Almanak Hins íslenska þjóðvinafélags - 01.01.1975, Qupperneq 150

kílómetra (50 Júpítersþvermál) frá reikistjörnunni.
Geislunin (hraðfara rafeindir og róteindir) varð
æ sterkari eftir því sem nær dró Júpíter, uns svo
var komið að tæki flaugarinnar voru í hættu. Raf-
agnir gengu í gegnum flaugina og trufluðu stýr-
ingu nokkurra mælitækja án þess að við yrði ráðið,
því að vegna fjarlægðar frá jörðu hefði tekið hálf-
an annan tíma að leiðrétta stýringuna með nýjum
boðum, og það þótt boðin færu með hraða ljóssins
eins og útvarpsöldurnar gera. En truflanirnar reynd-
ust ekki alvarlegs eðlis, og þótt nærri lægi að
skemmdir yrðu, slapp flaugin furðu lítt sködduð
úr þessari eldraun. Heildargeislunin sem Pioneer
10 varð fyrir reyndist fimmfalt meiri en það há-
mark sem reiknað hafði verið með, og þúsundfalt
meiri en sá skammtur sem nægja myndi til að verða
manni að bana.
Þegar flaugin komst næst Júpíter, hinn 3. des-
ember, var hún 130 þúsund kílómetra (eitt Júpíters-
þvermál) frá yfirborði skýjaþykknisins sem um-
lykur reikistjörnuna. Eftir þúsund milljón kílómetra
íerðalag skakkaði ekki nema 700 kílómetrum frá
áætlaðri braut. Hefði flaugin farið öllu nær Júpíter
má telja víst að mikið af tækjum hennar hefði eyði-
lagst. Athuganir á útvarpsbylgjum frá Júpíter benda
til þess, að rafagnageislunin muni ná hámarki um
60 þúsund km frá Júpíter, þ. e. hálfu nær en Pion-
eer 10 fór.
Mælingar Pioneers 10 benda til þess að segulsvið
Júpíters við yfirborð sé um það bil tífalt sterkara
en segulsvið jarðar og snúi í gagnstæða átt. Seg-
ulsviðið virðist óreglulegra en segulsvið jarðar og
ekki sammiðja Júpíter, eins og athuganir frá jörðu
höfðu reyndar gefið til kynna. I segulsviði Júpí-
(148)