Birtingur - 01.01.1956, Page 25

ig mætast andstæðurnar í efnisvali: blóm—
vélar og hjól; fólk—málmlyklar. Andstæður
í hrynjandi: trjábolur—dansmær.
Léger segir: „Menn skynja aðeins hvítt ef
þeir þekkja svart og það sem er fínlegt ef
þeir þekkja hið hrjúfa. Menn fá aðeins glaðzt
innilega ef þeir þekkja sorg“.
Ég kynntist Léger eins og fyrr getur í
New York 1944. Hann hafði forðað sér til
Ameríku áður en Frakkland var hernumið.
Hann hafði þar skóla og var ég um tíma
meðal nemenda hans.
Hann sagði einu sinni þegar við töluðum
um stríðið: „Menn sá korni á vorin til að afla
vista til vetrarins, menn undirbúa stríð á
friðartímum, því þá ekki að undirbúa frið-
inn á stríðstímum ?“
Á þessmn árum í New York urðu margar
merkustu myndir hans til. Hann var mjög
hrifinn af hinni fullkomnu tækni Ameríku.
Hann hafði mikinn áhuga á kvikmyndum
og trúði því að þær ættu eftir að verða merki-
legt menningartæki í framtíðinni. Árið 1924
hafði hann gert athyglisverða kvikmynd sem
hann kallaði Ballet Mecanique.
Hann trúði á framtíðargildi abstraktlistar
og sagði: „Abstraktlistin er ekki eins og
margir halda aðeins skrítnar tilraunir gerðar
af sérvitringum, heldur nauðsynleg tilraun til
að gera listina frjálsari •— og losa hana við
hin venjulegu form hlutanna svo sem augað
skynjar þau. List framtíðarinnar mun verða
á sviði hins abstrakta“.
1 Fernand Léger, hinum hávaxna bónda-
syni frá Normandí lifði ævinlega eitthvað af
þeim manni sem yrkir jörðina, samanslungin
hreysti og fínleiki ásamt ást á því smáa og
viðkvæma — og virðing fyrir öllu því sem
hrærist í náttúrunni.
I.cger: fílóm og fiðrildi.