Birtingur - 01.01.1956, Side 17

mun hafa verið trúmaður, enda lézt hann
frá óloknu guðspjallaverki.
Eitt frægasta verk hans er leiksviðsverk
um hina heilögu Jóhönnu á bálinu. Ég sá
þetta verk í Konunglega leikhúsinu í Kaup-
mannahöfn fyrir fáum árum, og mér er minn-
isstæður dálítill atburður eftir sýninguna:
Lokið var við leikinn um Jóhönnu, en á eftir
átti að sýna léttan ballett annars tónskálds,
og ég fór þessvegna úr leikhúsinu. Við úti-
dyrnar stendur þá gömul farlama kona, sem
var líka að fara, og við vorum ein. Hún bað
mig að hjálpa sér yfir í strætisvagninn. Á
meðan ég leiddi hana yfir torgið sagði hún
hrærð: „Þetta var dásamlegt listaverk. Ég
skil vel að þér viljið ekki fremur en ég sjá
innantóma danssýningu á eftir. Þakka yður
fyrir.“
Reykjavík, 10. 2. 1956.
Jón Leifs.
11