Almanak Hins íslenska þjóðvinafélags - 01.01.1979, Síða 101

Iðnaður.
Enn átti íslenzkur iðnaður við ýmsa erfiðleika að etja,
einkum vegna erlendrar samkeppni.
í janúar lánaði Norræni framkvæmdabankinn íslenzka
járnblendifélaginu 7.3 milljarða íslenzkra króna. I maí gekk í
gildi samningur milli íslenzka járnblendifélagsins og norska
félagsins Elkem-Spigerverket. Á norska félagið 45% í fyrir-
tækinu, en ríkissjóður Islands 55%. Unnið var að járn-
blendiverksmiðjunni á Grundartanga í Hvalfirði, og miðaði
því verki vel áfram. Var unnið þar að ofnhúsi, spennuhúsi og
fleiri byggingum. Á Akranesi var stofnað fyrirtækið Perlan
h.f. til að vinna að perlusteinsvinnslu. Þar var starfrækt lítil
tilraunaverksmiðja til vinnslu á perlusteini. Vírnet h.f. í
Borgamesi hóf framleiðslu á bárujárni. Starfsemi Þörunga-
verksmiðjunnar á Reykhólum lá að miklu leyti niðri fyrri
hluta árs, en hófst síðan aftur, og tóku heimamenn við rekstri
hennar. Gekk starfsemi hennar allvel eftir það. Saumaverk-
stæði tók til starfa í Víðihlíð í Víðidal. Á Skagaströnd var
hafin framleiðsla fiskibáta úr plasti. Fyrirtækið K. Jónsson &
Co. á Akureyri byggði nýtt frystihús í sambandi við niður-
suðuverksmiðju sína. Unnið var að stækkun ullarverksmiðj-
unnar Gefjunar á Akureyri. Jarðhræringar ollu á árinu
verulegum skemmdum á Kísilgúrverksmiðjunni við Mývatn.
Stofnað var á Húsavík félag til að koma þar á fót skipavið-
gerðastöð. Fyrirtækið Nesplast h.f. í Neskaupstað hóf fram-
leiðslu á plastböndum fyrir frystiiðnaðinn. Stofnað var í
Vestmannaeyjum fyrirtækið Skipalyfta Vestmannaeyja h.f.
til að annast skipaviðgerðir. Ný plastverksmiðja, Fossplast
h.f., tók til starfa á Selfossi. Stofnað var hlutafélag til að
undirbúa stofnun saltverksmiðju á Reykjanesi. Vart varð
nokkurrar mengunar við álverksmiðjuna í Straumsvík. Gerð
var áætlun um uppsetningu hreinsitækja í álverksmiðjunni á
næstu þremur árum. Timbur og stál h.f. hóf í verksmiðju í
Kópavogi framleiðslu á steypustyrktarnetum. Ýmis önnur
ný iðnfyrirtæki tóku til starfa á Reykjavíkursvæðinu. Fimm
fyrirtæki í málmiðnaði í Reykjavík tóku upp nána samvinnu
(99)