Geislinn - 01.01.1929, Blaðsíða 20

Geislinn - 01.01.1929, Blaðsíða 20
20 GEISLINN (sumir halda að það muni hafa verið nálægt árinu 42 eftir Kr. og aðrir að það hafi verið seinna eða um árið 62 eftir Kr.). Þessi heilagi rithöfundur talar mjög skýrt um gildi lögmálsins og ætlunarverk á hans tíma. Hér skulu tilfærð nokkur af orðum hans: „Vitaskuld —¦ ef þér uppfyllið hið konunglega boðorð samkvæmt Ritning- unni: Þú skalt elska náunga þinn eins og sjálfan þig, þá gerið þér vel; en ef þér farið í manngreinarálit, þá drýgið þér synd, og lögmálið (nomos) sannar upp á yður, að þér séuð yfir- troðslumenn". Og tökum svo eftir því hvaða rök hann færir fyrir þessum orð- um: „Því að þótt einhver héldi alt lög- málið (nomos), en hrasaði í einu at- riði, þá er hann orðinn sekur við öll boðorð þess. Því sá sem sagði: Þú skalt ekki hórdóm drýgja, hann sagði líka: þú skalt ekki morð fremja. En þótt þú drýgir ekki hór, en fremiir morð, þá ertu orðinn yfirtroðslumaður logmáls- ins. Talið því og breytið eins og þeir, er dæmast eiga eftir hinu fullomna lög- máli frelsisins". (Jak. 2, 8—12). Síðan heldur hann áfram rökfærslu sinni og segir ákveðið, að sú „trú", sem ekki sýni sig í samsvarandi verkum, sé dauð og einskis verð: „Því að eins og likam- inn er dauður án anda, eins er og trú- in dauð án verka". Sjá vers 14, 17, 20, 26; og ennfremur kap. 1, 25. Jakob var einn af fulltrúum hins nýja sáttmála, einn af þeim, sem héldu uppi kenningum og reglum hins nýja sáttmála. Sem slíkur hélt hann fram tíu boðorðunum og sýnir fram á að þau séu framvegis í sínu fulla gildi á hans dögum, og kallar þau ,,lögmál frelsisins", sem oss ber að skygnast inn i, „ hið konunglega boðorð samkvæmt Ritningunni", sem vér eigum allir að uppfylla. (Jak. 1, 25; 2, 8, 12). Ættum vér sem kristnir menn nútímans að kenna öðruvísi? Kærleikur og lögmál. Kærleikspostulinn, Jóhannes, lagði mikla áherslu á lögmál Guðs og boð- oið Guðs (skipanir). Að líkindum hef- ir hann skrifað bréf sín kringum árið 90 eftir fæðingu Krists, eða ekki skem- ur en 60 árum eftir dauða hans og byrj- un hins nýja sáttmála. Hann þekti ekkert til og trúði því augljóslega held- ur ekki, að lögmál Guðs væri afnumið eða að gildi þess hefði rýrnað. Þegar í guðspjalli sínu leggur þessi elskaði lærisveinn frelsarans áherslu á það sem Jesús sjálfur talaði um þetta mál, með því að hann tilfærir slík orð af munni hans sem þessi: „Eg hefi haldið boðorð föður míns og stend stöðugur í elsku hans", og „ef þér haldið boðorð min, þá standið þér stöðugir í elsku minni". (Jóh. 15. 10). Elska til Guðs og elska til boðorða hans er óaðskiljanlegt. Þetta kemur berlega fram í þessum orðum Jesú til lærisveinanna: „Ef þér elskið mig, þá munuð þér halda boðorð mín"; „sá sem hefur mín boðorð og heldur þau, hann er sá sem elskar mig". (Jóh. 14, 15, 21). í fyrsta bréfi sínu talar Jóhannes um þessi sömu sannindi með mjög skýrum orðum, þegar hann segir: „Af því þekkjum vér, að vér elskum G,uðs börn, þegar vér elskum Guð og breytum eftir boðorðum hans" (boðorð- um; því að „boðorð" stendur hér í fleirtölu). Þetta er þannig auðkennið, sönnunin: þegar vér elskum Guð og höldum boðorð hans, þá er talið víst að vér einnig elskum Guðs börn. Grund- vallarregluna í þessu sambandi sýnir hann fram á sem sðnnun, þegar hann bætir við: „því að í því sýnir sig elsk- an til Guðs, að vér höldum hans boðorð (skipanir), og hans boðorð eru ekki þung". 1. Jóh. 5, 3. 4. Þeim sem er af Guði fæddur og yfirvinnur heiminn, verður hvorki vandasamt né þungbært að halda boðorð Drottins. Fyrir trúna á Guð sigrum vér heiminn, og þar með

x

Geislinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Geislinn
https://timarit.is/publication/870

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.