Tímarit Verkfræðingafélags Íslands - 01.10.1974, Blaðsíða 13

Ljósm.: Matthías Matthiasson
sinn stað og þær soðnar saman eða
tengdar með tengjum. Tók einn til
tvo daga að leggja 1 km langa lögn,
þvi aðeins var til eitt suðutæki á
landinu.
1 byrjun var mjög erfitt að koma
plastpípunum upp hraunið, því að
það færðist til um 1—2 metra á
klukkustund, og einnig var hætta á,
að plastið bráðnaði. Þetta tókst þó
vonum framar vegna sveigjanleiks
pípnanna, og vatnið, sem um þær
var leitt, kældi þær nægilega mikið
til að standast hitann.
Þar sem heitast var, voru trébúkk-
ar settir undir pipurnar, en þeir
brunnu undantekningarlaust. Ál- og
asbestbúkkar voru síðan notaðir, og
kom það fyrir að álbúkkarnir bráðn-
uðu við hitann, og sýnir það glöggt,
hversu viðnámsmiklar plastpípurnar
voru.
Mynd (4 a, b, c og d) sýnir legu
pípna á fjórum mismunandi tímum.
Þann 5. apríl, þegar lokið var við að
koma upp öllum dælum, sem bárust,
var aðallega unnið við að kæla hraun-
kantinn norðan- og vestanverðan.
15. apríl liggja leiðslurnar lengra
inni á hrauninu við Sólhlíð og tvær
nýjar leiðslur, um 1600 m á lengd
hvor, liggja á hraunbreiðunni norð-
an við gíginn í 90 metra hæð yfir
sjávarmáli.
Hinn 30. apríl höfðu leiðslur verið
lagðar enn lengra inn á hraunið,
einkum um miðbik þess svæðis, sem
kælt var, og þann 30. maí náðu
leiðslurnar þangað, sem þeim var
endanlega ákveðinn staður. Var þar
með því takmarki náð að kæla
hraunflötinn vestan hugsaðrar línu
frá gíg út fyrir Ystaklett. Leiðsl-
urnar voru lítið færðar til þaðan í frá
fyrr en á tímabilinu 19. júní til 10.
júlí, er smám saman var tekið að
draga úr kælingu.
Rétt er að geta þess, að farið var
að ráðum Þorbjörns Sigurgeirssonar,
prófessors, þegar ákveðið var, hvar
kæla skyldi, en hann fylgdist með
hreyfingu hraunsins og sagði til um
hættusvæðin.
Mannafli
1 byrjun apríl, þegar kæling náði
hámarki, unnu um 75 manns við
kælinguna. I maí var starfsmönnum
fækkað I 40—50, og i byrjun júní
voru þeir um 30. Oftast var vinnu
þannig háttað, að menn unnu í 12
daga samfleytt frá kl. 08—22, en
fengu síðan tveggja daga leyfi á full-
um launum. Við vélgæslu og gíg-
TlMARIT V F I 1974 — 75