá að vera með. Ég sá
þarna m.a. myndir af formæðrum og
báðum öfunum sem ég hef hvorugan
hitt og einhvern veginn varð þetta
ákveðin leið til að kynnast fólkinu sínu
aðeins betur,“ segir Þórdís. Lands-
lagið er í bakgrunni og fólkið í for-
grunni.
Mótar fyrir fastagestum
– Þú hefur ekki sýnt áður á Mokka?
„Nei, en ég hef sýnt t.d. á B5 tvíveg-
is, á samsýningu á Kjarvalsstöðum, í
URBIS-nýlistasafninu í Manchester á
Bretlandi og á Snæfellsnesi svo eitt-
hvað sé nefnt. Mér finnst þetta
skemmtilegt í ljósi þess að dags-
daglega vinn ég sem grafískur hönn-
uður og hef lifibrauð af því.“
– Það er mikil myndlistarsaga sem
fylgir Mokka og gaman að sýna þar,
ekki satt? Milljón naglaför í veggj-
unum?
„Milljón naglaför, nákvæmlega, og
það var mjög skemmtilegt að hengja
upp. Ég hef aldrei komið inn á staðinn
tóman, lokaðan. Ég sá á viðarklæðn-
ingunni við básana móta fyrir fólki
sem hefur setið þarna í um 60 ár, það
var í raun mjög fallegt. Heimamenn
þarna segja að þetta séu kallaðir fasta-
gestir, hver manneskja leggur sitt af
mörkum þegar hún hallar sér upp að
veggnum. Samsafn af öllum gestum
Mokka í gegnum tíðina,“ segir Þórdís
að lokum, uppnumin.
Rjómantík Lautarferð, eitt verka Þórdísar af sýningunni á Mokka.
Íslensk sveitarjóm-
antík með glassúr
 Gamlar fjölskyldumyndir í bland við
landslagsljósmyndir í verkum á Mokka
Þórdís Claessen
Verk Þórdísar má kynna sér á
vefnum thordis.com.
Arnar Eggert Thoroddsen
arnart@mbl.is
Þögul nóttin er, þótt ótrúlegt sé, fyrsta sólóplata leik-
arans, söngvarans og fjölmiðlamannsins Felix Bergs-
sonar. Á plötunni syngur hann ljóð Páls Ólafssonar við
lög Jóns Ólafssonar, Magnúsar Þórs Sigmundssonar,
Harðar Torfasonar, Hróðmars Inga Sigurbjörnssonar
og fleiri.
Löng meðganga
„Forsagan er býsna löng,“ segir Felix, en hann gaf
sér tíma frá miðri æfingu til að ræða lítið eitt við blaða-
mann. Hann og hljómsveit voru að æfa fyrir tónleika
sem haldnir verða í kvöld í
Salnum.
„Mig langaði lengi til að
gera eitthvað í þessa átt en
fann aldrei rétta farveg-
inn. Jón Ólafsson vinur
minn (sem stýrir upp-
tökum) og Karl Olgeirs-
son hvöttu mig hins
vegar áfram og
svo fór að plata
Þórarins Hjart-
arsonar, Söng-
ur riddarans,
barst á borð
til mín.
Heimur Páls
Ólafssonar
opnaðist
fyrir mér og
ég vissi að
mig langaði
til að gera
kassagít-
ardrifna
poppplötu
þar sem ég
syngi og túlkaði
ljóð þessa
manns.“
Felix segist vera kominn með ágæta tilfinningu
fyrir því hvaða ljóð henti undir söng eftir öll þessi ár
í bransanum og ljóðin hafi smátt og smátt komið til
sín.
„Ég fer að senda þetta í kringum mig og sum lög-
in urðu til 1, 2 og 3. Önnur virkuðu hins vegar ekki,
voru of ágeng og keyrðu yfir ljóðaflutninginn. Þetta
var mikil jafnvægislist en ég lagði áherslu á að flytja
og túlka þessi ljóð. Með það að markmiði settum við
sönginn t.a.m. mjög framarlega þegar við vorum að
hljóðblanda.“
Felix samsinnir því að hann hafi í raun verið að
sinna ákveðinni vöntun, honum hafi fundist persónu-
lega að hann yrði að gera eitthvað á þessa lund.
„Ég hef að sönnu sungið inn á hitt og þetta en það
hefur ávallt verið í tengslum við eitthvað sem er
ekki að fullu mitt. Mig langaði einfaldlega til að
stíga einn og sér fram sem listamaður og sanna það
fyrir mér og öðrum að þetta væri líka hægt. Ég hef
gert svo margt; leikið, sungið, skrifað og verið í fjöl-
miðlum og hér er ég að koma fram sem söngvari og
um leið túlkandi. Ég er að gæða þessi frábæru ljóð
Páls lífi og segja sögur, nokkuð sem mig hefur alltaf
langað til að gera alla mína tíð.“
Kjúklingur í Melabúðinni
Felix fylltist að vonum miklum feginleika er hann
fann að verkefnið væri farið að rúlla af stað.
„Það var stórkostlegt. Að renna á hjólinu heim til
Jóns, hitta vini sína þar, vinna og pikka svo upp
kjúkling í Melabúðinni eftir erilsaman dag. Þetta
bara gat ekki verið betra.“
Felix ætlar að flytja efnið í kvöld í Salnum og svo
aftur hinn 11. október. Einnig verða tónleikar á Ak-
ureyri á Græna hattinum.
„Ég ætla svo út á land eftir áramót. Ég er harð-
ákveðinn í að fara til Ísafjarðar og Norðfjarðar og
langar bara til að syngja þetta sem víðast.“
Hann viðurkennir að lokum að vinnan við plötuna
góðu hafi opnað rækilega fyrir fleira af þessu tagi.
„Ég er strax farinn að hugsa um næstu plötu,
blessaður vertu. Er farinn að hugsa það vel og ræki-
lega hvað mig langar til að gera næst. Þetta er
fyrsta platan en alls ekki sú síðasta.“
Alla tíð viljað segja sögur
 Þögul nóttin er fyrsta sólóplata Felix Bergssonar  Syng-
ur ljóð Páls Ólafssonar við lög Jóns Ólafssonar og fleiri
Túlkandi
„Mig langaði
einfaldlega
til að stíga
einn og sér
fram …“
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
Tíska & Förðun
SÉ
RB
LA
Ð
Morgunblaðið gefur út glæsilegt
sérblað um Tísku og förðun
föstudaginn 14. október 2011.
Í Tísku og förðun verður
fjallað um tískuna veturinn 2011
í förðun, snyrtingu og fatnaði,
fylgihlutum auk umhirðu
húðarinnar, dekur og fleira.
PÖNTUNARTÍMI AUGLÝSINGA:
Fyrir kl. 16, mánudaginn 10. október.
MEÐAL EFNIS:
Förðunarvörur.
Förðrun.
Krem.
Umhirða húðar.
Ilmvötn.
Brúnkukrem.
Neglur og naglalakk.
Fylgihlutir.
Skartgripir.
Nýjar og spennandi vörur.
Haust og vetrartíska kvenna.
Haust og vetrartíska karla.
Íslensk hönnun.
Ásamt fullt af öðru
spennandi efni.