Birtingur - 01.06.1968, Page 50

GUNNAR BJÖRLING: SJÖ LJÓÐ
Einar Bragi íslenzkaði 1
Er nóttin hnígur mild
og einhver fellir aðeins einsemd sína.
Sem hvíla mjúk er þessi nótt
handa farkosti iifandi manns.
Það orð djúp ljós
og sannleikurinn
að hreyfingin og höndin
og að rödd hljóð
kyrrðin
að smátt eitt sem er
er orð djúp ljós
og hjarta manns.
Er svipur þinn ei?
fiðrildin dönsuðu
— næsta dag varst þú horfin.
2
Það er aftanfriður
er Iangt burt
fyrir alla
gleymt og ró í heimi
ég vil að fjarski hljóðni
og fótatak mitt sökk
gras og gras í rökkri hylst
hljóð og hljóð sem hverfur
kvöldfiðrildi villist inn og rekst á rúðuna
ég skima eftir ljósi næturinnar
það er aftanfriður
er langt burt.