Íþróttablaðið - 01.04.1928, Side 19

ÍÞRÓTTABLAÐIÐ
183
Útlendar fréttir.
Fádæma gott heimsmet. Um miðjan sept.
sl. ár var sett heimsmet í New-York, sem vekur
undrun um allan heim. Negrinn Hubbard stökk
7,98 m. í langstökki og lengdi þar með sitt fyrra
met um 9 cm. (Heyrst hefir og, að hann hafi
stokkið alt að 8,30 m. á æfingum.)
Á þessu sama móti hljóp Hubbard 100 yards
á 9,6 sek., og er það sami tími og heimsmetið.
Enda er álitið, að þessir frámunalegu spretthlaups-
hæfileikar hjálpi honum mest í stökkinu. Álíta
reyndir menn í þeim sökum, að hann stökkvi 7
m. með hraðanum einum í tilhlaupinu.
Hér birtist skrá yfir heimsmetin í langstökki
frá 1870:
6,09 m. Mitchell (England) 1870.
6,20 — 1871.
6,88 — Davis 1872.
6,91 — Beddeley 1878.
6,97 — Elliot 1879.
7,02 — Parsons 1883.
7,08 6 — Ford (Ameríka) 1886.
7,08 9 — Copeland (Ameríka) 1890.
7,17 5 — Reber 1891.
7,17 5 — Fry (England) 1893.
7,20 — Rosengrave (Ástr.) 1896.
7,32 — Newburn (Irland) 1898.
7,43 ,— Kraenzlein (Amer.) 1899.
7,50 — Prinstein 1900.
7,61 — O’Conner (írland) 1901.
7,69 5 — Gourdin (Ameríka) 1921.
7,76 5 — Le Gendre 1924.
7,89 — Hubbard 1925.
nú berst sú fregn til Evrópu í desember sl.,
að Suður-Afríkumaðurinn Atkinson hafi sett nýtt
heimsmet með 8,15 m. á íþróttamóti í Durban í
Natal. Fregn þessi barst í símskeyti, en engar
nánari skýringar með. Þykir mörgum afrek þetta
mjög ótrúlegt, þar eð ekki hefir heyrst um meira
en 7,32 m. stökk frá honum áður. Annars er At-
kinson bezt kunnur í Evrópu sem grindahlaupari.
Hann varð annar í 110 m. grindahlaupi á Ólympíu-
leikunum í París 1924.
Mjög er óvíst, hvort met þetta verður viðurkent,
ef rétt reynist. Er margt, sem taka verður til
greina, áður en heimsmet er viðurkent. T. d. vildi
Alþjóðasambandið ekki viðurkenna met Hubbards,
7,98 m., vegna þess að atrennubrautin var ekki í
réttum fleti við stökkgryfjuna.
Bertil Jansson er nú bezti kúluvarpari Svía.