Tímarit Verkfræðingafélags Íslands - 01.10.1974, Blaðsíða 25

Stærðfræ5i
Eðlisfræði
Efnafræði
Jarðfræði
17 (10)
4 ( 4)
5 (10)
13 (19)
5 ( 3)
7 ( 7)
46 (40)
6 (-)
2 (-)
Jarðeðlisfræði
Landafræði
Líffræði
Teiknifræði
Haffræði
Alls 105 (93)
Haffræði er kennd í fyrsta sinn á þessu ári.
Þess má geta í sambandi við þessar tölur, að flestar aðrar deildir háskólans hefja
kennsluár sitt um mánuði seinna en verkfræði- og raunvísindadeild og er því
mikil hreyfing á stúdentum um mánaðamótin september—október. Sem dæmi má
nefna það, að um miðjan október hafði um þriðjungur stúdenta, sem skráðir
voru í verkfræðinám, annaðhvort hætt eða farið í annað nám.
[ verkfræðiskor deildarinnar starfa nú 11 fastir kennarar, 8 aðjúnktar og um 45
aðrir stundakennarar. Á þessu ári hafa tveir fastir kennarar bæst í hópinn: Einar
B. Pálsson verkfræðingur var skipaður prófessor í bæjarverkfræðigreinum frá
1. júní 1974 og dr. Geir A. Gunnlaugsson var settur dósent i véla- og skipaverkfræði
frá 1. ágúst 1974 með aðalkennslugreinar burðarþolsfræði skipa og véla og
vélhlutafræði. — VKJ
FRÁ RANNSÓKNASTOFNUNUM
Frá Rannsóknastofnun byggingariðnaðarins
[ byrjun árs 1969 fluttist Rannsóknastofnun byggingariðnaðarins í ný húsakynni
á Keldnaholti. Vegna efnahagsörðugleika í þjóðfélaginu á þeim tíma, var þó
frestað framkvæmdum við skrifstofuálmu hússins. Af þessum sökum hefur stofnunin
átt við húsnæðisskort að glíma að undanförnu. Nú eru hins vegar hafnar
framkvæmdir við byggingu skrifstofuálmu, og áætlað er að taka hana í notkun
að nokkru leyti á næsta ári. Byggingin verður einangruð að utanverðu með
steinullarmottum og klædd með loftræstri áklæðningu.
Nýlega komu út tvö ný Rb-blöð, sem verið er að dreifa til áskrifenda. Annað blaðið
fjallar um steinsteypu, gæðaflokkun og leiðbeiningar við lýsingu á steypu og
steypugæðum. Blaðið greinir frá því, hvernig blanda skal steinsteypu með þvi
að nota blöndunartöflur og beita prófblönduaðferð. Blaðið er ætlað til notkunar
við minniháttar steypuframkvæmdir, þar sem ekki er þörf fullkomnari forskrifta
eða staðalákvæða. Fyrsti kaflinn er ætlaður mannvirkjahönnuðum til leiðbeiningar,
en síðari kaflinn á að leiðbeina þeim, sem sjá um framkvæmdirnar. Hitt blaðið
fjallar um útveggjaklæðningu, loftræst ytra byrði. I blaðinu er gerð grein fyrir
þeim ágangi, sem á byrðinu mæðir, svo og hlutverki byrðisins, gerð þess og
frágangi.
I apríl s.l. var gefið út Rb-kostnaðarkerfi. Tilgangurinn með því riti er að koma á
stöðluðu formi til að fara eftir við sundurliðun og skrásetningu byggingar-
FRÁ ÖÐRUM STOFNUNUM
1. þing Bandalags háskólamanna
1. þing Bandalags háskólamanna var haldið að Hótel Loftleiðum dagana 29. og 30.
nóvember s.l. Þingið sátu 130 fulltrúar hinna ýmsu aðildarfélaga BHM. Formaður
BHM, Markús Á. Einarsson, setti þingið. Eftir þingsetningu ávarpaði fjármálaráð-
herra þingfulltrúa, þá flutti Jónas Haralz bankastjóri erindi um efnið: Er hætta á
offjölgun háskólamanna? Meðal gesta á setningarfundi voru: forsætisráðherra,
menntamálaráðherra, formaður BSRB, formaður Vinnuveitendasambandsins
og rektor Háskóla Islands.
Að loknum setningarfundi hófust venjuleg aðalfundarstörf. Tvö félög voru tekin
inn í Bandalagið, Félag íslenzkra sjúkraþjálfara og Tæknifræðingafélag Islands.
Jónas Bjarnason, formaður launamálaráðs, hafði framsögu um kjaramál. Starfshópar
störfuðu um eftirtalin efni: