Ljósmæðrablaðið - 01.07.1988, Qupperneq 34

34
LJÓSMÆÐRABLAÐIÐ
slakandi andrúmslofti við fæðinguna. Mikið hefur verið gert til að ná
þessu marki og gera umhverfi hinnar verðandi móður sem heimilis-
legast. Kerlaug fyrir fæðingu hefur nú bæst í safn þess sem talið er geta
verkað róandi og afslappandi. Auk hreinlætissjónarmiða og ef til vill
agnar af ánægju getur baðið haft lífeðlisfræðilega og sálræna kosti.
Sársauki fylgir oft fæðingunni og af honum sprettur ótti. Þetta hvort
tveggja getur dregið úr hríðum, og þess vegna er það stór liður í
fæðingarhjálp að draga úr þessu tvennu. Kerlaug getur leitt til
vöðvaslökunar. Slíkt getur aftur á móti bælt niður ótta og sársauka og
dregið samtímis úr starfsemi semjuhluta sjálfvirka taugakerfisins.
Geðlyf geta dregið úr hríðum og ef lítið er af adrenalíni í blóðinu
örvar það samdrátt legsins.
Odent hefúr nýverið mælt með böðun fyrir fæðingu og jafvel
fæðingu undir vatni í ósannprófaðri grein. Hann fullyrti að böðun
drægi úr sársauka, stytti tímann sem fæðingin tæki og fækkaði
fylgikvillum jafnframt því sem hún bætti ástand nýburanna.
Tilgangur rannsóknarinnar var að kanna hvort böðun stytti tíma við
fæðingu og drægi úr lyfjanotkun, kanna sársaukatilfinningu, tíðni
læknisaðgerða og fylgikvilla hjá konum meðan á þungun og fæðingu
stendur og kanna hvort böðun bætir ástand nýbura.