Ljósmæðrablaðið - 15.12.2008, Blaðsíða 4

Ritstjórapisti
Undanfamir mánuðir hafa verið
átakamiklir og mörgum mjög erfíðir.
Ljósmæðrafélag Islands stóð í einni
öflugustu kjarabaráttu sem félagið hefur
staðið í. Framganga forystu félagsins
var ljósmæðrum til sóma og stóðu þær
sig framúrskarandi vel á erfíðum og
átakamiklum tíma. Verkfoll ljósmæðra
reyndu mjög á allar þær ljósmæður sem
í þeim stóðu sem og nánustu aðstand-
endur þeirra. Ekki má gleyma að minnast
á skjólstæðinga okkar. Stuðningur þeirra
og samstaða almennings var ómetanlegur
og má með sanni segja að ímynd ljós-
mæðrastéttarinnar hafi styrkt sig í sessi og
hafa ljósmæður skapað sér sterkari stöðu
sem vel menntuð og mikilvæg stétt. Það
má með sanni segja að lukkudísirnar hafi
vakað yfír okkur því nokkrum dögum
eftir að miðlunartillaga ríkissáttasemjara
var samþykkt og endir bundinn á erfiða
en árangursríka kjarabaráttu, hrundi
efnahagslíf landsins og sér ekki enn fyrir
endann á þeim ósköpum. Ljóst er að ef
ljósmæður hefðu verið tveimur vikum
síðar á ferðinni með sín mál er líklegt að
annar bragur hefði orðið á samningunum
þ.a. ljósmæður hefðu setið eftir með
sárt ennið og ekki fengið fram þennan
mikilvæga áfanga í launaleiðréttingu
sem þó vannst. Þó svo að fullur sigur
hafí ekki unnist, náði samninganefnd
félagsins mjög góðum árangri og tel ég
mig geta fullyrt að ljósmæður séu sáttar
og ánægðar með árangurinn. í blaðinu
má finna umljöllun um kjarabaráttuna
og um þær uppákomur sem sjálfskipuð
uppákomunefnd stóð fyrir.
Töluvert hefur verið rætt um nýjar
aðferðir sem notaðar eru til að framköll-
unar fæðingar á LSH. Telja margar Ijós-
mæður að ástæður þeirra breytinga hafi
ekki verið nógu vel kynntar fyrir þeim. Á
síðum blaðsins eru fjallað um þessar nýju
Bergrún Svava Jónsdóttir
Ijósmóðir
ritstjóri Ljósmæðrablaðsins
aðferðir frá mismunandi sjónarhomum.
Berglind Steffensen, læknir, fjallar um
fræðin og rökin sem liggja að baki þessum
breytingum. Hrafnhildur Ólafsdóttir, Ijós-
móðir, segir okkur frá reynslu ljósmæðra
og svo að lokum birtum við nemaverkefni
þar sem Hrafnhildur Halldórsdóttir, nemi
á öðm ári í ljósmóðurfræði, fjallar um
upplifun sína og fæðandi konu af þess-
ari gangsetningaraðferð. Eitt af því sem
margar konur kvíða á meðgöngunni er að
ganga langt fram yfir áætlaðan fæðing-
ardag og verða gangsettar. Það kemur
fram í grein sem Sigfríður Inga Karls-
dóttir, ljósmóðir, vann ásamt nemum í
hjúkunarfræði við Háskólann á Akureyri.
Þar er skoðað hvað það er sem veldur
konum áhyggjum og kvíða á meðgöngu.
Mikilvægt er að ljósmæður í mæðravemd
séu vakandi fyrir þessum þáttum til þess
að möguleiki skapist til að vinna með þær
áhyggjur sem konan finnur fyrir.
Ljósmæðumar sem vinna hjá Inu May
Gaskin treysta náttúmnni vel fyrir því
verkefni sem barnsfæðing er og hafa
ekki miklar áhyggjur af öðm. I grein
sem Árdís Kjartansdóttir skrifar fjallar
hún um heimsókn sína á The Farm, sem
var liður í verknámi hennar í ljósmóður-
fræði. Það er okkur öllum hollt að líta
út fyrir okkar fasta ramma og sjá að hlut-
imir eru ekki alls staðar gerðir á sama
hátt og að sjálfsögðu getum við lært
mikið af starfsháttum annarra. Það var
án efa það sem vakti fyrir Birgittu Níels-
dóttur sem ákvað að læra ljósmóðurffæði
í Svíþjóð. Svíar em grannar okkar og
frændur en námið þar er með öðrum
hætti og hafa ljósmæður víðara starfsvið
þar en hér á Fróni, þær koma t.a.m. meira
að getnaðarvamafræðslu og hafa leyfi til
að skrifa lyfseðla íyrir getnaðarvömum,
setja upp lykkjur og fleira þessu tengt.
Til þess að læra af öðmm er mikil-
vægt að hafa gott samband við aðrar
ljósmæður og em Norðurlandasamtök
ljósmæðra NJF einn liður í því að skapa
góð samskipti við frænkur okkar á
hinum Norðurlöndunum. Við, íslenskar
ljósmæður, getum verið stoltar af því
að formaður þeirra samtaka er Hildur
Kristjánsdóttir og birtum við sem
hugleiðingar Ijósmóður ræðu sem Hildur
hélt i tilefni 100 ára afmælis norska ljós-
mæðrafélagsins - falleg hugleiðing um
lausnarsteina.
Nú líður að lokum þessa árs, sem hefur
verið viðburðarríkt fyrir félagið okkar en
gaman er þá að minna á að næsta ár er 90
ára afmælisár Ljósmæðrafélags íslands.
Verða þeim tímamótum gerð góð skil í
næsta tölublaði Ljósmæðrablaðsins og
mun félagið halda upp á afmælið með
veglegum hætti.
Fyrir hönd ritnefndar sendi ég ljós-
mæðrum öllum og fjölskyldum þeirra
óskir um gleðilega jólahátíð og farsæld á
komandi ári.
Heilbrigöisstofnun
Suðurtands
icepharma
Bætt líðan • Betra líf
4 L|ósmæðrablaðið desember 2008