Almanak Hins íslenska þjóðvinafélags - 01.01.1981, Side 166

í maí var Páll Sigurjónsson endurkjörinn formaður
Vinnuveitendasambands íslands. 1. marz tók Þorsteinn
Pálsson við starfi framkvæmdastjóra Vinnuveitendasam-
bands Islands, en Ólafur Jónsson lét af störfum. I ágúst tók
Ásmundur Stefánsson við starfi framkvæmdastjóra Alþýðu-
sambands íslands. 7. júní var Kristján Thorlacius endur-
kjörinn formaður Bandalags starfsmanna ríkis og bæja.
V ísitala
Vísitala framfærslukostnaðar í Reykjavík var 1. febrúar
1292 stig (1234 stig í árslok 1978), en l.nóvember 1911 stig.
Ýmislegt
Afmœli Neskaupstaðar. Á árinu var liðin hálf öld frá því að
Neskaupstaður fékk kaupstaðarréttindi. Þess var minnzt á
ýmsan hátt á árinu, einkum dagana 5.-9. júlí. Þá voru þar
listsýningar, tónleikar o.m.fl.
Afmœli Snorra Sturlusonar. Átta alda afmælis Snorra
Sturlusonar var minnzt á ýmsan hátt á árinu með fyrirlestr-
um, sýningum o.fl. Snorrahátíð fór fram 26. ágúst í Reyk-
holti. Hið íslenzka fornritafélag gaf út hátíðarútgáfu af
Heimskringlu. Sögufélagið gaf út bókina „Snorri, átta alda
minning".
Aldarártíð Jóns Sigurðssonar. 1. desember var þess
minnzt á ýmsan hátt, að öld var liðin frá andláti Jóns
Sigurðssonar forseta. Þá kom út á forlagi Sögufélagsins ritið
„Jón Sigurðsson forseti 1811 —1879“ eftir Einar Laxness, og
Þjóðvinafélagið boðaði útgáfu úrvals bréfa til Jóns Sigurðs-
sonar. Ríkisstjórnin ákvað að styrkja framkvæmdir á
Hrafnseyri.
Ar barnsins. Árið var alþjóðlegt barnaár samkvæmt
ákvörðun Sameinuðu þjóðanna. Hér á landi var þess minnzt
á ýmsan hátt, og vandamál barna í þjóðfélaginu voru rædd.
Störfuðu ýmsir starfshópar að þessum málum, og haldnar
voru ráðstefnurog sýningar í tilefni þessa. I marz var haldin í
Reykjavík sýning á barnabókum og leikföngum. Ráðstefna
(164)