Almanak Hins íslenska þjóðvinafélags - 01.01.1979, Síða 142

sjúkrahúsi, íþróttahúsi, sundlaug, stækkun gagnfræðaskóla-
hússins og kaupfélagshúsi. Unnið var að undirbúningi að
byggingu verknámsskóla fyrir Suðurland á Selfossi.
Byggingu sorphreinsunarstöðvar var að mestu lokið. Varn-
argarðar gegn flóðum voru gerðir í Villingaholtshreppi-
Nokkur íbúðarhús voru í smíðum á Stokkseyri. Hafin var
bygging einangrunardeildar við fangahúsið á Litla-Hrauni.
Á Eyrarbakka var unnið að nokkrum íbúðarhúsum og und-
irbúningi að skólabyggingu og gerð íþróttavallar. Umbætur
voru gerðar á Eyrarbakkakirkju. Hafin var endurbygging
sjóvamargarðanna á Stokkseyri og Eyrarbakka eftir sjó-
ganginn í desember. Lokið var byggingu sögualdarbæjar í
Þjórsárdal. Sæluhúsið í Hvítárnesi var endurbyggt.
Rangárvallasýsla. Vatnsveita var gerð í Holtum. Allmörg
íbúðarhús voru byggð á Hellu. Þar var tekin í notkun
heilsugæzlustöð og fyrsti áfangi dvalarheimilis aldraðra (það
heitir Lundur). Nokkur íbúðarhús voru byggð á Hvolsvelli
og unnið að byggingu iðnaðarhúsa. Lokið var þar byggingu
frystihúss. Þar var og unnið að skólahúsum, gatnagerð og
vatnsveituframkvæmdum.
Vestmannaeyjar. Um 100 íbúðir voru þar í smíðum. Þar
var unnið mikið að gatna- og holræsagerð og vatnsveitu- og
rafveituframkvæmdum. Mikið var unnið að hreinsun og
uppgræðslu eftir gosið. Hraunhitaveita var lögð í allmörg
hús. Unnið var að byggingu nýrrar dælustöðvar fyrir hita-
veituna og að gerð nýrrar skolpleiðslu. Lokið var að mestu
byggingu sjúkrahússins. Safnahúsið nýja var formlega tekið í
notkun í desember. Unnið var að flugstöðvarbyggingu.
Tekin var í notkun þjónustumiðstöð fyrir ferðamenn. Reistur
var í Vestmannaeyjum minnisvarði um séra Jón Þorsteinsson
píslarvott.
Skaftafellssýslur. I Vík var unnið að byggingu heilsu-
gæzlustöðvar. Nokkur íbúðarhús voru byggð á Kirkju-
bæjarklaustri, og unnið var þar að heilsugæzlustöð og
dvalarheimili aldraðra. Kaupfélagshús var tekið þar til
afnota. Umbætur voru gerðar á þjóðgarðinum í Skaftafelli-
Rúmlega 40 íbúðir voru í smíðum á Höfn í Hornafirði. Þar
(140)