Vera - 01.06.1999, Side 18

I
Einnig að lykilhugtak eins og „samþætting'1 varð að lokum bannorð
í verkefnaskránni af „fagurfræðilegum" ástæðum, að mati ráðgef-
andi karlmanna, þrátt fyrir andmæli okkar sem töldumst sérfræðing-
arnir í jafnréttismálum. Vonandi er þetta ekki dæmigert um það sem
koma skal innan Samfylkingarinnar. Vonandi leiðir samvinnan, eða
samruni viðkomandi stjórnmálaafla, til þess sem kallast „mainstr-
eaming" en ekki „malestreaming" jafnréttishugmynda: Að jafnréttis-
málin verði samofin öllum öðrum málum en ekki að konum sé hleypt
inn í stofnanir karla án þess nokkuð annað breytist. (Gegnum gler-
þakið, 1999, bls.132).
Vissulega fylgir því ákveðin útþynningarhætta að nota hugmynda-
fræði samþættingar og því er mjög mikilvægt að vera vel á verði.
Þessi aðferð getur þó tryggt að jafnréttismálin hætti að vera í við-
byggingu íslenskra stjórnmála, í einangruðum vistarverum
„jafnréttiskellinganna" og verði hluti af húsinu sjálfu með aðkomu
beggja kynja í öllum málaflokkum, eins og víða er stefnt að. Sam-
þættingaraðferðin er nú ráðandi bæði hjá Evrópusambandinu og
Sameinuðu þjóðunum. Svo er einnig hjá Skrifstofu jafnréttismála,
samanber samnefndan bækling skrifstofunnar og jafnréttisfrumvarp
ríkisstjórnarinnar sem lagt var fram seint á seinasta þingi. (því frum-
varpi var að finna margar fleiri hugmyndir sem ég, og við kvenna-
listakonur, höfum talað fyrir á þingi, svo sem bann við kynferðislegri
áreitni, fræðslu um jafnréttismál fyrir æðstu ráðamenn, hert ákvæði
um jafnrétti í nefndum og ráðum ríkisins og margt fleira. Ef marka
má afstöðu vinnuveitenda og ágreining stjórnarflokkanna þá tel ég
ólíklegt að það frumvarp fari óbreytt í gegnum þingið á þessu kjör-
tímabili, þó brýnt sé. Hinsvegar vonast ég eftir því að loks gerist eitt-
hvað raunhæft í fæðingarorlofsmálum, þó að ekki sé Ijóst af stjórnar-
sáttmálanum hvað það verður. Hugmyndir og frumvörp okkar
kvennalistakvenna, og síðar samfylkingarfólks, eiga góðan hljóm-
grunn í verkalýðshreyfingunni og ríkisstjórnarflokkarnir hafa lofað að
gera eitthvað. Þannig hafa málefnaáhrif Kvennalistans lengst af ver-
ið: við tölum lengi fyrir góðum hugmyndum sem stjórnvöld hverju
sinni gera loks að sínum. Það eru örlög framsækinna stjórnarand-
stöðuflokka. Þessi ríkisstjórn mun ekki stofna jafnréttisráðuneyti en
fróðlegt verður að fylgjast með þeirri hugmynd Samfylkingarinnar við
næstu stjórnarmyndun.
Að lokum vil ég láta í Ijós þá von mína að það takist að breyta póli-
tíkinni þannig að við getum með góðri samvisku att konum út á það
forað. Óháð því þá er til mikils barist því ég er enn sannfærð um það
að stjórnmálin verða eðlilegri og manneskjulegri ef þau eru ástunduð
jafnt af báðum kynjum. Á meðan þær aðferðir tíðkast sem vel er lýst
í margnefndri valdahandbók, skulum við ekki kippa okkur upp við það
að konur hætti í pólitík, eða forðist hana alveg. Vonandi var forseti ís-
lands sannspár á dögunum þegar hann spáði málefnalegri stjórnmál-
um á nýrri öld og undanhaldi á gamaldags valdapoti með tilheyrandi
spillingu og klækjum. Ég er sannfærð um að ef svo verður munu kon-
ur endast betur í pólitík en nú. Víðast hvar í heiminum er nú bakslag
í kvennabaráttu sem ekki er séð fyrir endann á. Næstu alþingiskosn-
ingar verða stór þrófraun á þróunina hér þegar breytt kjördæmaskip-
an kemur til. Ég óska núverandi og fyrrverandi kvennalistakonum alls
hins besta, svo og félögum mínum í Samfylkingunni, með von um öfl-
uga hreyfingu og kröftuga jafnréttispólitik. Sjálf mun ég nú snúa mér
að rannsóknum og kennslu, reynslunni ríkari.

Nýtt, íslenskt afl
Hlutverk Orkuveitu Reykjavíkur
er að miðla íbúum
höfuðborgarsvæðisins
rafmagni og heitu vatni
frá endurnýtanlegum
aublindum landsins
á hagkvæman hátt,
meb sérstakri virðingu
fyrir verndun náttúrunnar.
Orkuveita
Reykjavíkur

. ‘ 'Mu K
;
18