Birtingur - 01.06.1967, Blaðsíða 3

SIGURÐUR PÁLSSON: FJÖGUR LJÓÐ
Æ v i s a g a
Ungum
var honum kennt
að ganga vel um hey
og bölva ekki guðs gjöfum.
Hann var skilgetið afkvæmi
moldarinnar
jafnframt elskhugi hennar:
fól í skauti hennar
baráttu og leyndarmál,
líf.
Og stundum í skammdeginu,
þegar svöl skíman af hjarninu
lagðist að gluggum
eins og boðberi óravíddar og trega
tók hann fram gamla mynd
og gult ljós olíulampans
fyllti herbergið hljóðlátum söknuði.
Og við úförina var engu líkara
en fölir svipir væru á kreiki
eins og flöktandi olíuljós
eða gömul mynd
öllum gleymd fyrir löngu.